रोमियो 11:7 - सत मारग पर चलन वारो किताब

⁷ मंग काजक? इजराइल को लोक गिन ला वा नही भेटयो जोनको उनला तलास होतो। यो बस लहान सो एक समूह होतो। जोनला परमेस्वर ना निवाड़ो, वोच ला भेटयो सेत। बाकि सब परमेस्वर को हाकलनो पर भयरा भयि गयिन

रोमियो 11:7 ပူးပေါင်းရင်းမြစ်များ

मरकुस 6:52

उन ला एतरो भीड़ ला जेवन करानवालो चमत्कार समजमा नही आयो। एकोलाय उनको मन कड़ो भय गयो होतो।

लूका 13:24

सकड़ो किवाड़ लक, धसनो को पूरो-पूरो कोसीस करो, काहेकि मी तुमी ला कव्हसू, कोसीस करनो पर भी गजब लोकगीन धसन को लायक भी नही रहेत।

योहन 12:40

मोठो परमेस्वर ना उनको डोरा ला अँधरा कर देइस अना उनको अक्कल ला सटया देइस। परमेस्वर ना कव्हयो, कहीं असो न होहे की वय डोरा ला चोयेत, अना अक्कल लक समजेत। अना मोरो मंघा भय जाहेत। अना मि उन ला साजरो कर देहुँ।

रोमियो 10:3

वय वोना नेकी को रस्ता ला नही जानत होतिन, जोनला परमेस्वर सिकावनो चाव्हत होतो। अना उनना खुदच आपरो लाय नेकी को रस्ता बनावन को कोसीस करयो। अना उनना परमेस्वर लक सांगयो नेकी को रस्ता ला नही अपनायो।

रोमियो 11:25

अगो मोरो संगीहुन! यो एक छिपयो सच्चो गोस्टी सेत। जोन तुम्हिला सांगा सेऊ। यो गोस्टी तुम्हिला चेताहेत का तुमी कितरो अक्कलवर सेव? इसरायिल को लोकहुन को यो हरामेसा को जिद्द नाहती। मंग यो तबा तकन चलयेत, जबा तकन पूरो गैरयहूदी परमेस्वर को जवर ना आय जाय।

रोमियो 11:5

वसोच हाल यहान भी सेत। परमेस्वर की किरपा लक उन लोक गिनको एक लहान संख्या बचयो सेत। जोनला परमेस्वर निवाड़ो सेत।

रोमियो 3:9

मंग का अमी यहुदी गैरयहुदी को संग तखड़ी मा तौलन मा बजनदार सेत? बिलकुल नाही। मिना पयलेच समजायो सेत का, यहुदी अना गैरयहुदी दुयी पाप को ताकत को भितर च सेत।

रोमियो 6:15

मंग काजक, अमी दुबारा पाप करबीन? काहे का अबा अमी कानून को नही पर परमेस्वर को किरपा को अधिन सेजन। अमी कोनी परकार लक पाप नहि कर सकत।

रोमियो 9:18

एकोलाय परमेस्वर जोन पर चव्हासेत रहम करासेत। अना जोनला चाहे हटिला बना देवा सेत।

रोमियो 9:23

जोन लक उ उन लोक गिन को फयदा को लाय, जोनला दया को लाय बनायो होतो, अना जोनला वा आपरो महिमा करन लाय बनायो होतो। उनमा आपरो महिमा चोवा सके।

1 कुरिन्थियो 10:19

मंग मी का कव्हसू? का मुरत गीन को पुड़ा चघायो हुयो जेवन काही सेत? का मुरती काही सेत?

2 कुरिन्थियो 3:14

पर उनको मन कड़ो भय गयो काहेकी अबा भी एना जुनो करार ला परदा उ सेव संची पढ़यो रहयो काहेकी उ बल्कि मसीह मा हटायो जाहे।

2 कुरिन्थियो 4:4

काहेका अबिस्वासी गीन को डिमाक ला यो दुनिया को दुस्ट देव ना अंधार मा ठेविसेत। उ वोना पर उजाड़ होवन काजी रोकसेत। जो साजरा बारता लक मसीह को बारे मा आवासे, यीसु मसीह जनमन परमेस्वर को रुप जसो सेत।

इफिसियो 1:4

परमेस्वर आमी ला संसार को पैदा होवनो लक पयले मसीह मा, ओको पुड़ा पवीतर अना बेकसूर होवन लाय निवाड़ी सेस।

इफिसियो 4:18

उनको अक्कल अंधार भय गयी। वय परमेस्वर लक मिलन वारो जिंदगी लक दुहूर होय गयीसेत। काहेकि वय अगियानी अना उनको मन कठोर भय गयी से।

फिलिप्पियो 1:18

ता का भयो? चाव्ह यो का हर तरीको लक, चाव्ह बहान लक चाव्ह खरो रूप लक, मसीह को कथा आयकावायो जावसे, अखीन मि एकोलक खुस सेव अना खुस रहूँ भी।

इब्रानियो 12:17

तुमिला मालुम सेत। वोला जोन बरदान भेटयो होतो। वोला मंग पावन लाय खूप रडला, तरी आपरो अजी को मन बदलन मा नाकबिल रहयो।

1 पतरस 1:2

तुम जोन परमेस्वर बाप को भबिस्य की गियान लक बेचयो गयो सेव। अना पवितर आतमा लक पवीतर कियो गयो सेव। जोनलक यीसु मसीह को हुकूम मानो। अना वोको रकत को छिड़काव लक तुम लोक गिनमा लगत सान्ती अना दया भेटेत।