परकासित वाक्य 21:3 - सत मारग पर चलन वारो किताब

³ तबा मिना सिघासन लक एक उचो सबद मा यो कव्हतो आयकियो, “चोवो! मानूसगिन को बीच मा परमेस्वर को रव्हनो!” अब परमेस्वर उनको बीच रव्हे। वय उनको जनता होहेत अना खुदच परमेस्वर उनको बीच अमर निवास करहेत।

परकासित वाक्य 21:3 ပူးပေါင်းရင်းမြစ်များ

योहन 1:14

अना सबद देह मा आयो अना दया अखीन खराई लक आमरो बीच मा रहयो अना आमी ना उ परमेस्वर को टूरा को महिमा आपरो डोरा लक चोवयो सेजन।

योहन 14:23

यीसु ना जवाब देईस, अदी कोनी मोरो लक माया राखेह, ता उ मोरो सबद ला मानेह। अना मोरो बाबूजी ओको लक माया राखेह, अना हमि ओको जवर आवबिन अना ओको सँग रव्हबिन।

2 कुरिन्थियो 6:16

मुरती को पूजा करनवारा को जित्तो परमेस्वर को मंदिर लक काजक लेवनो-देवनो सेत। “काहेका आमी जित्तो परमेस्वर को मंदिर सेजन। जसो परमेस्वर ना खुदच मी आपरो लोकगीन को संग आपरो घर बनाहिन अना उनको बीच मा रव्हिन। अना मी उनको परमेस्वर रव्हिन अना वय मोरो लोक कहलायेत।”

2 कुरिन्थियो 6:18

अना मी तुमी लोकगीन को अजी बनयो सेऊ, अना तु मोरो टूरा आस! यो सब लक ताकत वर “पिरभू असो कव्हसेत।”

1 थिस्सलुनीकियो 3:11

अबा हमरो परमेस्वर अना बाप खुदच अखीन हमरो पिरभू यीसु तुमरो जवर आवनो मा हमला रास्ता देखाहे।

इब्रानियो 11:16

परंतु उनला सरग को एक उत्‍तम राज इक्सा सेत। एकोलाय परमेस्वर उनको परमेस्वर कहलानो मा अजिबात संकोच नाही करासेत। कारन वोना उनको साठी एक नगर तइयार कियो सेत।

इब्रानियो 8:10

पिरभू असो कव्हसेत, वा बेरा बितन को मघा मी इसरायल को लाय यो करार करहू। मी आपरो नवा करार, उनको मन मा ठेव देहू, अना उनको दिलमा लिख देहू। मी उनको परमेस्वर होहुँ, अना वय मोरी परजा होहेत।”

इब्रानियो 8:2

वोना सही अना पवीतर जघा अना तम्बु को सेवक सेत। जोन मानूसगिन को लक नही, पर परमेस्वर लक स्थापित कियो गयो सेत।

परकासित वाक्य 10:4

जबा सात गरजन हो गयो अना मी लिखन वोलो होता। तरी मी सरग लक एक सबद आयकली। “सात मेघ गरजन काजक सांगयो, वोला लूका लेव लिखजोस नोको।”

परकासित वाक्य 10:8

मग जोन सबद मी सरग लक बोलतो आयकयो होतो, वोना आवाज दुबारा मोला कहयो, “जाय अना समुदर अना जमीन मा उभयो सरगदूत को हात लक उ किताब लेव”

परकासित वाक्य 12:10

तबा मोला सरग मा एक ऊचो आवाज यो मुनादी करतो हुयो आयकयो दियो; “अब मुकती, ताकत, आमरो परमेस्वर को राज, अना मसीह को राज करन बेरा आय गयो से।” आमरो भाऊगीन पर जोन परमेस्वर को समोर हरामेसा दोस लगावत होतो। वोला हेड़ दियो गयो से।

परकासित वाक्य 21:7

जो जीत जाहे, व ओला यो वारिसपन मिलेह। मि ओको परमेस्वर होहुँ अना उ मोरी औलाद।

परकासित वाक्य 22:3

अता लक वहान सराप नाहती। परमेस्वर अना मेढ़ा को सिघासन ओनो नगर मा सेत। उनको दास उनको भगती करयेत।

परकासित वाक्य 7:15

ऐना कारन लक वय परमेस्वर को राजगद्दी को पुढ़ा सेत, अना ओको मंदिर मा दिवस रात ओको सेवा करीसेत। अना जो राजगद्दी पर बसीसे। उ उनको बीच वरता आपरो सभा लगाहे।