फिलिप्पियो 1:27 - सत मारग पर चलन वारो किताब

²⁷ एतरो करो का तुम्हारा चाल-चलन मसीह को साजरोबारता को काबिल होय का चाव्ह मि आयके तुमला चोऊ, चाव्ह नही आऊँ, तुमरो बारे मा योच आयकू का तुमी एकच आतमा मा पक्को सेव। अना एक चित्त भयके साजरो बारता को भरोसा को लाई मेहनत करत रव्हना।

फिलिप्पियो 1:27 ပူးပေါင်းရင်းမြစ်များ

मत्ती 12:25

यीसु ला उनको विचार मालुम भय गयो। उ उनला बोलयो “हरेक वा राज जोनमा फूट होवासेत वा नास भयी जासे वसोच हरेक नगर अना घराना जोनमा फुट पड़ जासे वा नास भयी जासे।”

पेरीत 2:46

वय हर दिवस मंदिर मा समूह मा मिलत होतिन। वय आपरो घरगिन मा संगमा जेवन बाट-बाट के अना सरल मन लक खुसी लक, मिलजुल के जेवत होतिन।

पेरीत 24:24

काही दिवस गीन को मंघा फेलिक्स अपरी बायको दरसिल्ला ला जोन यहूदी होती। संग आनके अखीन पौलुस ला बुलाय के वोला भरोसा को बिसय मा जोन मसीह यीसु मा से आयकाव।

पेरीत 4:32

भरोसा करन वालो गीन को समुदाय एक चित अना एक मन होती, उनमा कोनी भी आपरी जायदाद ला आपरी नही मानासेत, जोन काही उनको जवर होतो वोमा सबको हिस्सा एक मा से।

रोमियो 1:16

साजरो बारता आयकवान काजी मोला काही सरम-लाज नाहती। यो तो परमेस्वर को ताकत से, जोन हरेक भरोसा राखन वारा, पयले यहूदी लोकगीन, अना मघा गैरयहुदी लोकगीन को लाय, मुकती को जरिया से।

रोमियो 1:5

वोच यीसु को खासम-खास चेला होवन को मौका मोला भेटयो सेत। जोन लक मी सबा देस को लोकगिन ला यीसु मा बिस्वास करन अना वोला मानन मा मदद करबिन।

रोमियो 1:9

यो गोस्टी को परमेस्वर गवाह से, जोन मी सांगा सेऊ उ खरो से। जोन परमेस्वर को टूरा को बारेमा साजरो बारता आयकवा के पुरो मन लक मी वोको सेवा करासेऊ।

रोमियो 10:8

पर मोसे को नियम मा असो लिख्यो सेत। का बचन तोरो जवर तोरो होठ मा अना तोरो मन मा सेत। यो वोच भरोसा को बचन सेत जोन ला आमी मुनादी कर सेजन।

रोमियो 15:16

का मी गैरयहुदी गिनको लाय यीसु मसीह को दास बनू, अना परमेस्वर को साजरो बारता को सेवा याजक को जसो करू, का गैरयहुदी रुपी मोरि भेंट पवीतर आतमा लक पवीतर होयके चढ़ायो जाय।

रोमियो 15:29

मोला भरोसा से का, जबा मी तुमरो जवर आसिन तो यीसु मसीह को आसिरवाद आनीन।

1 कुरिन्थियो 1:10

मोरो संगीहुन! अमरो पिरभु यीसु मसीह को नाव मा मोरो तुमरो लक पिराथना सेत का तुमरो मा कोनी फूट नोको होवे। तुम सबा एक संग जुटो रव्हो अना तुमरो बिचार अना धेय एकच होवे।

1 कुरिन्थियो 15:58

एकोलाय मोरो चहेतो, अगो भाऊ! अना अवो बहिन हुन! तुमी पक्को को सँगा जिलायो जावसे। अना अटल भई जावो। अना पिरभू को काम मा हमेसा बड़तो चलो। काहेका तुमी जानसो पिरभू मा तुमारो मेहनत बेकाम नाहती।

2 कुरिन्थियो 13:11

एकोलाय अगो भाऊ खुस रव्हो! साजरो पक्को बनतो जावो अना धिरज राखो। एक बिचार राखो, मिलाप लक रव्हो! पिरेम अना सान्ती देवन वारा, परमेस्वर तुमरो संग होहेत।

2 कुरिन्थियो 4:4

काहेका अबिस्वासी गीन को डिमाक ला यो दुनिया को दुस्ट देव ना अंधार मा ठेविसेत। उ वोना पर उजाड़ होवन काजी रोकसेत। जो साजरा बारता लक मसीह को बारे मा आवासे, यीसु मसीह जनमन परमेस्वर को रुप जसो सेत।

2 कुरिन्थियो 9:13

काहेका एना सेवा को परिनाम स्वीकार करके वय परमेस्वर की महिमा परगट करासेत का तुमी मसीह की साजरा बारता ला मानके वोको कन रहवा सेत अना वोकी अखीन सब पवीतर लोकगीन को सेवा करनो मा दयालूपन परगट करता रहवत होत्यो।

गलातियो 1:7

वाकई मा, “दुजो कोनी साजरो बारता” नहाती, पर काही लोक तुममा सांती भँग करसेति। अना मसीह को साजरो बारता ला अकारत करनो चाव्हसेत।

इफिसियो 1:13

जबा तुमना ओनो सत्य को खबर ला आयकियात जो तुमरो मोक्स को साजरो बारता होतो, अना जेने मसीह पर तुमना बिस्वास करिया होता, ता जेने पवितर आतमा को बचन दियो होतो, मसीह को जरीया लक ओको छाप परमेस्वर को कन लक तुमी लोकहून पर लगायी गयी होती।

इफिसियो 1:15

एकोलाई जबा लक मिना पिरभु यीसु मा तुमरो ओना भरोसा को खबर तुमरो माया को बारे मा जोन सबच पवीतर लोकगीन लाई से, आयकीसेऊ

इफिसियो 4:1

एकोलाय मि जोन पिरभु को होवन को काजी बन्दी बनो हुयो सेव, तुमी लक बिनती करुसेउ का तुमला आपरो जिंदगी वसोच जीवनो चाहिसे जसो का संतहुन को से।

फिलिप्पियो 1:5

एकोलाय की तुमी पयले दिवस लक आन के आज तकन साजरो बारता को फैलान मा मोरो संग रव्हसेव।

फिलिप्पियो 2:12

एकोलाई अगा मोरो चहेतो, जेना तरीका लक तुमी हमेसा लक हुकूम मानतो आयासेव, वसोच अबा भी नही केवल मोरो संग रव्हत हुयो पर खास रुप लक अबा मोरो दुहूर रव्हन पर भी भेव लक अना कापत हुयो आपरो-आपरो मुकती को काम पूरो करत जावो;

फिलिप्पियो 2:24

अना मोला पिरभु मा भरोसा से की मि खुदच जल्दीच आहू।

फिलिप्पियो 3:18

काहेका मि तुम लक कई लोक खोटो चालचलन राखसेत। पुढा कई गन कव्ह चुकी सेऊ अना अबा भी रोय-रोय के कव्हसू की असा लगत सेत, जोन आपरो चाल चलन अना सुभाव लक मसीह को कूरूस को दुस्मन सेत।

फिलिप्पियो 3:20

पर आमरो रव्हन साठी जघा सरग मा से, जहान लक आमी सुटकारा करनवालो पिरभु यीसु मसीह को आवन को रस्ता बड़ी बेसबरी लक कर रहया सेजन।

फिलिप्पियो 4:1

एकोलाई अगा मोरो चहेतो भाऊ तुमी जोन मोरो आँनद अना मुकुट सेव, तुमला चोवन ला मोरो जीव तरससे, हे चहेतोगीन, पिरभु मा ऐना रिति पक्को रव्हो।

कुलुस्सियो 1:10

तब जब तुमी पिरभू को रुप मा जिंदगी बितान काबिल होवजोस अना हमेसा आपरो चाल चलन लक वोला खुस करजोस ता तुमरो जिंदगी मा सबा परकार को साजरो करम पैदा करबिन, अना तुमी परमेस्वर को गियान मा बढ़बिन।

कुलुस्सियो 1:4

काहेकि हमीना यीसु मसीह मा तुमरो परमेस्वर को पवीतर लोकगीन काजी माया अना भरोसा को बारे मा आयकु सेत।

1 थिस्सलुनीकियो 3:6

पर अबा जबकि तीमुथियुस तुमरो भरोसा अना पिरेम की साजरो बारता आन के हमरो जवर लवट के आयो अना वोना यो भी सांगीसेस का तुमी ना हमला पिरेम लक हेत राखियासेव अना जसो हमी तुमला वसोच तुमी भी हमला देखन लाई लगत बेरा तकन तरसासेव।

1 थिस्सलुनीकियो 4:1

अखट्ट मा अगा भाऊ हुन हमी तुमी लक पिरभू यीसु मा बिनती करके तुमला समझाव सेजन का, जसो तुमीना आमिलक काबिल चाल चलनो अना परमेस्वर ला खुस करन की सिक्सा पायासेव। अना जसो का तुमी सचमुच चला सेव। वसोच अखीन लगत बढत जावो।

1 तीमुथियुस 1:11

योच महान धन्य परमेस्वर को महिमा को ओना साजरो बारता को जसो से जोन बिस्वास मोला सौपयो गयो से।

1 तीमुथियुस 1:19

अना बिस्वास अखिन वोना साजरो अक्कल ला थामो रहवो जोनला दुहुर करन को कारन केतरो गीन को बिस्वास रूपी जहाज डुबू गयो।

2 तीमुथियुस 4:7

मी साजरी कुस्ती लड़ चुकी सेउ मीना अपरी दौड पूरी कर लेई सेस मीना बिस्वास की देख-रेख करीसेस।

तीतुस 2:10

चोरी चालाकी नोको करने, पर सबच परकार लक साजरो भरोसा करनवारा हिटेत, की वय सबच गोस्टीहुन मा आमरो बचावन वालो परमेस्वर को उपदेस को सोभा बढ़ाहेत।

फिलेमोन 1:5

काहेकि मि तोरो उ भरोसा अना माया को चरचा आयकीसेऊ जोन सबच पवीतर लोकगीन को सँगा अना पिरभु यीसु पर से।

याकूब 3:18

मिलाप करान वालो ओनो बीज ला नेकी को संगा सान्ति लक बोयो जासे।

2 पतरस 3:11

जब ऐना सप्पा गोस्टी नास भयी जाहेत। तर तुमी लोकगिन ला पाहिजे का पवीतर चाल-चलन अखीन भगती को जिंदगी बिताव।

2 पतरस 3:14

अगो चहेतो भाऊहुन मी कव्हसू, जसो, यो या गोस्टी ला आपरो जवर आवता चोवो, तभी सांतपन अना निरदोसपन लक वोको समोर जावन को कोसीस करा।

यहूदा 1:3

अगो चहेतो संगी हुन, अखिन भी मि लगत चाव्हत होतो का तुमला ओनो सूटकारा को बिसय मा लिखु, जोको आमी हिस्सेदार सेजन। मिना तुमीला लिखन की अना तुमला बढ़ावा देन की जरुरत सोचयो ताकि तुमी ओनो बिस्वास को लाई मेहनत करत रव्हो जेनला सब लक मोठो परमेस्वर ना संत मानूस हुन ला हमेसा को लाई दे दियो से।