परकासित वाक्य 14:15 - सत मारग पर चलन वारो किताब

¹⁵ मंग एक अखीन सरगदूत मंदिर मा लक हिटके, अना जोर लक हाकलत, बदली मा बसन वालो ला कहयो, “फसल पिक्क गयो सेत, कापन को बेरा सेत, इरा चलाव!”

परकासित वाक्य 14:15 ပူးပေါင်းရင်းမြစ်များ

मत्ती 13:30

कापन को बेरा मा मि साँगु का जँगली गवथ ला काप लेव अना जलान काजी बोझा बान्ध लेव अना साजरो वालो गहुँ ला खरीयान मा ठेव देव।

मत्ती 13:39

जोन बैरी ना ओला बोइस, उ इबलीस से कटनी जेनको मतलब दुनियाँ को आखीर अना काटनवारा सरगदूत सेति।

मत्ती 23:32

अता तुमी आपरो बाप-दादा गिनको, कसर पूरो कर लेव।

मरकुस 4:29

पर जबा फसल पक जावसे, तबा उ इरा चलावासे, काहेकि कटनी को बेरा आय जासे।”

1 थिस्सलुनीकियो 2:16

काहेकि गैर यहुदीगीन ला सूटकारा की साजरी खबर को पिरचार करनो मा वय हमरो लाई बाधा करता रहीसेत। ऐको फर को रुप मा वय सदा अपरो पाप को कुड़ो भरतो रहीन, पर अबा त परमेस्वर को गजब कोप भड़क गयो सेत।

परकासित वाक्य 11:19

तब परमेस्वर को मंदिर जोन सरग मा से, उघाड़ दियो गयो। अना ओनो मंदिर मा उनको करार को संदूक दिसयो। ओना बेरा बिजली कौन्धी, गड़गड़ाहट अना बादल को गरजन हुयो। एक डरावनो भुईडोल आयो, अना मोठो-मोठो ओला पड़िन।

परकासित वाक्य 13:12

ओना पहलो जनावर को हाजरी मा उ सबच हक ला काम मा आनत होतो। वोको पाठी जसो सींग होतो। अना अजगर जसो बोलत होतो। पयलो वालो जनावर को समोर मा वोको अधिकार ला बवजत होतो। अना जोन पयलो जनावर होतो जोन को घाव साजरो होयो होतो। वोको धरती को निवासीगिन लक पूजा करवात होतो। अना

परकासित वाक्य 14:14

मिना चोवयो का, एक पांढरो बदली सेत। वोमा मानूस को टूरा जसो कोनी बसो नजर आवत होता। जोनको डोस्की मा सुन्नो को मुकुट अना हातमा पैनो इरा सेत।

परकासित वाक्य 14:16

तबा बदली मा बसन वालो ना इरा चलायो अना धरती को फसल कट गयो।

परकासित वाक्य 14:17

मंग एक अखीन सरगदूत सरग को मंदिर मा लक हिटयो, उ खुद पैनो इरा लियो हुवो होतो।

परकासित वाक्य 14:18

मंग एक अखीन सरगदूत, जोनको स्तो मा हक होतो, होमन कुन्ड लक हिटयो, अना जोरलक पैनो इरा लियो सरगदूत ला कहयो, “अपरो पैनो इरा चला अना धरती को अंगूर को बारी को गुच्छा ला बटोर काहेका अंगूर पीक्क गयो सेत।”

परकासित वाक्य 15:6

अना वय सात सरगदूत जोनको जवर सात, सरगदूत जोनको जवर सात सत्यानास होतो। मंदिर लक बाहेर हिटीन, वय सरग दूत चकमक साजरो सन को साजरा कपरा घाल्यो हुयो होतिन। अना आपरो सीना मा सोन्नो को पट्टी बान्धयो होतिन।

परकासित वाक्य 16:17

सातवो सरगदूत ना आपरो बटका वारा पर उबड़ायो, अना मंदिर को सिघासन लक एक उचो आवाज आयकु आयो, “पूरो भय गयो!”

परकासित वाक्य 6:10

उनको आतमा जोरलक हाकल के कव्हन लगीन, “ओ परमेस्वर! पवितर सच्चो, का तू संसार को न्याय नही करजोस?” अना आमरो रकत को बदला नही लेवजोस?