रोमियो 1:1 - सत मारग पर चलन वारो किताब

¹ पौलुस को यो चिठ्ठी से। जोनला यीसु मसीह ना सेवक अना पेरीत को नाता लक निवड़ले आहेत। अना परमेस्वर को साजरा बारता सांगन लाय बुलायो सेत।

रोमियो 1:1 ပူးပေါင်းရင်းမြစ်များ

मरकुस 1:14

योहन ला जेल मा डाकनो को मंघा, यीसु ना, गलील छेतर मा आयके, परमेस्वर को राज को साजरा बारता ला परचार करन लगयो।

योहन 12:26

अदी कोनी मोरो दास बननो चाव्हासे तो मोरो मंघा चले, जिता मि सेउ, उता मोरो चेला भी रव्हेत, अदी कोनी मोरी सेवा करनो चाव्हासे ता बाबूजी ओको मान करेत।

योहन 15:15

अता अबा लक मि तुम्हिला दास नही कहुँ, काहे की नौकर ला मालुम नही रव्हासे का वोको मालीक काजक करासे?पर मि ना तुमला संगी कहीसेउ, काहे की मिना जोन गोस्टी आपरो बाबूजी लक आयकासेऊ, वय सबच तुमला साँग देइसेउ।

योहन 15:20

जोन गोस्टी मिना तुमी लक कहीसेउ, वोला हेत राखो, दास आपरो पिरभू लक मोठो नही होवासे, अदी ओन्हीसीन मोला तगाईन, तो तुमला भी तंगाहेत। अदी ओन्हिसीन मोरी गोस्टी मानीन, तो तुमरो भी मानहेत।

पेरीत 13:9

पर साऊल न जोन पौलुस भी कहलावसे, पवीतर आतमा लक भरपुर भय, ओको कन ध्यान लक चोयके कहीस,

पेरीत 20:24

पर मी जान ला किमती नही समझसू। मी तो बस उ दौड अना वोकी सेवा ला पूरी करनो चाव्हसू। जोन मोला पिरभू यीसु देइसेस। उ यो से का परमेस्वर को दया मा गवाही देवनो।

पेरीत 21:40

जबा वोना हुकूम देईस त पौलुस न सीढ़ी पर उभो होयके लोक गीन को हात लक ईसारा करीस। जबा उ उगो-मुगो भय गयो। त उ इबरानी बोली मा बोलन लगयो।

पेरीत 22:21

अना वोना मोरो लक कहीस चली जाय काहेकी मी तोला गैर यहुदी को जवर दुहुर-दुहुर तकन।

पेरीत 22:7

अना मी धरती पर पड़ गयो। तबच मी एक असी आवाज आयकू आयो। अरे साऊल! अरे साऊल! तु मोला कायलाई सातवसेस?

पेरीत 26:1

तबा अग्रिप्पा न पौलुस लक कहीस, “तोला खुदच अपरो पक्स मा बोलन की हुकूम से।” अना पौलुस अपरो बचाव मा सांगन लगयो।

पेरीत 26:14

जबा हमी सब जमीन पर लुड़क गयो। तबच मोला इबरानी बोली मा असी आवाज आयकू आई। साऊल-साऊल, तु मोला कायलाई सतावसेस? तरवार को धार मा लात नोको मार, यो तोरो बसको नाहती।

पेरीत 27:23

काहेकी परमेस्वर जेकी सेवा मी करसेऊ, वोको एक सरगदूत आज रात मोरो जवर आयके उभो भयो।

पेरीत 9:15

पर पिरभू न वोला कहीस तु जाय, काहेकि यो मानूस ला गैरयहुदी अना राजागीन अखीन इसरायल गीनको पुड़ा मोरो नाव लेवन काजी मीना एला बेची सेऊ।

रोमियो 1:16

साजरो बारता आयकवान काजी मोला काही सरम-लाज नाहती। यो तो परमेस्वर को ताकत से, जोन हरेक भरोसा राखन वारा, पयले यहूदी लोकगीन, अना मघा गैरयहुदी लोकगीन को लाय, मुकती को जरिया से।

रोमियो 1:5

वोच यीसु को खासम-खास चेला होवन को मौका मोला भेटयो सेत। जोन लक मी सबा देस को लोकगिन ला यीसु मा बिस्वास करन अना वोला मानन मा मदद करबिन।

रोमियो 1:9

यो गोस्टी को परमेस्वर गवाह से, जोन मी सांगा सेऊ उ खरो से। जोन परमेस्वर को टूरा को बारेमा साजरो बारता आयकवा के पुरो मन लक मी वोको सेवा करासेऊ।

रोमियो 11:13

अबा मी तुम गैरयहूदी लक मी कव्हासेऊ, तुमी तो यहुदी नाहोती। काहेका मि खास लक गैरयहूदी गिनको लाय पेरीत सेऊ, मी आपरो काम को लाय पूरो मेहनत करा सेऊ।

रोमियो 15:16

का मी गैरयहुदी गिनको लाय यीसु मसीह को दास बनू, अना परमेस्वर को साजरो बारता को सेवा याजक को जसो करू, का गैरयहुदी रुपी मोरि भेंट पवीतर आतमा लक पवीतर होयके चढ़ायो जाय।

रोमियो 15:29

मोला भरोसा से का, जबा मी तुमरो जवर आसिन तो यीसु मसीह को आसिरवाद आनीन।

रोमियो 16:18

आपरो पोट को सेवा करनवारा, अना चिकनो-चिकनो साँग के सिदो-सादो मन को लोकगीन ला बहकानवारा, असो लोकगीन पिरभू यीसु मसीह को सेवा नही करा सेस, पर वय आपरो सेवा करसेस।

रोमियो 16:25

वोना अमर परमेस्वर को स्तुति हो, जोन तुमी लोकगीन ला मोरो साजरा बारता अना यीसु मसीह को बारता को लक मजबूत राखन मा ताकतवर सेत। यो साजरो बारता वोना राज को सुरुवात से, जोन जुग-जुग लक लुको सेत।

1 कुरिन्थियो 1:1

धाड़न वालो, पौलुस! जोन ला परमेस्वर को मरजी लक यीसु मसीह को पेरीत कह्यो जावत होतो, अना आमरो भाऊ सेस्थिनेस,

1 कुरिन्थियो 9:1

का मी छुट्टा मानूस नही सेऊ? का मी पेरीत नही सेऊ? का मीना पिरभू यीसु ला नही चोविसेऊ? का तुमी लोक मोरो मेहनत को फर नोहोव?

2 कुरिन्थियो 1:1

अखया कुरिन्थुस नगर मा परमेस्वर यीसु मसीह को कलीसिया अना सबा युनान देस को रहवासी सबा पवीतर संतहुन को नाव पौलुस जोन परमेस्वर को मनसा को कन लक पेरीत सेत, अना भाऊ तीमुथियुस को चिठ्ठी।

2 कुरिन्थियो 11:5

मी त समजाय सेऊ का मी कोनी गोस्टी मा मोठो पेरीत गीन लक कम नही सेव।

2 कुरिन्थियो 11:7

का एको मा न कोनी पाप करी सेजन का मीना तुमला परमेस्वर की साजरो बारता फुकट आयकावइस अना अपरो आप खाल्या करीस का तुमी वोरता होय जाव?

2 कुरिन्थियो 12:11

मी मुरख तो बन गयो, पर तुमी ना मोला मुरख बनन काजी बेबस करीसेव। तुमला तो मोरी बडाई करनो होत्यो, काहेकि अदी मी काही भी नही सेव, ताभि मी उन मोठो लक मोठो पेरीत गीन लक काही गोस्टी मा कम नही सेव।

2 कुरिन्थियो 2:12

जबा मी मसीह को साजरा बारता आयकावन को लाई तोराआस आयो, अना पिरभू न जबा मोरो लाई बेसकुड़ उघाडो।

2 कुरिन्थियो 4:5

काहेका आमी खुदच को परचार नही करसेजन, पर आमी पिरभू यीसु मसीह ला परमेस्वर को रुप मा परचार करसेजन। अना आपरो बारेमा असो कव्हसेजन का आमी यीसु को कारन तुमारो दास सेजन।

गलातियो 1:1

यो चिठ्ठी मि पौलुस को कन लक लिख्यो गयी से। जोन ला खुदच यीसु मसीह अना परमेस्वर बाबूजी ना मोला पेरीत ठहराईसेस। जेने ओला मरयो हुवो मा लक मंग लक जित्तो करीसेस जोन ना तो मानूस को कन लक अना ना कोनी मानूस कन लक पेरीत ठहरायो गयो सेव।

इफिसियो 1:1

यो चिठ्ठी पौलुस को कन लक, जोन परमेस्वर को मरजी लक मसीह यीसु को पेरीत से, इफिसुस का रव्हनवारा सन्तगिन अना मसीह यीसु मा बिस्वासी गिन को नाव से।

इफिसियो 1:13

जबा तुमना ओनो सत्य को खबर ला आयकियात जो तुमरो मोक्स को साजरो बारता होतो, अना जेने मसीह पर तुमना बिस्वास करिया होता, ता जेने पवितर आतमा को बचन दियो होतो, मसीह को जरीया लक ओको छाप परमेस्वर को कन लक तुमी लोकहून पर लगायी गयी होती।

इफिसियो 4:11

ओना काही ला पेरीत, काही ला भविस्यवक्ता काही ला साजरो बारता को सांगन वालो अना काही ला परमेस्वर को मानूस को रक्सा करनवालो पासवान अना काही ला गुरुजी ठहराय देईसेस।

फिलिप्पियो 1:1

मसीह यीसु को दास पौलुस अना तीमुथियुस को कन लक, सबच पवीतर लोगहुन को नाव जोन मसीह यीसु मा होयके कलिसीया को मुखिया अना दासगीन को सकट फिलिप्पी नगर मा रव्हसेत।

फिलिप्पियो 2:11

अना परमेस्वर बाबूजी को बड़ाई को साठी हरेक जुबान कबुल करेहेत का, यीसु मसीह च पिरभु से।

कुलुस्सियो 1:1

पौलुस कन लक, जोन परमेस्वर को मनसा लक मसीह यीसु को धाडयो गयो पेरीत सेत। अना आमरो भाऊ तीमुथियुस को कन लक यो चिठ्ठी

कुलुस्सियो 1:25

अना मोला परमेस्वर लक कलीसिया को दास बना दियो गयो सेत। जोनना मोला यो काम करन को लाय आपरो काम दियो सेत। यो पूरो रीत लक अपरो खबर साँगन को काम सेत।

1 थिस्सलुनीकियो 2:2

पर तुमी त जानासेव का फिलिप्पी मा दुख उचलनो अना बुरो बरताव सह्वनो को मंघा भी हमी अपरो परमेस्वर मा असी हिम्मत पायके, घोर बिरोध को होतो हुयो भी तुमला परमेस्वर की साजरो बारता आयकावाया।

1 थिस्सलुनीकियो 2:8

यो रिती लक तुमरो लाई ममता होवनो को कारन हमला खुसी भई, का न केवल तुमला परमेस्वर को साजरो बारता आयकावाया पर तुमरो लाई अपरो पिरयान गीन ला भी दे दियासेजन। काहेकी तुमी हमारो लाई लगत माया को होय गयासेव।

1 थिस्सलुनीकियो 2:9

भाऊ गीन तुमी हमारो महेनत अना दुख महसुस होहे, का हमीना तुमरो पर बोझ नही बनन को मकसद लक कसो रात-दिवस काम धंधा करके तुमला परमेस्वर की साजरो बारता आयकवाया।

1 तीमुथियुस 1:1

पौलुस ला अखिन जोन हमरो पाप मोचक परमेस्वर अना हमारो आस को अधार मसीह यीसु को हुकूम लक मसीह यीसु को पेरीत से।

1 तीमुथियुस 2:7

मी सच्चो कव्हसू झुठो नही बोलू का मी एना सिक्सा लक परचार अना पेरीत अखिन गैरयहुदीगीन को लाई बिस्वास अना सच्चाई की सिक्सा ठहरायो गई सेऊ।

2 तीमुथियुस 1:11

जेनको लाई मी परचार करन वारा अना पेरीत अखीन सिक्सा वालो भी ठहरायो।

तीतुस 1:1

पौलुस को कन लक जोन ला परमेस्वर को बेचयो गयो दास लोकहुन ला उनको बिस्वास मा सहायता देवन लाई अना आमरी नेकी को काम अना खराई को पुरो गियान सिकावन साठी धाड़यो गयो से।

इब्रानियो 5:4

यो मान कोनी ला आपरो आप नही भेटासेत। जब तकन हारून जसो परमेस्वर को कन लक ठैयरायो नही जावासेत।

इब्रानियो 7:26

अबा अमीला असो महायाजक मिलयो सेत। जोन एक पवीतर, निरदोस, बेदाग, पापगिन लक बेगरो, अना सरग लक वरता होयेत। यो गोस्टी सहीच होत्यो।

याकूब 1:1

परमेस्वर को अना पिरभू यीसु मसीह को दास याकूब को कन लक वोना बारा गोत को लोकगीन जोन तितिर-बितिर होयके रव्हसेत नमस्कार भेटेत।

1 पतरस 4:17

काहेका न्याय को बेरा सुरू भयी गयो सेत। अना उ खुद परमेस्वर को कुटुंब लक सुरु भयो सेत। अदि आपरो लक असो सुरुवात भयो से, तर मग जोन परमेस्वर को साजरा बारता मा बिस्वास नही ठेवत उनको काजक दसा होयेत?

2 पतरस 1:1

यीसु मसीह को दास अना पेरीत, सिमोन पतरस को यो चिठ्ठी, उन लोकगिन को नाव वरुन सेत। जोन ना आमरो परमेस्वर, अना बचान वालो यीसु मसीह को लक, आमरो जसो नीतिमान लक, बिस्वास को किमती वरदान भेटियो सेत।

यहूदा 1:1

यो चिठ्ठी यीसु मसीह को दास अना याकूब को भाऊ यहूदा को कन लक, उन हाक्लियो लोकगीन को नाव लाई से जोन परमेस्वर बाबूजी मा चहेतो, अना यीसु मसीह को आवन को लाई सुरक्सित सेत।

परकासित वाक्य 1:1

यो यीसु मसीह को अदभुत सन्देसा सेत। जेनला परमेस्वर को कन लक एकोलाय दियो होतो। का जोन गोस्टी लवकर पुरो होवन वालो सेत। उनला आपरो दास गिनला दरसायो जाय। आपरो सरगदूत धाड़के यीसु ना आपरो दास योहन इसारा मा साँगीसेस।

परकासित वाक्य 22:6

तबा सरगदूत ना मोला सांगीस, “उ दास खरो अना भरोसा लायक से। पिरभु ना जो भविस्यवक्ता गीन को आतमा को परमेस्वर से। आपरो सरगदूत ला आपरो भविस्यवक्ता गीनको कठा उ सब दिसावन ला धाड़ीसेस। जोको लवकर पूरो होवनो जरुरी से।”

परकासित वाक्य 22:9

पर ओना मोरो लक सांगीस, “चौव, असो नोको कर! काहेकि मि तोरो अना तोरो भाऊ भविस्यवक्ता गीन, अना ऐना किताब को गोस्टी ला मानन वालो को संगी दास सेउ। परमेस्वर च ला नमस्कार कर।”