मरकुस 7:15 - सत मारग पर चलन वारो किताब

¹⁵ असी कोनी बाहरी चीज नहात जोन मानूस को भीतर जायके वोला असुद करे। जोन भीतर लक बाहेर आवासे ता वा च असुद करासे।

मरकुस 7:15 ပူးပေါင်းရင်းမြစ်များ

मत्ती 12:34

“अरे सरप का टुराहुन! तुमी खोटो होयके कसो साजरो गोस्टी कव्ह सकासेव?” मानूस को सबद जोन वोको मन मा भरयो से, वाच टोन्डमा भड़-भड़ आवासे।

मत्ती 15:16

वोना कहीस का तुमी भी अबा तकन नासमज सेव?

मरकुस 7:14

यीसु ना जनता ला आपरो कठा बुलाके उन ला साँगीस, “तुमी सब मोरी गोस्टी ला आयको अना समजो।

मरकुस 7:16

जोको कठा कान से, उ मोरी आयको।”

पेरीत 10:28

वोना कहीस, तुमी जानासेव का गैरयहुदी की संगति करनो अना उनको घरमा जावनो एक यहुदी लाय मनायी सेत। पर परमेस्वर न मोला कहिसेस, का कोनी मानूस को अपवितर या असुध्द नही कव्हनो चहिये।

रोमियो 14:17

काहेका परमेस्वर को राज खावन-पिवन लाय नही, पर उ न्याय सान्ती अना खुसि को बारे मा सेत। जो पवीतर आतमा लक भेटा सेत।

1 कुरिन्थियो 10:25

जो काही खटिक को घर मा बिका सेत उ सब बिना जाँच को जेवन करो। अना मन मा सक नोको करो?

तीतुस 1:15

सुध्द लोकगीन को लाई सबच चीजगीन सुध्द से, पर असुध्द अना अबिस्वासी गीन साठी काही भी सुध्द नाहती लेकिन उनकी मन अना डिमाक दुही असुध्द सेत।

इब्रानियो 13:9

हर प्रकार को अजब को सिक्सा मा नोको भरमो, तुम्हारो मन कोलाय यो साजरो सेत। का किरपा लक मजबूत बनयो रवहो, जेवनो पिवनो को नेम धरम लक नही। जोन लक कदिच कोनी को भलो नही भयो सेत। जोनना यो सब मानीसेत।

इब्रानियो 9:10

काहेका वय बस जेवन-वेवन को चीज अना रकम-रकम को आँग धोवनो सेत। जोन हुकूम वोना बेरा मा देह को सुधार को लाय ठहरायो गयो होतो।