परकासित वाक्य 20:6 - सत मारग पर चलन वारो किताब

⁶ पवीतर अना धन्य सेति वय, जिनला यो पयलो जी उचलनो मा सामिल करयो गयो से। दुसरी मिरतु को उन पर कोनी हक नाहती। तर वय परमेस्वर अना मसीह को याजक होयेती। अना हजार बरस तकन उनको सँग राज करयेत।

परकासित वाक्य 20:6 ပူးပေါင်းရင်းမြစ်များ

लूका 14:15

वोको संग जेवन करन वालो मा लक, एक मानूस यो गोस्टी आयक के सांगिस, धन्य से उ जोन परमेस्वर को राज मा जेवन करयेत।

रोमियो 12:1

अगो मोरो संगीहुन! परमेस्वर को दया ला हेत कराके मी तुम्हि लक बिनती करा सेऊ। का अपरो आप ला परमेस्वर को लाय जित्तो बली को रूपमा परमेस्वर को सेवा अना वोला खुस करन लाय दे देव। योच सच्चो पूजासेत। असो पूजा तुमीला करनो सेत।

रोमियो 8:17

अदी अमी वोको लेकरा सेजन। ता वोको दियो गयो आसीरवाद मा आमरो च हक सेत। अना जबा अमी मसीह को संग सेजन ता वोको संग अमिला दुख उचलनो पायिजे। तबच अमीला वोको संग गौरव भेटेत।

2 तीमुथियुस 2:12

अदी हमी धीरो लक सहतो रह त उनको संग राज भी करेहेत। अदी हमी उनला मुकरेत त उ भी हमरो मुकर करेहेत।

1 पतरस 2:5

तुमी भी जित्तो गोटा को जसो एक आतमिक भवन बनतो जाय रहयो सेव। जेनको लक एक असो याजकगीन को पवीतर समाज को रूपमा वोको सेवा कर सको। जोनको काम आतमीक बलिदान चाघावनो सेत। जोन यीसु मसीह को कन लक परमेस्वर को अपनाय जावन वालो होहे।

1 पतरस 2:9

पर तुमी एक बेचयो हुयो लोख सेव। याजकगिन को एक राज सेव, अना खुद परमेस्वर को परजा सेव। एक पवितर परजा, खुद परमेस्वर एक असो जन समूह मजे परजा सेव। तुमिला परमेस्वर ना इंधार लक उजाड़ मा आपरो अद्भुत गुन परगट करन लाय हाकली सेत।

परकासित वाक्य 1:6

वोना अमीला एक राज अना अपरो परमेस्वर दआजी को सेवामा याजक होवन लाय रचयो। ओको गौरव अना ताकत जुगजुग तकन बनयो रह। आमेन

परकासित वाक्य 14:13

मिना सरग मा कोनी ला मोरो लक असो कव्हतो आयकियो, “लिख धन्य सेत, उ मरयो मानूस जोन आखीर दम तकन पिरभू मा बिस‍वास करतो मरयो सेत।” आतमा कव्हसे, “असोच होय, जोनलक वय आपरो काम को मघा बिसराम करहेत। काहेका वोको नेकी वोको संग जाहेत।”

परकासित वाक्य 2:11

“जोन आयक सका सेत वा आयके आतमा कलीसिया लक काजक कव्हसेत? जोनला जीत मिल्हेत वोला दुबारा मरन को हान नही होयेत।

परकासित वाक्य 20:14

मिरतु अना नरक को स्तो को झील मा उनला फेक दियो गयो। योच से दुसरो मिरतु-स्तो को झील।

परकासित वाक्य 21:8

“पर डरपोकगीन, अबिस्वासी, निन्दक, हत्यारागीन, छिनाल अना छिंडरागीन, टोन्हा, मुरत पुजा करनवारा, अना सबच झूठो को जघा ओना झील मा होहे, जो स्तो अना गन्धक लक पेटा से। योच से दुसरी मिरतु।”

परकासित वाक्य 22:5

वहान अता लक रात होहेत नही। नाच ता उनला दियो को उजाड़ा को जरुरत होहे अना नाच सूरज को उजाड़ा, काहेका खुदच पिरभु परमेस्वर उनको उजाडो होहे। उ सदा राज करेहेती।

परकासित वाक्य 22:7

चोवो, मि लवकर आवनवालो सेव! धन्य सेत उ जो येने किताब को भविस्यवानी को गोस्टी मानासे।

परकासित वाक्य 3:21

जोन लोक जीत हासिल करहेत। उनला मी आपरो सिहासन मा बसन को हक देहिन जसो मि जित गयो सेऊ। अना अबा आपरो दआजी कनलक आपरो सिहासन मा बसो सेऊ।

परकासित वाक्य 5:10

अना ओना आमरो परमेस्वर को लाई एक राज अना याजक बनाईसेस। अना वय धरती पर राजपाठ करासेत।