परकासित वाक्य 19:15 - सत मारग पर चलन वारो किताब

¹⁵ देस-देस को खोटो मानूस गिनला मारन को लाय वोको टोन्ड लक एक तेज धार वालो तरवार हिटा सेत। अना लोहा को छड़ी लियो हुयो उ उनको पर राज करहेत। अना उ सबलक बलवान परमेस्वर को लगत तेज गुस्सा अना हिजड़नो को घानी मा अंगूर को रस निचोहेत।

परकासित वाक्य 19:15 ပူးပေါင်းရင်းမြစ်များ

2 थिस्सलुनीकियो 2:8

तबा उ अधरमी दिसे जेनला पिरभु यीसु आपरो टोंड लक फुँक के जान लक मार डाकेह अना आपरो आवन को तेज लक भस्म कर देहे।

परकासित वाक्य 1:16

उ जेवनो हात को सात तारागीन ला धरयो हुयो होतो। ओको टोंड लक ताकत वालो तेज जसी तलवार हिटत होती। ओको टोंड को सोभा दुफार को सुरज को जसो चमक रहयो होतो।

परकासित वाक्य 12:5

ओनो बायको ना एक टूरा ला जनम देईस, जेनको सबच देस गीन पर लोहा को छड़ी लक राज करनो पक्को होतो। ऐना लेकरा ला तुरन्त च परमेस्वर को राजगद्दी को जवर पहुचाय दियो गयो होतो।

परकासित वाक्य 14:10

ता उ परमेस्वर को भयकर गुस्सा को सिकार बनहेत। अना उ पवितर सरगदूत अना पाठी को समोर स्तो अना गंधक मा सजा पाहेत।

परकासित वाक्य 19:21

उन घोड़ा सवार को टोंड लक हिटयो हुयो तरवार लक बाकी सैनिक मार दियो गयो। अना सबच पक्सी गीन ना ठुस-ठुस के उनको माँस खाईन।

परकासित वाक्य 2:12

“पेरगाम को कलीसिया को सरगदूत ला लिख।” यो वोना मानूस को खबर सेत जोन को जवर दुई धार वालो तरवार से।

परकासित वाक्य 2:16

अपरो आप ला पाप लक दुहूर करो। अदी तुम्ही असो नही करासेव ता मी लवकर तुमरो जवर आहिन। अना उन लोक गिनलक मोरो तोन्ड लक हिटयो तरवार लक लड़ाई करबिन।

परकासित वाक्य 2:27

उ उनको पर लोहा को छड़ी लक हुकूम चलाहे, जसो माती को भान्डो चकनाचुर होय जासे वसोच उनको हाल कर देहेत।