परकासित वाक्य 19:10 - सत मारग पर चलन वारो किताब

¹⁰ अना मी वोको अराधना करन लाय वोको पाय मा पड़ गयो। पर उ मोरो लक कहयो, आयक! असो कायलाय करतत? मि ता तोरो अना तुमरो भाऊगीन को जसोच, जोन मसीह यीसु को गवाही सेत, “उनको संगी सेऊ, परमेस्वर ला डोस्का टेको! काहेकि मसीह यीसु को बारे मा गोस्टी साँगनो च भविस्यवानी को आतमा से।”

परकासित वाक्य 19:10 ပူးပေါင်းရင်းမြစ်များ

मत्ती 4:10

तबा यीसु ना ओला जवाब देइस, हट जाय सैतान! काहेका धरम की किताब मा लिख्यो से “तु अपरो पिरभू व परमेस्वर की आराधना करो अना अखिन वोकिच सेवा करो।”

मरकुस 5:22

अना याईर नाव को सभाघर को मुखिया मा लक एक मानूस आयके, ओको पाय पड़न लगयो।

मरकुस 7:25

एक बायको, जोकि लहान टूरी, एक भूत को कब्जा मा होती वा यीसु को बारे मा आयक के आई। अना यीसु को पाय पडन लगी,

लूका 1:19

तब सरगदूत ना वोला जवाब दियो, मी जिबराइल सरगदूत सेव। जोन परमेस्वर को पुढा उभो रहुसु, अखीन तोरो लक बात करन, अखीन यो खबर आयकावन काजी इता आईसेव।

लूका 24:44

यीसु ना चेला गीन ला कहीस, मीना तुमरो संग रहतो बेरा कव्हयो होतो, की जो काही मोसे को नियम अना, भजन भविस्यवक्ता गिनको कीताब मा लिखयो, से सबा को पूरो होवना जरूरी से।

योहन 5:39

तुमी गिरंथहुन मा वाचासो, काहेका तुम्हि समजासो की ओमा अमर जिंदगी तुमला मिलेहत। अना यो वाचासो जोनमा मोरो बारे मा सबूत कहयो गयो से।

पेरीत 10:43

सबच भविस्यवक्ता गीन वोको गवाही देई सेत, का वोको पर भरोसा करन वारा हरेक मानूस, वोको नाव लक पाप की छिमा पावा सेत।

पेरीत 13:27

येरुसलेम को रव्हन वारा अना उनको मुखिया गीन न यीसु ला नहि चिन्हयो, अना वोला पापी ठहराय दियो। असो परकार लक उनना भविस्यवक्ता गीन की गोस्टी ला पुरो करियो। जेनला हर पवीतर दिवस मा बाचयो जावासेत।

2 कुरिन्थियो 8:7

पर जसो तुमी सक्ड़िया गोस्टी मा मजे भरोसा, बचन अना गियान मा अना हरेक परकार को जोस मा अना पिरेम मा बढसो वसोच यो किरपा को सेवा मा भी बड़तो जावो।

इफिसियो 5:15

एकोलाय सतरक रवह, की तुमी कसी चाल चला सो। बेअकल को जसो नही बल्कि अकलवर को जसो चलोह।

इफिसियो 5:33

एकोलाई काही भी होय, तुममा ला हरेक ला आपरी बायको लक वसोच माया करनो चाहिसे जसो तुमी खुदच अपरो आपला करोसो। अना एक बायको ला भी आपरो मरद को डर मानत हुयो ओको मान करनो चाहिसे।

फिलिप्पियो 3:3

खरो खतना वारा ता आमिच सेजन जोन परमेस्वर को आतमा मा भगती करसेजन, मसीह यीसु पर घमन्ड करसेजन अना तन पर भरोसा नही राखासेजन।

1 थिस्सलुनीकियो 5:15

ध्यान राखो का, कोनी बुराई को बदला बुराई नोको करो पर हमेसा एक दुसरो ला अना सब लोक गीन ला भला करन मा कोसीस करतो रहेयो।

इब्रानियो 1:14

वय सप्पा आतमा परमेस्वर को सेवा नही करासेत काय? का सबच सरगदुत दास नाहती जोन उन लोकगीन को सेवा साठी धाड़यो जासेत जोन मुकती को बारिस सेत।

इब्रानियो 12:25

सतरक रव्हो, का कोनी बोलनवारा को सबद नोको नकारो, जोनना धरती मा चेतायो होतो। उनको सबद ला नही आयकलो। वय नहि बच सकयो। ता सरग कन भेटयो चेतावनि लक कसो बच सकासेत?

1 योहन 5:10

जोन परमेस्वर को टूरा पर बिस्वास करासे उ आपरो मा गवाही राखासे। जेना परमेस्वर पर बिस्वास नही कियोसेस ओना ओला खोटो ठहरायीसेस, काहेका ओना ओनो गवाही पर बिस्वास नही करीन जोन परमेस्वर ना आपरो टूरा को बारे मा देयीसेस।

1 योहन 5:21

ओ लेकरागीन, आपरो आपला मुरत गीन लक बचाव राखबीन।

परकासित वाक्य 1:1

यो यीसु मसीह को अदभुत सन्देसा सेत। जेनला परमेस्वर को कन लक एकोलाय दियो होतो। का जोन गोस्टी लवकर पुरो होवन वालो सेत। उनला आपरो दास गिनला दरसायो जाय। आपरो सरगदूत धाड़के यीसु ना आपरो दास योहन इसारा मा साँगीसेस।

परकासित वाक्य 1:9

मी योहन, तुम्हारो भाऊ सेऊ, अना यीसु को चेला को रूप मा, मी उन लोक गिनको लाय धीरज लक धीरज राखअ सेऊ, जोन उनको राज को बारेमा सेत। मोला पतमोस टापु मा डाख दियो गयो। काहेका मीना परमेस्वर को बचन अना यीसु कन लक सांगयो गयो सच्चाई को मुनादी कियो होतो।

परकासित वाक्य 12:11

उनना मेढ़ा को रकत, अना आपरो गवाही को कारन लक ओला हराय देईन। “आखरी साँस तकन उनना आपरो जीवन को माया नही करीन।”

परकासित वाक्य 12:17

अना पंखा वालो सरप बायको पर हिजड़ गयो। अना ओकी बचयो औलाद जोन परमेस्वर को हुकूम ला मानसेत। अना यीसु को गवाही पर पक्को सेत। उन लक लड़ाई करन ला हिट गयो।

परकासित वाक्य 14:7

अना ओना मोठो आवाज लक साँगीस, “परमेस्वर लक भेव करो, अना वोको च महिमा करो। काहेका वोको नियाव को बेरा भयी गयो सेत। ओको च पूजा करो जोनना, सरग धरती सागर अना पानी को झरना बनायो सेत।”

परकासित वाक्य 15:4

“हे पिरभू कोन तोरो लक नही भेव मानहेत? अना तोरो नाव को बड़ाई नही करेत? काहेकि तुच केवल एक पवीतर से, अना सबरो लोक गीन आयके तोरो पूजा नहि करहेत, काहेकी तोरो नियाव को काम दिसाय गयो सेत।”

परकासित वाक्य 19:9

मंग मोरो लक उ कहन लगयो, “लिख जोन यो बिहा मा बुलायो गयो सेत, उ धन्य सेत।” मंग वोना कहयो, “यो परमेस्वर को खरो बचन सेत।”

परकासित वाक्य 4:10

वय यो चौबीस सयानो वोको पायमा पड़के, जोन सदा जित्तो रव्हन वालो को अराधना करा सेत। वय सिघासन को समोर आपरो मुकुट डाक देवासेत। अना कव्हसेत,