मरकुस 2:20 - सत मारग पर चलन वारो किताब

²⁰ पर वय दिवस आहेत की नवरदेव उन लक बेगरो कियो जाहे, ओनो बेरा वय उपास करहेति।”

मरकुस 2:20 ပူးပေါင်းရင်းမြစ်များ

मत्ती 26:31

तबा यीसु ना उनला साँगीस, आज-राती तुम सबको मोरो पर लक भरोसा उठ जाहेत। काहेका गिरंथ मा लिख्यो से, “मि चरानवालो ला, मारिन अना करप को मेढा गीन, इतानि-उतानी पराय जाहेत।

मत्ती 9:15

यीसु ना उन लक कहीस की जबा तकन बराती नवरदेव को संग मा रव्हासे , सोक कर सकासेत? पर वय दिवस आहेति जबा नवरदेव उनको लक अलग कियो जाहे। ओनो बेरा मा उपास करयेत।

मरकुस 2:19

यीसु ना उन लक कहीस की “जबा तकन बराती नवरदेव को संग मा रव्हासे, तबा तकन का वय उपास कर सका सेति? नवरदेव को संग बराति भुखा नही रव्ह सकत

मरकुस 2:21

“नयो कपरा को थेगड़ जुनो घालन को कपरा मा कोनी नही लगावासेत; काहे की उ थेगड़ ओमा लक काही खिच डाकहे, मन्जे नयो जुनो लक अखीन उ फट जावासे।

लूका 17:22

यीसु ना आपरो चेला गीनला सांगिस, एक बेरा असो आहेत, जबा तुम मानूस को टूरा एक दिवस चोवनो चाव्हने, पर वोला नही चोवने।

लूका 5:35

पर वोना दिवस आवन वारा से। जबा मि इनको लक दुहुर भई जाहू उना दिवस मा वय उपास करयेत।

योहन 12:8

काहे की गरीब गोर तो तुमरो सँगा हमेसा रव्हेत,, पर मि तुमरो सँगा हमेसा नही रहुँ।

योहन 13:33

ओ टूराहुन, मि जरा सो बेरा तकन तुमरो जवर सेउ, मंग तुम्हि मोला ढुंढने, जसो की मि यहूदिगीन लक कव्हसू, जिता मि जावासेऊ, उता तुमी नही आय सको, वसोच तुम्हिला भी कव्हासू।

योहन 16:28

मि बाबूजी को कन लक जगत मा आयीसेऊ, अना मि मंग जगत ला सोड़के बाबूजी को जवर जावासू।

योहन 16:7

ता भी मि तुम्हि ला खरो सांगासू, का मोरो जावनो तुमरो लाय साजरो से, काहेकी अदी मि नही जाऊ तो उ सहायक तुमरो जवर नही आहेत, पर अदी मि जाउ तबा ओला तुमरो जवर धाड़ू।

योहन 17:11

मि दुनिया मा नही रहुँ, पर यो लोकगीन दुनिया मा रहेत, अना मि तोरी जवर आवासेऊ, हे पवीतर बाबूजी, आपरो उ नाव लक जोन तुना मोला देईसेस, उनकी रक्सा कर, वय आमरो जसो एक रहेत।

योहन 17:13

अबा मि तोरो जवर आवासू अना यो गोस्टी जगत मा कव्हसू, की वय मोरो खुसहाली आपरो मा पूरो पाहेत।

योहन 3:29

जोन की नवरी से, उ नवरा से, पर नवरा को संगी जो उभो से, वोकी आयकसेस अना नवरा को सबद लक खुस होवासे। अता मोरो खुसि पूरी भय गयी।

पेरीत 1:9

एतरो कव्हनो को मंघा उ उनको देखत-देखत वरता उचल लियो गयो, अना उ उनला नही चोवयो।

पेरीत 14:23

उनना हरेक कलीसिया ला मा उनको लाई मुखिया बेचयो अना, उपवास को संग पिराथना करीन, अना उनला पिरभू को सुपरुत कर देईन, जोन पर उनना भरोसा करयो होतिन।

पेरीत 3:21

अना मसीह ला जरूरी से का वोना बेरा तकन सरग मा रहेत, जबा तकन सबरी गोस्टी पहेलो जसो सुधारी न जाय। जोन को चरचा लगत पहेल लक परमेस्वर न अपरी पवीतर लोकगीन लक करी होतीस।

1 कुरिन्थियो 7:5

एक दुसरो ला यो हक लक दुहुर नोको राखो, पर काही दिवस काजी, दुई को मनको लक, बेगरो भई जावोत, जेनको लक पिराथना काजी बेरा मिल जाहेती, मंग एक संग रव्हो, सैतान ला मौका नोको देव, का उ तुमरो परिक्सा करे।

2 कुरिन्थियो 11:2

काहेकी मी तुमरो बिसय मा परमेस्वर की खूब धुन मा लगयो रव्हा सेऊ एकोलाय का मीना एकच मानूस लक तुमरी पक्की करी सेउ, का तुमीला पवीतर कुवारी को जसो मसीह ला सोप देहू।

2 कुरिन्थियो 11:27

मेहनत अखीन दूख मा, बार-बार जगनो मा, भूखओ अना तहान रव्हनो मा, बार-बार उपासी रव्हन मा, थंड मा, उघाडो रव्हनोमा,

2 कुरिन्थियो 6:5

कोड़ा खावनो लक, अना जेल जानो लक हल्ला गुला लक महेनत लक चेतया रव्हनो लक उपवास करनो लक।

परकासित वाक्य 19:7

एकोलाय आओ, खुसी होयके, आँनद मनाव, आओ, वोला महिमा देबिन! काहेका अब पाठी को बिहा को बेरा आय गयो सेत, नवरी सजी-धजी तैयार सेत।

परकासित वाक्य 21:9

तबा जिन सात सरगदूत गीन को कठा सात आखरी मुसीबत लक भरयो सात बटका होतीन। उनमा लक एक ना मोरो कठा आयके मोला सांगीस, “आव, मि तुमला नौरी मेढ़ा को नौरी दिसाऊ।”