फिलिप्पियो 3:18 - सत मारग पर चलन वारो किताब

¹⁸ काहेका मि तुम लक कई लोक खोटो चालचलन राखसेत। पुढा कई गन कव्ह चुकी सेऊ अना अबा भी रोय-रोय के कव्हसू की असा लगत सेत, जोन आपरो चाल चलन अना सुभाव लक मसीह को कूरूस को दुस्मन सेत।

फिलिप्पियो 3:18 ပူးပေါင်းရင်းမြစ်များ

लूका 19:41

जबा यीसु जवर आयो अना, नगर ला चोवयो अखीन उ रोवन लग्यो।

पेरीत 20:19

अना मोठी गरीबी लक अखीन आवा सेऊ मी आँसू बोहाय-बोहाय के मी सेवा करत रहयो। जोन यहुदीगिन को साजिस को कारन मोरो पर आयो होतो।

रोमियो 9:2

सचमुच मा, मोरो दुख कितरो मोठो सेत। मोरो दिलमा लगत दरद सेत। मोला लगत सोक सेत, मोरो मन हरामेसा दुखी रव्हअ सेत।

1 कुरिन्थियो 1:18

काहेका कूरूस को कथा, नास होवन वारा लाय, अठ्ठियापन सेत। पर आमी सूटकारा पावनवालो को लाय, परमेस्वर को ताकत सेत।

1 कुरिन्थियो 6:9

का तुमीला नही मालूम सेत? का बदी करन वालो परमेस्वर को राज मा वारिस नही होहेत। धोखा नोको खावो, छिनरापन करनवारा, ना तो मुरत पुजा करनवारा, ना दुसरो को बायको संग सोवनवारा, छिनाल,

2 कुरिन्थियो 11:13

कायका असो लोक झूठो पेरीत अखीन छल बल करनवारा अना मसीह को पेरीत को रुप धरनवारा सेत

2 कुरिन्थियो 11:29

कोनी को कमजोरी लक मी कमजोर नही होवासू, कोनी को ठोकर खावन लक मोरो जीव नही दुखसेत।

2 कुरिन्थियो 2:4

काहेका मीना तुमीला यो गोस्टी दुखी दिल लक, डोरा लक पानी बोहाय-बोहाय के लिखि सेउ। यो साठी नाहय का तुमला दुख लगे, पर यो साठी सेत, का तुम यो जान सको का मी तुमरो लक कितरो माया राखासू।

गलातियो 1:7

वाकई मा, “दुजो कोनी साजरो बारता” नहाती, पर काही लोक तुममा सांती भँग करसेति। अना मसीह को साजरो बारता ला अकारत करनो चाव्हसेत।

गलातियो 2:14

पर यो चोय के की वय लोक साजरो बारता को खराई को लक जिंदगी नही कर रही होतीन ता सब को पुढ़ा मिना पतरस लक कव्हयो, जबा तु यहूदी भयके परजात गीन की जसो जिंदगी करसेस। ता तु गैरयहुदिगीन ला यहुदी को जसो चलन ला काय साठी कव्हसेस?

गलातियो 2:21

मि परमेस्वर को दया ला अकारत नही ठहराउ। काहेकि अदी नेकीपन मोसे को नियम को काम कन लक मिल सकसे तो मसीह को मरनो अकारत से।

गलातियो 5:21

छल, नसा, रँगरेली, अना ऐना तरह का काम सेत, जिनको बिसय मा मि तुमला चितासु जसो पयले चितोनी देय चुकयो, की असो-असो कामवारा तो परमेस्वर को राज का हकदार नही होव्हेत।

गलातियो 6:12

जोन लोक दिखावा को काम लक झुठी बड़ाई पावनो चाव्हसेत। वय देह को खतना करवान को साठी तुमला रोकासेति यो एकोलाय की मसीह को कूरूस को कारन उन पर जुरुम नही कियो जाय।

गलातियो 6:14

पर असो नही होहे की मि आमरो पिरभु यीसु मसीह को कूरूस को अलावा कोनी अना गोस्टी पर गरब करुह, जेनको कन लक दुनिया मोरी नजर मा अना मि दुनिया को नजर मा कूरूस मा चघायो जाय चुकयो।

इफिसियो 4:17

एकोलाय मि यो कव्हसू अना पिरभु मा चिताव सेव की जसो खोटो काम करनवालो आपरो मन को बेकार बिचार पर जीवन करत होतीन, तुमी वसो नोको जीवन करने,

फिलिप्पियो 1:4

अना जबा कभी तुमी सबच को लाई बिनती करूसेऊ, ता हमेसा खुसी को संगा पिराथना करसेऊ।

1 थिस्सलुनीकियो 4:6

का एना गोस्टी मा कोनी भी अपरो भाऊ को दोस नही करेहेत अना नही वोला ठगाहेत। काहेकी पिरभू एना सबरी गोस्टी गीन ला बदला लेवन वारा सेत जसो का हमीना पुड़ा च तुमला सांगीसेजन अना साजरी अक्ल लक चेताय भी सेजन।

2 थिस्सलुनीकियो 3:11

आमी ना आयकीसेजन की तुमरो यहान कोनी-कोनी बेकार की चाल चलसेत अना काही काम काज नही करत पर “आयतो मा रेड़ा” सियानो बनसेत।

2 पतरस 2:10

खास करुन उन लोकगीन जेना असुद्ध वासना को बसमा होयके, सान सौकत लक जिंदगी बिताव सेत। अना पिरभू को तिरस्कार करासेत। वय गरबिला मानूस सेत। अना वय सरग को सचला नकारन घाबरत नाही।

यहूदा 1:13

वय समुंदर को असो भयानक हिलोर सेत, जोन अपरी लाज की फेस उचलासे यो डावाडोल तारा सेत, जोन लाई सदा बेरा तकन घोर अंधार ठहरायी गई से।