परकासित वाक्य 5:12 - सत मारग पर चलन वारो किताब

¹² अना वय उचो आवाज लक कव्हत होतीन “वा पाठी जोन मार दियो गयो होतो। उ बिरता, ताकत अना धन अना अक्ल अना ताकत अना मान अना स्तुति अना सदा धनवाद को लायक से।”

परकासित वाक्य 5:12 ပူးပေါင်းရင်းမြစ်များ

मत्ती 28:18

तबा यीसु ना, उनको जवर आयके सांगीस। मोला सरग मा अना धरती को पूरो अधिकारी बनायो गयो सेत।

योहन 1:29

दुसरो दिवस मा योहन बप्तिस्मा देवनवारा ना यीसु ला आपरो कन आवता चोइस अना कहीस, चोवो यो परमेस्वर को पाठी से, जो दुनिया को पाप ला उचल ले जावसे।

योहन 17:2

काहेकि तुना ओला सबच मानूस जाति पर हक देईसेस, जोनलक उ उन सबला अमर जिंदगी दे, जोनला तूना वोला सोपयो सेत।

2 कुरिन्थियो 8:9

तुम आमरो पिरभु यीसु मसीह को किरपा जानासेव। का उ धनी होतो पर तुमरो काजी उ कंगाल भई गयो, जोन लक वोको कगांल होवन को कारन तुमी धनी भई जावो।

1 तीमुथियुस 1:17

अबा अमर सनातन राजा अना कबच नास नही होवन वालो, जेनला चोवनो मा नही आयो, एकच परमेस्वर को मान अखिन महिमा जुग-जुग होवती रव्हे। आमेन।

परकासित वाक्य 1:6

वोना अमीला एक राज अना अपरो परमेस्वर दआजी को सेवामा याजक होवन लाय रचयो। ओको गौरव अना ताकत जुगजुग तकन बनयो रह। आमेन

परकासित वाक्य 13:8

धरती को हरेक मानूस जोन को नाव मारयो गयो पाठी को जिंदगी को किताब मा नाहती। वय लोक वा जनावर को पूजा करयेत।

परकासित वाक्य 15:3

वय परमेस्वर को सेवक, मोसे अना पाठी को यो गाना गावत होतिन, “हे सब लक ताकत वर पिरभू, परमेस्वर तोरो काम मोठा अना चमत्कार जसो सेत, हे जूग-जूग को राजा, तु न्यायी अना खरो सेत।”

परकासित वाक्य 19:1

ऐना गोस्टी को मंघा मोला सरग लक एक असो आवाज आयकयो! लोक कव्हत होतिन, “हाल्लेलूयाह! सूटकारा अना महिमा अना ताकत आमरो परमेस्वर को से।”

परकासित वाक्य 4:11

ओ आमरो पिरभु अना परमेस्वर, तुच महिमा मान अना ताकत को लायक सेस। काहेकि तुनच सबच चीजगीन ला बनाईसेस, अना ओको बनयो हुयो काम अना ओको दुनिया तोरीच मरजी लक भयी।

परकासित वाक्य 5:13

मंग मि ना आयकयो, सरग मा अना धरती अना धरती को खाल्या अना समुंदर की बनयो हुयी चीज को, अना सबच काही जो उनमा से, जो राजगद्दी पर बसयो सेत ओको अना पाठी को धनवाद मान अना बड़ाई अना राजपाठ सदा रव्हे।

परकासित वाक्य 5:6

मंग मीना चोवयो का वोना सिघासन अना वोना चार जीव को समोर अना उन सियानो गिन को हाजिर मा एक पाठी उभो सेत। उ असो चोवासेत जसो वोको बली चघायो गयो सेत। वोको सात सींघ होतिन जोन परमेस्वर को सात डोरा होतिन। जोन सपा धरती मा धाड़यो गयो होतो।

परकासित वाक्य 5:8

जब वोना उ पावती ले लियो, ता उन च्यार जीव अना चौबीस बुजरुक ना पाठी ला पाय पड़के परनाम करीन। उनमा लक हरेक को जवर बिना होतो। अना वय सुगन्धित चीज लक भरयो सोन्नो को धूपदानी राखयो होतिन। जोन संतगिन को पिराथना होतो।

परकासित वाक्य 5:9

वय लोकगीन यो नयो गाना गावन लगीन। तु ऐना पावती धरन अना येकी सिक्का खोलन को लायक से। येको एवज मा तुना बली होयके, आपरो रकत लक, हर एक कुल, अना भासा, अना लोक अना जात लक परमेस्वर को लाई लोक हिन ला मोल ले लेई सेस।

परकासित वाक्य 6:1

मंग मि चोवसू का मेढ़ा ना ओनो सात सिक्का मा लक एक को सिक्का ला उघाड़ देइस अना ओनो चार जीव मा लक एक गरजन जसो आवाज मा कहीस, “आव।”

परकासित वाक्य 7:12

“आमेन” आमरो परमेस्वर को बड़ाई अना महिमा अना अक्ल अना धनवाद अना, मान अना ताकत जुगजुग तकन होवत रह। “आमेन”