फिलिप्पियो 1:1 - सत मारग पर चलन वारो किताब

¹ मसीह यीसु को दास पौलुस अना तीमुथियुस को कन लक, सबच पवीतर लोगहुन को नाव जोन मसीह यीसु मा होयके कलिसीया को मुखिया अना दासगीन को सकट फिलिप्पी नगर मा रव्हसेत।

फिलिप्पियो 1:1 ပူးပေါင်းရင်းမြစ်များ

मरकुस 13:34

यो उ मानूस को दसा जसो से, जोन परदेस ला जातो बेरा आपरो घर ला सोड़के जासे, आपरो दास ला हक देसे, अना हर कोनीला ओको काम देवासे अना चौकीदार ला जागन को हुकूम देवासेत।

योहन 12:26

अदी कोनी मोरो दास बननो चाव्हासे तो मोरो मंघा चले, जिता मि सेउ, उता मोरो चेला भी रव्हेत, अदी कोनी मोरी सेवा करनो चाव्हासे ता बाबूजी ओको मान करेत।

पेरीत 1:20

काहेका भजन संहिता की किताब मा असो भी लिखीसे, “वोको घर उजड़ जाये, अना कोनी ना रव्हे।” अना असो भी लिखयो सेत का वोको सेवा को जघा कोनी अवर ला भेटेत।

पेरीत 20:28

एकोलाय अपरी, अना पूरो हेड की चोकसी करो, जिनमा पवीतर आतमा न तुमला कलिसीया को मुखिया ठायराइसेस। जोनलक तुमी परमेस्वर की कलीसिया की देख-रेख करो, जेनला वोना अपरो खून लक मोल लेई सेस।

पेरीत 9:13

हनन्याह न जवाब देईस हे पिरभू मी न एना मानूस को बारेमा मा लगत सा बुराई आयकिसेऊ, एना तोरो पवितर लोक गिनला येरुसलेम नगर मा कितरो तगाइसेत।

रोमियो 1:1

पौलुस को यो चिठ्ठी से। जोनला यीसु मसीह ना सेवक अना पेरीत को नाता लक निवड़ले आहेत। अना परमेस्वर को साजरा बारता सांगन लाय बुलायो सेत।

रोमियो 1:7

अबा मी सब रोमीला लिखासू का परमेस्वर तुम सब लक पिरेम करासेत। अना आपरो जवर बुलावा सेत। तुमी सप्पा लोक ला आमरो पिरभू यीसु मसीह अना वोको परमेस्वर दादाजि कन लक दया अखिन सान्ती भेटेत।

1 कुरिन्थियो 16:10

अदी तीमुथियुस आहेत तो वोको साजरा लक खियाल राखजोस। का उनला कोनी बात को कमी नोको होयेत। काहेका उ मोरो जसो पिरभू को काम मा लगयो रव्हा सेत।

2 कुरिन्थियो 1:1

अखया कुरिन्थुस नगर मा परमेस्वर यीसु मसीह को कलीसिया अना सबा युनान देस को रहवासी सबा पवीतर संतहुन को नाव पौलुस जोन परमेस्वर को मनसा को कन लक पेरीत सेत, अना भाऊ तीमुथियुस को चिठ्ठी।

गलातियो 1:10

अता मि कोन को दया चाव्हसेउ? मानूस को या परमेस्वर को? अदी मि मानूसगिन ला राजी करन चाव्हतो तो, तो मि मसीह को दास बनन काबिल नही होतो।

गलातियो 3:26

काहे की तुमी सप्पा को सप्पा यीसु मसीह मा भरोसा करन को काजी परमेस्वर की संतान सेव।

गलातियो 3:28

अब न कोनी यहूदिगीन सेत अना न कोनी यूनानी, न कोनी दास से अना न कोनी अजाद, न कोनी मरदमाना से, न कोनी आई-माई। तुमी सप्पा यीसु मसीह मा एक भई गया सेव।

इफिसियो 1:1

यो चिठ्ठी पौलुस को कन लक, जोन परमेस्वर को मरजी लक मसीह यीसु को पेरीत से, इफिसुस का रव्हनवारा सन्तगिन अना मसीह यीसु मा बिस्वासी गिन को नाव से।

इफिसियो 1:15

एकोलाई जबा लक मिना पिरभु यीसु मा तुमरो ओना भरोसा को खबर तुमरो माया को बारे मा जोन सबच पवीतर लोकगीन लाई से, आयकीसेऊ

इफिसियो 6:24

जोन आमरो पिरभु यीसु मसीह लक खरो माया राखासे; उन पर परमेस्वर को किरपा होवती रह।

फिलिप्पियो 2:19

मोला पिरभु यीसु मा आस से की मि तीमुथियुस ला तुमरो जवर तुरुतच धाड़ुह, जोकोलक तुमरो दसा आयक के मोला सान्ती मिलेह।

फिलिप्पियो 2:5

जसो मसीह यीसु को बिचार, सुभाव होतो वसोच तुमरो भी सुभाव होय।

फिलिप्पियो 3:12

यो नही की मोला मिल गयो से या पक्को होय गयो सेऊ पर मकसद ला पुरो करन लाई पुढा बड़त जावासेऊ जोन को लाई मसीह यीसु ना मोला धरयो होतो।

फिलिप्पियो 3:3

खरो खतना वारा ता आमिच सेजन जोन परमेस्वर को आतमा मा भगती करसेजन, मसीह यीसु पर घमन्ड करसेजन अना तन पर भरोसा नही राखासेजन।

फिलिप्पियो 3:8

एकोलक बड़के मि आपरो पिरभु यीसु मसीह को गियान को मोठो महिमा को काजी सबच गोस्टी ला बेकार समझासेउ। जोको काजी मिना सब चीजगीन को हानि उचली सेऊ।

1 थिस्सलुनीकियो 1:1

हमरो बाप परमेस्वर अना पिरभू यीसु मसीह मा थिस्सलुनीकिया नगर को कलीसिया को नाव पौलुस सिलवानुस अखीन तीमुथियुस ला चिठ्ठी मा किरपा अखीन सान्ती मिलहेत।

1 थिस्सलुनीकियो 2:2

पर तुमी त जानासेव का फिलिप्पी मा दुख उचलनो अना बुरो बरताव सह्वनो को मंघा भी हमी अपरो परमेस्वर मा असी हिम्मत पायके, घोर बिरोध को होतो हुयो भी तुमला परमेस्वर की साजरो बारता आयकावाया।

2 थिस्सलुनीकियो 1:1

पौलुस अना सिलवानुस अना तीमुथियुस को कन लक चिठ्ठी थिस्सलुनीकिया की कलीसिया को नाव, जोन आमरो बाबूजी परमेस्वर अना पिरभु यीसु मसीह मा आय।

2 थिस्सलुनीकियो 1:10

यो दिवस तबा होहे जबा यीसु आपरो पवीतर लोकगीन मा महिमा पावन अना सबच भरोसा करनवालो मा अचंभा को कारन होवन साठी आहे। काहेका तुमीना आमरो गवाही पर भरोसा करयत।

1 तीमुथियुस 1:2

तीमुथियुस को नाव जोन बिस्वास मा सच्चो टूरा से परमेस्वर अजी अना हमरो पिरभु मसीह यीसु को कन लक तोला आसीरवाद अना दया अखीन सान्ती मिल रहीसे।

1 तीमुथियुस 3:8

वसोच दास गीन ला गम्भीर होवनो चाहिसे दोरंगी दरवा अना हराम की कमाई को लोभी नही होहे।

तीतुस 1:1

पौलुस को कन लक जोन ला परमेस्वर को बेचयो गयो दास लोकहुन ला उनको बिस्वास मा सहायता देवन लाई अना आमरी नेकी को काम अना खराई को पुरो गियान सिकावन साठी धाड़यो गयो से।

तीतुस 1:7

काहेका मुखिया ला परमेस्वर को खजांची होवन को कारन कलिसीया को मुखिया ला निरदोस होवनो चाव्हसे। न ता जिद्दी, न ता गुस्सा करनवालो, न ता पियक्कड़, न मारपीट करन वालो, न ता नीच कमाई को लोभी होय,

फिलेमोन 1:1

मसीह यीसु को बँदी बनयो पौलुस कन लक अना भाऊ तीमुथियुस को कन लक जोन आमरो माया को संग कामकाज करन वालो से, फिलेमोन

इब्रानियो 13:23

तुमीला मालूम होहे का, आमरो भाऊ तीमुथियुस सूट गयो सेत, अदी वा लवकर आ जाहेत, तो मी भी वोको संग आयके तुमरो लक भेंट करू।

याकूब 1:1

परमेस्वर को अना पिरभू यीसु मसीह को दास याकूब को कन लक वोना बारा गोत को लोकगीन जोन तितिर-बितिर होयके रव्हसेत नमस्कार भेटेत।

1 पतरस 2:25

तुमी त मेढा गीन की जसो भटक रहयो होतो। पर अबा अपरी आतमा को चरानवालो अना कलिसीया को मुखिया को जवर लवटके आईसेव।

2 पतरस 1:1

यीसु मसीह को दास अना पेरीत, सिमोन पतरस को यो चिठ्ठी, उन लोकगिन को नाव वरुन सेत। जोन ना आमरो परमेस्वर, अना बचान वालो यीसु मसीह को लक, आमरो जसो नीतिमान लक, बिस्वास को किमती वरदान भेटियो सेत।

यहूदा 1:1

यो चिठ्ठी यीसु मसीह को दास अना याकूब को भाऊ यहूदा को कन लक, उन हाक्लियो लोकगीन को नाव लाई से जोन परमेस्वर बाबूजी मा चहेतो, अना यीसु मसीह को आवन को लाई सुरक्सित सेत।

परकासित वाक्य 1:1

यो यीसु मसीह को अदभुत सन्देसा सेत। जेनला परमेस्वर को कन लक एकोलाय दियो होतो। का जोन गोस्टी लवकर पुरो होवन वालो सेत। उनला आपरो दास गिनला दरसायो जाय। आपरो सरगदूत धाड़के यीसु ना आपरो दास योहन इसारा मा साँगीसेस।

परकासित वाक्य 1:20

वोय सात तारा गीन को भेद जो तुना मोरो जेवनो हात मा देखीसेस अना सात सोनो को टवरी को भेद यो आय; सात तारागीन, सात कलीसियागीन को दूत सेत, अना वय सात दियो सात कलीसिया गीन सेत।

परकासित वाक्य 19:10

अना मी वोको अराधना करन लाय वोको पाय मा पड़ गयो। पर उ मोरो लक कहयो, आयक! असो कायलाय करतत? मि ता तोरो अना तुमरो भाऊगीन को जसोच, जोन मसीह यीसु को गवाही सेत, “उनको संगी सेऊ, परमेस्वर ला डोस्का टेको! काहेकि मसीह यीसु को बारे मा गोस्टी साँगनो च भविस्यवानी को आतमा से।”

परकासित वाक्य 2:12

“पेरगाम को कलीसिया को सरगदूत ला लिख।” यो वोना मानूस को खबर सेत जोन को जवर दुई धार वालो तरवार से।

परकासित वाक्य 2:8

स्मुरना को कलीसिया को सरगदूत ला असो लिख, “उ जोन पयलो अना आखीर से। जिन मर गयो होतो अबा जोन दुबारा जित्तो भयो से। उ असो कव्हसेत।”

परकासित वाक्य 22:9

पर ओना मोरो लक सांगीस, “चौव, असो नोको कर! काहेकि मि तोरो अना तोरो भाऊ भविस्यवक्ता गीन, अना ऐना किताब को गोस्टी ला मानन वालो को संगी दास सेउ। परमेस्वर च ला नमस्कार कर।”