रोमियो 1:14 - सत मारग पर चलन वारो किताब

¹⁴ मोरो पर यूनानिगिन अना गैर यूनानिगिन, अक्लवर अना मुरख, सब को करजा सेत।

रोमियो 1:14 ပူးပေါင်းရင်းမြစ်များ

मत्ती 11:25

वोच बेरा यीसु ना कव्हयो परमेस्वर बाबूजी सरग, अना धरती को पिरभु, मी तोरो धनवाद करासू, का तूना यो गोस्टी ला अक्कलवर अना समजदार लोकगीन लक, लूकाईसेस अना लेकरागिन पर परगट करयो से।

लूका 10:21

वोच बेरा उ पवीतर आतमा लक खुसी मा भर गयो अना कव्हसेत, “हे बाबूजी, सरग अना धरती को मालीक, मि तोरो धनवाद करासू, का तूना यो गोस्टी ला, मोसे को नियम को गुरू अखीन समजदार लक लुकाके राखिसेस। अखीन नहानो लेकरा गीन पर, उजागर करीसेस। हाँ हे बाबूजी तोला, असोच साजरो लगिसेस।”

पेरीत 22:21

अना वोना मोरो लक कहीस चली जाय काहेकी मी तोला गैर यहुदी को जवर दुहुर-दुहुर तकन।

पेरीत 28:2

वहान को मुलनिवासी गीन न हमरो सांगा संगी जसो साजरो बरताव करीन। काहेका दव को मौसम होतो। अना बरसात होय रहि होती। एको लाई इस्तो पेटायो। अना हमरो सबको सुवागत करीन।

पेरीत 28:4

जबा मुलनिवासी न सरप ला वोको हात मा गुन्डियो चोयो, त कव्हन लगीन पक्को मा यो मानूस खूनी से। जबा की यो सागर लक बच गयो, पर नियाव एला जीवनो नही दे रहिसे।

पेरीत 9:15

पर पिरभू न वोला कहीस तु जाय, काहेकि यो मानूस ला गैरयहुदी अना राजागीन अखीन इसरायल गीनको पुड़ा मोरो नाव लेवन काजी मीना एला बेची सेऊ।

रोमियो 1:22

वय खुदच ला अकलवर समजके ना चूथीया बन गईन।

रोमियो 11:25

अगो मोरो संगीहुन! यो एक छिपयो सच्चो गोस्टी सेत। जोन तुम्हिला सांगा सेऊ। यो गोस्टी तुम्हिला चेताहेत का तुमी कितरो अक्कलवर सेव? इसरायिल को लोकहुन को यो हरामेसा को जिद्द नाहती। मंग यो तबा तकन चलयेत, जबा तकन पूरो गैरयहूदी परमेस्वर को जवर ना आय जाय।

रोमियो 12:16

आपसी मा एक मन राखो घमन्ड नोको करो, पर गरीब लोक गीन को संगती करो। अना आपरो नजर मा बिचार के अक्लवर नोको बनो।

रोमियो 13:8

आपसी मा पिरेम ला छोड़ अना काही बात को करजा नोको चाहो। काहेका जोन दुसरो लक माया राखासे उ नियम धरम ला पूरो कर सेस।

रोमियो 16:19

तुमरो हुकूम मानन को चरचा सब लोकगीन मा फैल गयो सेत, एको लाय मी तुमरो लाय खुसी मनावसू, पर मी यो चव्हासू, का साजरो लक अक्कलवर अना बुराई को लाय भोला बनो।

रोमियो 8:12

एकोलाय मोरो संगी हुन! आमरो पर यो देह को करजा तो सेत, पर अमिला मानूस को स्वाभाविक मरजी को अनुसार जित्तो रव्हअनो नाहती। भलो च आमरो मन असो करन लाय साठी उकसावे।

1 कुरिन्थियो 14:11

एकोलाय जबा तकन मी वोना भासा को जाननवालो नही सेऊ, तबा तकन, बोलन वालो को लाय मी परदेसी कहलाईन, अना वा बोलन वालो भी मोरो लाय एक परदेसी जसो सेत।

1 कुरिन्थियो 14:16

काहेका अदी तू आतमा च लक धन्यवाद करजोस, तो वहान को अनजान मानूस तोरो धनवाद मा आमेन कसो सांगेत? काहेका उ यो नही जानासेस का तु काजक कव्हसेत?

1 कुरिन्थियो 2:13

जोनला आमी मानूस गिनको सिकायो गोस्टी पर नही, पर आतमा को सिकायो गयो गोस्टी मा आतमिक गोस्टी मिला-मिला के बखान करा सेजन। सांगनो को बेरा मा, मानूस को बुध्दि लक दियो गयो सबद नही, पर आतमा कन लक मिलियो सबद गीनला बौजासेन। ऐना रिती लक आमी आतमिक गोस्टी मा आतमिक घटना को बारे मा साँगा सेजन।

1 कुरिन्थियो 3:18

कोनी आपरो आप ला धोखा नोको देवे। अदी तुमी मा लक कोनी दुनिया मा अपरो आपला गियानी समजासे, तो अपरो आपला मुरख बनाय ले।

2 कुरिन्थियो 10:12

काहेकी हमी असी हिम्मत नही का, हमी अपरो आप ला उन मा लक असो काही को संग गीनन या उनला अपरो ला मिलाहे जोन अपरी साबासी खुदच करासेत अखीन अपरो आप आपसी तवल के एक दुसरो लक मिलके कम अक्ल ठहराहेत।

2 कुरिन्थियो 11:19

तुमी भी अक्कलवर सेव, पर खुस होयके अठ्ठियागीन को सहसेव।

कुलुस्सियो 3:11

ओमा ना ता परजात न काही यहूदी से न खतना ना काही खतनावालो, न जंगली, न कारो पानी मा रव्हनवारा न दास अना न छुट्टो: केवल मसीह सब कुछ अना सब मा से।

2 तीमुथियुस 2:10

एना कारन मी बेचयो हुया लोक गीन को लाई सबच काही सहन करासु का वय भी वोनच मुकती ला जोन मसीह यीसु मा से अमर महिमा को संग पाहेत।

तीतुस 3:3

काहेका आमी पुढ़ा बेअक्ल का रहत होता अना हुकूम ला नही मानत होता अना संका मा पड़या रव्हत होता। अना काई परकार को लोभ अना सुख सुविदा को चाकरी करत होता अना बइर, अना जरनाहि मा जिंदगी बितावत होता। अना आमी लक लोक घिरना करत होतीन अना आमी भी एकमेक लक घिरना करत होतो।