रोमियो 1:16 - सत मारग पर चलन वारो किताब

¹⁶ साजरो बारता आयकवान काजी मोला काही सरम-लाज नाहती। यो तो परमेस्वर को ताकत से, जोन हरेक भरोसा राखन वारा, पयले यहूदी लोकगीन, अना मघा गैरयहुदी लोकगीन को लाय, मुकती को जरिया से।

रोमियो 1:16 ပူးပေါင်းရင်းမြစ်များ

मरकुस 8:38

जो कोनी यो खोटो अना पापी पीढ़ी बेरा मा मोरो लक अना मोरो गोस्टी लक लजाहे ता मानूस को टूरा भी जबा आपरो पवीतर सरगदूत को सँग आपरो परमेस्वर बाबूजी को महिमा मा आहे, तबा उ भी उनला आपरो कव्हन लाय लजाहे।

लूका 9:26

जोन मोला अखीन, मोरो कव्हनो ला मानन लाय, लाज करयेत, मानूस को टूरा आपरो तेज को संग आहेत तो वोला सबको पुआ नकार देहत, अखीन जोन सबको पुढा वोला मान लेहेत, वो वोला परमेस्वर अखीन पवीतर सरगदूत, को पुढा मान लेहेत।

योहन 7:35

यहुदी अधिकारी आपसी मा कहिन, “उ किता को जघा ला जासे का हमी ओला नही पायबिन?” का उ युनानी नगर ला ता नही जासे का वहान तितिर-बितिर रव्हन वाला यहुदी गीनला, युनानी मा सिक्सा सांगेह?

पेरीत 3:26

अना परमेस्वर न अपरो दास ला बेचीस, अना तुमरो जवर धाड़िस, ताकि तुमला तुमरो खोटो रास्ता लक हटाय के आसीस देहे।

रोमियो 10:17

एकोलाय भरोसा आयकन लक, अना आयकनो मसीह को बचन लक होवासेत।

रोमियो 15:19

अना निसान अखीन अचँभा काम को ताकत लक, अना पवीतर आतमा को ताकत लक, मोरो हात लक भई सेत। यहान लक का मि ना येरुसलेम लक, इतानी उतानी सब जघा इल्लुरिकुम तकन यीसु मसीह को साजरो बारता ला पूरो-पूरो सांगिसेऊ।

रोमियो 15:29

मोला भरोसा से का, जबा मी तुमरो जवर आसिन तो यीसु मसीह को आसिरवाद आनीन।

रोमियो 2:9

हरेक मानूस, जोन बूरो करासे, वोका पर दुख अना सकंट आहेत, पयले यहूदी पर, मंग गैरयहूदी पर।

रोमियो 4:11

बाद मा वोको खतना कियो गयो, अना वोको खतना यो दिसान को एक निसान होतो। का वोको बिस्वास को कारन परमेस्वर ना वोको खतना लक पयले नेक इन्सान मान लियो होतो। अना एकोलाय अबराहम उन सबको दआजी सेत। जोन परमेस्वर मा भरोसा राखा सेत। अना वोको लका नेक मानूस को रूप मा स्वीकार कियो जावा सेत। चाहे उनको खतना नहीं हुयो होय।

1 कुरिन्थियो 15:2

यो वा साजरा बारता सेत, जोन मी ना तुम्हिला आयकायो सेऊ। अदि तुमी एला पक्को लक धरा सेव, ता तुमी बचायो गयो सेव। नईतो तुमरो भरोसा राखनो बेकार भई जाहेति।

1 कुरिन्थियो 2:2

परा मी यो ठान के आयो होतो, का तुमरो बीच मा कूरूस मा चघायो गयो, यीसु मसीह को बारता को सिवाय कोनी गोस्टी नही करहीन।

1 कुरिन्थियो 2:4

अना मोरो सबद अना संदेस मा मानूस जसो चिकनो चुपड़ो गोस्टी नोहोति। बल्कि उनमा आतमा को ताकत अना सबूत होतो।

1 कुरिन्थियो 9:12

अदी दुजो लोकगीन ला तुमी पर यो हक से, तो का बराबरी मा हमरो लगत हक नही? मंग हमीना यो हक ला नही बवजसेजन, काहेका हमी मसीह को साजरो बारता मा कोनी बाधा डाकनो नही चाव्हा सेजन। एको लाई हमी, हर तौर लक दुख उठासेजन।

1 कुरिन्थियो 9:18

तो ईनाम पर मोरो कोन तो हक से? अना मि साजरो बारता को बारे मा आपरो हक ला काम मा नही आनु सेऊ। उ यो से का मी फोकट मा, साजरो बारता ला सांगा सेऊ।

2 कुरिन्थियो 2:12

जबा मी मसीह को साजरा बारता आयकावन को लाई तोराआस आयो, अना पिरभू न जबा मोरो लाई बेसकुड़ उघाडो।

2 कुरिन्थियो 4:4

काहेका अबिस्वासी गीन को डिमाक ला यो दुनिया को दुस्ट देव ना अंधार मा ठेविसेत। उ वोना पर उजाड़ होवन काजी रोकसेत। जो साजरा बारता लक मसीह को बारे मा आवासे, यीसु मसीह जनमन परमेस्वर को रुप जसो सेत।

2 कुरिन्थियो 9:13

काहेका एना सेवा को परिनाम स्वीकार करके वय परमेस्वर की महिमा परगट करासेत का तुमी मसीह की साजरा बारता ला मानके वोको कन रहवा सेत अना वोकी अखीन सब पवीतर लोकगीन को सेवा करनो मा दयालूपन परगट करता रहवत होत्यो।

गलातियो 1:7

वाकई मा, “दुजो कोनी साजरो बारता” नहाती, पर काही लोक तुममा सांती भँग करसेति। अना मसीह को साजरो बारता ला अकारत करनो चाव्हसेत।

1 थिस्सलुनीकियो 2:13

एना कारन हमी भी सदा परमेस्वर ला धनवाद करा सेजन। का जबा हमरो कन लक तुमला परमेस्वर को गोस्टी की खबर मिली त तुमी न वोनो मानूस गीन ला नही, पर परमेस्वर को गोस्टी समझके अपनायेत। खरो मा उ से भी जोन तुमी भरोसा मा अपरो काम भी करासेत।

1 तीमुथियुस 1:11

योच महान धन्य परमेस्वर को महिमा को ओना साजरो बारता को जसो से जोन बिस्वास मोला सौपयो गयो से।

2 तीमुथियुस 1:12

एना कारन मी एना दुखगीन ला भी उचला सेऊ पर सरमाऊ नही काहेकी मी वोला जेनको पर मीना भरोसा करीसेऊ जानासेउ अना मोरो पक्को से का उ मोरी पुंजी की वोनो दिवस तकन देख-रेख कर सकासे।

2 तीमुथियुस 1:16

उनेसिफुरुस को खानदान पर पिरभू दया करेहे काहेकी वोना लगत बार मोरो जीव ला थन्डो करीसेस अना मोरी हतकड़ी गीन लक लज्जित नही भयो।

2 तीमुथियुस 1:8

एकोलाय हमरो पिरभू की गवाही लक अना मोरो लक जोन वोको जेली सेऊ लज्जित नोको होवो पर वोनो परमेस्वर की ताकत को जसो साजरो बारता लाई मोरो संग दुख उठाव।

इब्रानियो 4:12

काहेका परमेस्वर को बचन जित्तो, अना ताकतवर, अना कोनी भी दुइ धारवालो तरवार लक पैनो सेत। उ जान मन जोड अना मास ला आर को पार छेदन लायक सेत, अना मनको बिचार अखीन भावना ला परखसेत।

1 पतरस 4:16

पर यदी एखाद ला मसीह होवन को नातो लक दुख सहन करे, तर कोनी लाज लगे नाका। तर परमेस्वर को गौरव साठी यो नाव स्वीकारनो पाहिजे।