फिलिप्पियो 3:2 - सत मारग पर चलन वारो किताब

² कुतरा गीन, बुरो करनवारा गीन अना खोटो खतना लक सजग रव्हो।

फिलिप्पियो 3:2 ပူးပေါင်းရင်းမြစ်များ

मत्ती 24:10

वोना बेरा मा गजब बिस्वासी गीन को भरोसा थन्डो पड़ जाहेत, अना वय एक दुसरो ला धरायेत, अना एक दुसरो लक घीरना करयेत।

मत्ती 7:15

खोटो भविस्यवक्ता गीन लक होसियार रव्हने, जोन साजरा कपरा घाल के मेढा को हुलीया मा तुमरो जवर आवासेत, पर भीतर लक फाड़न वारा बिघा को जसो सेत।

मत्ती 7:6

पवीतर चीज कुतरा गीन ला नोको देव, अना आपरो मोती खालमानी को पुढा नोको डाको, असो नोको होय की वय उन ला पाय खाल्या खुँदेत अना पलट के तुमला फाड़ डाकेत।

रोमियो 2:28

यो सब को बाद, जोन एक असली यहूदी से, सहीमा खतना करायो सेत। यो उ मानूस नाहाय जोन बहारी तौरमा यहूदी सेत। वोको लाय खतना देह को सपायी सेत।

2 कुरिन्थियो 11:13

कायका असो लोक झूठो पेरीत अखीन छल बल करनवारा अना मसीह को पेरीत को रुप धरनवारा सेत

गलातियो 5:13

ओ भाऊ गीन तुमी सूटकारा पावन को लाई हाकलो गयो सेव, यो सूटकारा आँग की मनसा पूरी करन लाई नही होइसे, पर माया लक एक दुजो की सेवा करो।

गलातियो 5:15

पर अदी तुमी एक दुसरो ला दात लक काटो सो अना फाड़ खावोसो, तो सतरक रव्हने की कही एक दुसरो ला सत्यानास नोको कर देहो।

गलातियो 5:6

अदी आमी यीसु मसीह लक जुड़या सेजन, तो खतना कोनी काम को नाहती। पर भरोसा से, जोन माया कन लक असर डाकासे।

फिलिप्पियो 3:19

उनको खातमा नास से, उनको पोट देवता से, वय आपरो बेसरमी को गोस्टी ला महिमा करासेत अना संसारिक चीजगीन पर मन लगाय रव्हसेती।

फिलिप्पियो 3:3

खरो खतना वारा ता आमिच सेजन जोन परमेस्वर को आतमा मा भगती करसेजन, मसीह यीसु पर घमन्ड करसेजन अना तन पर भरोसा नही राखासेजन।

1 तीमुथियुस 1:19

अना बिस्वास अखिन वोना साजरो अक्कल ला थामो रहवो जोनला दुहुर करन को कारन केतरो गीन को बिस्वास रूपी जहाज डुबू गयो।

तीतुस 1:16

वय परमेस्वर ला जानन को दावा करासेत पर उनको काम असो चोवसे जसो ओला नही जानासेत। वय घिरना को काम करनवालो, अना हुकूम नही मानन वालो सेत। अना कोनी भी नेक काम करन को काबिल नही सेत।

2 पतरस 2:22

असो लोक, मा यो हाना सही बसासेस, “कुतरा की पुस्टी वाकड़ी की वाकड़ी” अना “चतुर मानूस मुरख बना सेत।”

यहूदा 1:4

काहेकि आमरो बीच मा काही लोक चोरी लक आय घुसी सेत ऐना लोकहुन को सजा को बारे मा गिरंथ ना लगत पयलेच भविस्यवानी कर देयि होतिस। यो लोक बिना परमेस्वर को सेत। एना लोकहुन परमेस्वर को किरपा ला सुख सुविदा को एक बहाना बनाय डाकीसेत अना यो आमरो पिरभु अना केवल एक मालिक यीसु मसीह ला नही मानासेत।

परकासित वाक्य 2:9

“मी तुमरो दुख अखिन तुमरो गरीबी को बारेमा जाना सेऊ।” मंग सहीमा तुम्ही धनवान सेव! जोन अपरो आपला यहूदी कव्हसेत। तुमरो जोन निन्दा करतत, वोला भी जाना सेऊ। मंग वय यहूदी नाहती। बल्कि वय तो सैतान को भगती करन वालो को एक जमघट सेत।

परकासित वाक्य 21:8

“पर डरपोकगीन, अबिस्वासी, निन्दक, हत्यारागीन, छिनाल अना छिंडरागीन, टोन्हा, मुरत पुजा करनवारा, अना सबच झूठो को जघा ओना झील मा होहे, जो स्तो अना गन्धक लक पेटा से। योच से दुसरी मिरतु।”

परकासित वाक्य 22:15

पर कुतरा अना टोनहा अना छिंडरावारा अना खूनी अना मुरत पुजा करनवारा, अना हरेक झुठो को चहेतो अना बनानवारा बाहेर रह।

परकासित वाक्य 3:9

आयको! काही असो सेत, जोन सैतान की सभाघर को सेत। अना आपरो आपच ला यहूदी कव्हसेत। पर वय खोटो सेत। मि उनला यहान आवन को लाय मजबुर करके, तोरो पायको खाल्या कर देहिन। तबा उनला पता लगहेत, का तम्ही मोरो चहेतो सेव।