परकासित वाक्य 20:4 - सत मारग पर चलन वारो किताब

⁴ मगं मि ना सिघासन चोवयो। ओनो पर वय लोक बसी होतीन। जिनला नियाव करन को हक दियो होतो। तबा मिना उन आतमा गीन ला चोवयो, जिनको डोस्का यीसु मसीह को गवाही को कारन अना परमेस्वर को गोस्टी को आयकावन लक काप दियो गयो होतीन। उनना ओना जनावर मजे ओको मुरत को पूजा नही करयो होतीन। जिनको कपार मा अना हात पर ओको सील नही लगाईन होतिन। वय जित्तो होय गईन, अना उनना हजार बरस तकन मसीह को सँग राज करीन।

परकासित वाक्य 20:4 ပူးပေါင်းရင်းမြစ်များ

मत्ती 19:28

यीसु ना आपरो चेलागिन ला कव्हयो, मि तुमला खरो कव्हसेऊ, का नवतो जुग मा जबा मानूस को टूरा महिमा को सिघासन मा बसेह, तबा तुमी जो मोरो मंघा आयोसेव बारा सिघासन मा बसके परमेस्वर को लोकहुन को न्याय करोह।

मत्ती 24:10

वोना बेरा मा गजब बिस्वासी गीन को भरोसा थन्डो पड़ जाहेत, अना वय एक दुसरो ला धरायेत, अना एक दुसरो लक घीरना करयेत।

मरकुस 6:16

पर हेरोदेस राजा कव्हत होतो की “योहन जोनको मिना डोस्का कपवायो सेव, उ जित्तो भई गई से।”

मरकुस 6:27

अता राजा ना एकदम सिपाही ला धाडके वोको मान कापन को हुकूम देइस। उ गयो अना जेल मा वोको मान ला कापियो

मरकुस 9:11

अना चेला गीन कव्हन लगीन, मोसे को नियम को गुरू काय लाय कव्हासेत? पयले एलिय्याह को आवनो पक्को सेत?

लूका 1:17

उ एलिय्याह को आतमा अखीन ताकत मा, पुढा-पुढा चलेत, क आजा पुरखागीन को मन ला, लेकरा-बारा मा लगा देहेत। अखीन हुकूम नही मानन वालो ला, नेक बना देहेत। अखीन पिरभु को लाई, साजरो लोकगीन ला, तैय्यार करयेत।

लूका 14:14

तबा उ तुमी धन्य भई जाने, काहेका, उनको कठा बदला देन काजी काही नहात, अखीन तुमला परमेस्वर को अदालत मा, नेक गिनको जित्तो होवन को मघा फर भेटेत।

लूका 22:30

वसोच मी तुमारो लाया ठयरावासू, जोन लक तुम्ही मोरो राज मा मोरो संग राजगद्दी मा बसो, संग जेवन करो, अना इसरायल राज को 12 गोत को नियायी बन जाओ।

योहन 14:19

जरासो देर मंघा यो जगत मोला नही चोवहे। पर तुमी मोला चोवहो, एको लाई की मि जित्तो सेव, तुमी भी जित्तो रव्हो।

रोमियो 11:15

काहेका अदी भगवान को लक उनको नकार दियो जानो लक जगत मा परमेस्वर को संग मेल मिलाप पैदा होवासेत। मंग उनको अपनायो जानो का मरयो हुवो लक जिलायो जानो नही होहेत।

रोमियो 8:17

अदी अमी वोको लेकरा सेजन। ता वोको दियो गयो आसीरवाद मा आमरो च हक सेत। अना जबा अमी मसीह को संग सेजन ता वोको संग अमिला दुख उचलनो पायिजे। तबच अमीला वोको संग गौरव भेटेत।

2 तीमुथियुस 2:12

अदी हमी धीरो लक सहतो रह त उनको संग राज भी करेहेत। अदी हमी उनला मुकरेत त उ भी हमरो मुकर करेहेत।

परकासित वाक्य 1:2

योहन ना जोन काही चोवयो होतो, वोको बारेमा सांगिस वा खरो सेत। जोनला यीसु मसीह ना सांगयो होतो। यो वा खबर से, जोन परमेस्वर कन लक सेत।

परकासित वाक्य 1:9

मी योहन, तुम्हारो भाऊ सेऊ, अना यीसु को चेला को रूप मा, मी उन लोक गिनको लाय धीरज लक धीरज राखअ सेऊ, जोन उनको राज को बारेमा सेत। मोला पतमोस टापु मा डाख दियो गयो। काहेका मीना परमेस्वर को बचन अना यीसु कन लक सांगयो गयो सच्चाई को मुनादी कियो होतो।

परकासित वाक्य 11:11

पर साढ़े तीन दिवस मघा परमेस्वर को कनलक वय जित्तो भयी गयीन। अना आपरो पाय मा उभो भयी गयीन। जोनना उनना चोवीन लगत डराय गयो होतिन।

परकासित वाक्य 11:15

“सातवो सरगदूत ना जबा आपरो तुर्रा फूँकीस तो बादल मा लगत आवाज होवन लगयो।” वय कव्हत होतिन, “अबा जगत को राज आमरो पिरभू को सेत। अना वोको मसिहा को। अबा वा साजरो सासन लक हरामेसा राज करहेत।”

परकासित वाक्य 11:3

मि आपरो दुय गवाह गीन ला जेनको कपरा बोरा को से, बारा सम्बर साठ दिवस तकन भविस्यवानी कराहिन।”

परकासित वाक्य 11:7

उनको गवही देवन को मघा, वा पसु महा गरत लक बाहेर हिटेत अना उनपर धावा करहेत। अना पसु उनला हराके मार डाखेत।

परकासित वाक्य 12:11

उनना मेढ़ा को रकत, अना आपरो गवाही को कारन लक ओला हराय देईन। “आखरी साँस तकन उनना आपरो जीवन को माया नही करीन।”

परकासित वाक्य 14:11

जोन लोकगिन वोना जनावर या वोको मुरती को पूजा करतत, अना वोको नाव को छापा लगवासेत। ता उनको दुख हरामेसा जादा होहेत अना कदी राती दिवस चैन नही भेटेत।”

परकासित वाक्य 15:2

मंग मोला एक काँच को सागर चोवयो, जोनमा स्तो होतो। अना मिना चोवयो का ओनो जनावर अना ओको मुरत, अना ओको नाव गिनती लक जीत गयो होतिन। अना परमेस्वर को सरगदूत वोना काँच को सागर मा उभो होतिन।

परकासित वाक्य 17:8

जोन तु ना चोवीसे, पयले कदी जित्तो होतो। पर अबा जित्तो नाहती। मंग उ पताल लक हीटन वालो सेत। अना वोको नास भयी जाहेत। मंग धरती को वय लोक जिनको नाव जगत को सुरू लक जिंदगी को किताब मा नही लिख्यो सेत। वा जनावर ला चोवके, चकित होयेत। काहेका वा कदी जित्तो होतो, पर अबा जित्तो नाहती।

परकासित वाक्य 2:26

जो जीत पाहे अना जो मोरो कामगीन ला आखरी तकन करत रह, ओला मि देस-देस पर हक देहुं।

परकासित वाक्य 20:6

पवीतर अना धन्य सेति वय, जिनला यो पयलो जी उचलनो मा सामिल करयो गयो से। दुसरी मिरतु को उन पर कोनी हक नाहती। तर वय परमेस्वर अना मसीह को याजक होयेती। अना हजार बरस तकन उनको सँग राज करयेत।

परकासित वाक्य 22:5

वहान अता लक रात होहेत नही। नाच ता उनला दियो को उजाड़ा को जरुरत होहे अना नाच सूरज को उजाड़ा, काहेका खुदच पिरभु परमेस्वर उनको उजाडो होहे। उ सदा राज करेहेती।

परकासित वाक्य 3:21

जोन लोक जीत हासिल करहेत। उनला मी आपरो सिहासन मा बसन को हक देहिन जसो मि जित गयो सेऊ। अना अबा आपरो दआजी कनलक आपरो सिहासन मा बसो सेऊ।

परकासित वाक्य 4:4

ओनो राजगद्दी को आखा-पाखा चौबीस कुरसी होतीन, अना ओना कुरसी मा मिना चौबीस सयानो ला पाँढरो कपरा घालियो अना डोस्की पर सोनो को मुकुट डाकयो चोयो।

परकासित वाक्य 6:9

जब मिना पाचवो सिक्का ला उघाड़त चोवयो। मोला बलीकरन वालो कुन्ड को खाल्या उनको जान दिसयो जोन परमेस्वर को गोस्टी, अना ओना गवाही लक जो ओन्हीसीन देयि होतीन। यो कारनलक हत्या कियो गयो होतो।

परकासित वाक्य 7:3

“जबा तकन आमी आपरो परमेस्वर को दास गीन को डोस्का पर सील नही लगा देबीन तबा तकन तुमी धरती अना समूंदर अना झाड़ गीन ला हानी नोको पहुचाव।”