परकासित वाक्य 12:9 - सत मारग पर चलन वारो किताब

⁹ तबा ओनो पंखा वालो सरप ला-ओना जुनो सरप ला, जोन सैतान कहलावासे अना जोन जगत को सबच रव्हनवारा गीन ला भरमाव से। वोला वोको संगी गिगन को संग धरती पर फेंक दियो गयो।

परकासित वाक्य 12:9 ပူးပေါင်းရင်းမြစ်များ

मत्ती 13:39

जोन बैरी ना ओला बोइस, उ इबलीस से कटनी जेनको मतलब दुनियाँ को आखीर अना काटनवारा सरगदूत सेति।

मत्ती 24:24

काहेका खोटो मसीहा अना खोटो भविस्यवक्ता उभो होयेती, अना मोठयो-मोठयो चमतकार करतब दिसाहेत। उनको मकसद निवाड़ो गयो मानूस गीन ला बहकानो से।

मत्ती 25:41

तबा उ आपरो डाकयो कन, वालो लक सांगेत ओ सापित लोकगीन मोरो पुढा लक, कभी नही बुझन वालो अमर स्तो मा जावो, जोन इबलीस अखीन ओको सरगदूत गीन लाइ तैय्यार से,

मत्ती 4:1

वोना बेरा आतमा यीसु ला जंगल मा ले गईस, का सैतान वोकी परिक्सा लेहे।

मत्ती 4:10

तबा यीसु ना ओला जवाब देइस, हट जाय सैतान! काहेका धरम की किताब मा लिख्यो से “तु अपरो पिरभू व परमेस्वर की आराधना करो अना अखिन वोकिच सेवा करो।”

मत्ती 4:5

तबा सैतान यीसु ला पवीतर नगर मा लेगइस अना ओला मंदिर करसा को वरता मा उभो कर देइस।

मत्ती 4:8

मंग बालजबूल ओला एक लगत मोठो पहाड़ पर ले गईस, अना सारो जग को राज माया महिमा चोवाय के

लूका 10:18

यीसु ना जवाब दियो, मी ना सैतान ला, बिजली को घाई सरग लक पड़तो, चोविसेव।

लूका 13:16

का साजरो नाहती, का यो बायका जोन अबराहम को टूरी सेत, जोनला सैतान ना अठरा साल लक बन्धो होतो, पवीतर दिवस यो बंधन लक सुटाई जाय?

लूका 22:3

वोना बेरा मा सैतान ना यूदस इस्करियोति, मा धस गयो, यूदस बारा चेला मा एक होत्यो।

लूका 22:31

पतरस ओ समौन चोव सैतान ना तुम्ही लोग गीनला मांग लियो से का गँहु जसो तुम्ही ला फटके।

लूका 8:12

“रास्ता को किनार का बीज वय सेती। जोना आयकीस, तबा बालजबूल उनको मन लक, गोस्टी उचल ले जासे। कही असो नाहती की भरोसा राखेत, अना साजरो बिस्वास लक सूटकारा मिल जाये।

योहन 12:31

अब यो संसार को न्याय होवा से, अब यो संसार को मुखिया हेड़ दियो जाहे।

योहन 14:30

मि अबा तुमरो सँग अखीन गोस्टी नही करू। काहे का यो जगत को अधिकारी आवासे, मोरो पर ओको काही हक नही।

योहन 16:11

न्याय को बारे मा एकोलाय का जगत को मुखिया दोसी ठयरायो गई से।

योहन 8:44

तुमी आपरो अजी सैतान कन लक सेव, अना आपरो अजी को लालसा ला पूरी करनो चाव्हासेव। उ ता सुरू लक खूनी से, खराई लाय सच्चो नही रव्हे। काहे की सच ओमा नहाती, जबा उ झुठो सांगासे ता आपरो आचरन च लक सांगासे, काहे की उ झुठो से, अना झुठो को अजी से।

पेरीत 26:18

उनको डोरा उघाड़न, उनला इंधारो लक उजाड़ कन आनन लाय, अना सैतान को अधिकार लक परमेस्वर को कन मुरकान लाय, तोला धाड़ासेऊ। उनलक तोला बचावत रहिन। एकोलक वय उनला पाप की छिमा भेटेत। अखीन उन लोखगिन को बीचमा जघा पाहेती। “जोन मोरो मा बिस्वास को कारन पवितर भयो सेत।”

पेरीत 5:3

ऐको पर पतरस न कहीस, अरे हनन्याह; सैतान ला तुना आपरो मनमा यो गोस्टी कायलाई डाखन दियो? का तुना पवितर आतमा लक खोटो सांगे, अना बोकी जमीन को रकम लक काही बचाय के राख लियो।

रोमियो 16:18

आपरो पोट को सेवा करनवारा, अना चिकनो-चिकनो साँग के सिदो-सादो मन को लोकगीन ला बहकानवारा, असो लोकगीन पिरभू यीसु मसीह को सेवा नही करा सेस, पर वय आपरो सेवा करसेस।

रोमियो 16:20

सान्ती को परमेस्वर सैतान ला तुमारो लात मा लवकर खुदवा देहेत। आमरो पिरभू यीसु मसीह को किरपा तुमरो पर होतो रव्हे।

2 कुरिन्थियो 11:14

यो काही अचंभा को गोस्टी नाहती, काहेका सैतान भी खुदच जग मंग तो सरगदूत को रुप धरसेत।

2 कुरिन्थियो 11:3

पर मी डरावा सेव का जसो सरप न अपरी चलाकी लक हव्वा ला बहकायो वसोच तुमरो आतमा वोना सीधो अना पवीतर लक जोन मसीह को संग रव्हनो चाव्हसे कदी खराब नोको कर दे।

2 कुरिन्थियो 12:7

एकोलाय का मी दरसन को लगत गोस्टी मा कही गरब लक फूल ना जाऊ, एकोलाय मोरो देह मा एक काटा गडायो जावासेत, मजे सैतान को एक दुत मोला मुक्का मारहेत, जोन लक मी घमंड नही करू।

2 कुरिन्थियो 2:11

काहेका भीतरी गोस्टी अमीला मालूम नाहती का सैतान को काजक योजना सेत।

2 कुरिन्थियो 4:4

काहेका अबिस्वासी गीन को डिमाक ला यो दुनिया को दुस्ट देव ना अंधार मा ठेविसेत। उ वोना पर उजाड़ होवन काजी रोकसेत। जो साजरा बारता लक मसीह को बारे मा आवासे, यीसु मसीह जनमन परमेस्वर को रुप जसो सेत।

इफिसियो 4:14

एकोलाई हमी असो लेकराच न बनबिन जो हर कोनी असी नयी सिक्सा को हवा लक उछल जावबिन, जो आमरो रस्ता मा बव्हसे, लोकगीन को छल परन बेवहार लक, असी कपटता लक, जो ठगावन लक भरी योजना ला पेरीत करासे, इता-उता भटकाय दियो जावसे।

2 थिस्सलुनीकियो 2:3

काही रिती लक कोनी को दगा मा नोको आवनो, काहेका उ दिवस आहे जबा तकन धरम ला तज दियो जाहे। अखीन “खोटो करम वालो नास वालो मानूस” परगट ना होयहेत।

1 तीमुथियुस 2:14

अना आदम बहेकायो नही गईसे पर आई-माई बहेकावनो मा आयके गुना भईसे।

2 तीमुथियुस 3:13

पर पापी अना बहकावन वालो धोखा देवासे अना धोखा खाता हुयो बिगडता चली जाहे।

इब्रानियो 2:14

उ लेकरागिन ला सांगतो, “यो लोकगिन मोरो स्वता को देह अना रक्त सेत, एकोलाय यीसु स्वता उनको सारखा भयो अखिन वोको स्वभाव मानूस सारखा भय गयो, यासाठी की वोना आपरो मरनो लक सैतान को नास करे।” जोन को मरनो मा हक सेत।

1 पतरस 5:8

तू संयमित राहा अना जागत राहा! तुमरो विरोधी, सैतान सेर सिरिको गरजसे अना कोनाला फाड़ डाकू असो च तक्का मा रव्हसेत।

1 योहन 5:19

आमी जानासेजन का आमी परमेस्वर लक सेजन, अना सप्पा जग ओना दुस्ट को कब्जा मा से।

यहूदा 1:9

पर मोठो सरगदुत मीकाईल न, जबा सैतान को संगा विवाद करतो हुयो मोसे को लास को बारे मा बैस कर रहयो होतो त वोला निन्दा कव्हके नियाव करन की हिम्मत नही जुटा सकिस। पर ओना केवल असो कहीस का “पिरभु तोला डाटहे।”

परकासित वाक्य 12:12

एकोलाय सप्पा सरग अना ओको रव्हन वारा, खुस होयेत! हाय से तुमी पर धरती अना समुंदर! काहेकि सैतान तुमी तकन पहुँच गयो। उ लगत गुस्सा मा भर गयो से, काहेकि ओला मालूम से का ओको बेरा लगत ही कम से।

परकासित वाक्य 12:3

ओनो बेरा सरग मा एक अखीन निसान दिसय। लाल रँग को एक मोठयो पंखा वालो सरप जेनको सात डोस्की अना दहा सींग होतीन। हरेक डोस्की मा एक-एक राज मुकुट होतो।

परकासित वाक्य 12:7

तबा सरग मा दूबारा लड़ाई सुरू होय गयो। सरगदूत मीकाईल अना ओको दूत ला उ पंखा वालो सरप लक लड़नो पड़यो

परकासित वाक्य 12:8

पर वय सरप अना वोको संगी सरगूत गिनलक हार गयिन। अना सरग लक हेड़ दियो गयीन।

परकासित वाक्य 13:14

येना अदभूत काम दिसावन को ताकत ओनो जनावर पुढ़ा भेटयो होतो। अना धरती को रव्हन वालो गिनलक दगाबाजी करत होतो। अना उनला कव्हत होतो। की ओनो जनावर को मुरत बनाव, जेनको पर तलवार को निसान सेत अना वा दुबारा जित्तो होय गयो से।

परकासित वाक्य 16:14

यो निसान दिसान वालो बुरो आतमा सेत। जो सप्पा संसार को राजा गिनको जवर हिटके एकोलाय जावासेत। का उनला सब लक ताकत वर परमेस्वर को बिरोधमा ओनो मोठो दिवस को लड़ाई को लाई जमा करेत।

परकासित वाक्य 18:2

ओना जोरलक चिल्लाय के कव्हयो “पड़ गयो! पड़ गयो! सुंदर मोठो नगर बेबीलोन पड़ गयो। अब यो बुरो आतमा को घर, असुद्ध आतमा का आसरा, अना हर एक असुध्द अना घिरनावारा पक्सी का बसेरा बन गयो से।

परकासित वाक्य 18:23

ना च दियो को उजाड़ा मंग कबच तोरो मा चमकेत। अना नाच नौरा नौरीको बोली तोरो मा आयकुआयेत। तोरो धन्धाकरनवारा धरती को मोठो आदमी होतीन। अना तोरो जादू लक सबच लोक गीन भरमाया गयो होतीन।

परकासित वाक्य 19:20

तबा पाठी को सेना ओनो जनावर ला धर लेयीन। ओको संगा च ओनो खोटो भविस्यवक्ता ला भी, जो ओनो जनावर को नाव मा चमत्कार निसान दिसायके उनला छल रहयो होतो, जिन पर ओनो हिंसक जनावर को छाप होती अना जो ओकी मूरति को पूजा करत होतीन। ऐना दुही ला जित्तो च गंधक लक सुलगी स्तोको झील मा फेक दियो गयो।

परकासित वाक्य 2:13

मी जाना सेऊ का तुम्ही कितानी रव्हअ सो? जितानी सैतान को सिघासन सेत। तुम मोरो लाय सच्चो सेव। अना तुमीना वोन बेरा भी बिस्वास नहि सोड़यो, जबा मोरो बिस्वासी गवाह अन्तापस मारयो गयो। जितानी सैतान रव्हत होतो।

परकासित वाक्य 2:24

अबा मि थुआतीरा को बचयो लोकगीन लक कव्हसू, जो एने सिक्सा ला नही मानासे अना जसो की वय कव्हसेत, की सैतान को गहरो गोस्टी गीन ला जानासे, मंग नही जानासे, मि तुमी पर अना लगत बोझ डाखनो नही चाव्हअ सेऊ।

परकासित वाक्य 2:9

“मी तुमरो दुख अखिन तुमरो गरीबी को बारेमा जाना सेऊ।” मंग सहीमा तुम्ही धनवान सेव! जोन अपरो आपला यहूदी कव्हसेत। तुमरो जोन निन्दा करतत, वोला भी जाना सेऊ। मंग वय यहूदी नाहती। बल्कि वय तो सैतान को भगती करन वालो को एक जमघट सेत।

परकासित वाक्य 20:10

तबा सैतान ला, जेना उनको सँग छल करी होतीन, स्तो अना गन्धक को झील मा फेक दियो जाहेत, जहान ओना जनावर अना खोटो भविस्यवक्ता ला फेक गयो से। वहान उनला सदा को लाई तड़पत रहेत।

परकासित वाक्य 20:8

अना उ पुरो धरती मा फैलो हरेक देसला छलन को लाय हीट जाहेत, अना वा गोग अना मागोग ला छलेत। उ उनला लड़ाई को लाय जमा करयेत। वय समुन्दर को रेता को बराबर होतिन।

परकासित वाक्य 3:9

आयको! काही असो सेत, जोन सैतान की सभाघर को सेत। अना आपरो आपच ला यहूदी कव्हसेत। पर वय खोटो सेत। मि उनला यहान आवन को लाय मजबुर करके, तोरो पायको खाल्या कर देहिन। तबा उनला पता लगहेत, का तम्ही मोरो चहेतो सेव।

परकासित वाक्य 9:1

जब पाँचवो सरगदूत ना तुर्रा फुकिस तबा मिना सरग लक धरती पर एक तारा पड़तो दिसयो अना ओला वोना चिमनी की कुन्जी देयि गयी जोन पताल मा उतरा सेत।

परकासित वाक्य 9:20

एको मा बाकी असो लोक जोन यो मोठयो नास लक नही मरयो होतिन। उनना आपरो हात को काम लक अबा मन नही मुरकायो होतिन। अना भूत-पलित को अना सोन्नो खुरो, कासो, गोटा अना काड़ी को वोना मुरती को अराधना नहीं सोड़यो। जोनना चोव सका सेत। न आयक सका सेत। न च रेग सका सेत।