मरकुस 16:16 - सत मारग पर चलन वारो किताब

¹⁶ जो लोकगीन भरोसा करेहत अना बप्तिस्मा डुबकी लेहेत, ओको च सूटकारा होव्हे, पर जो भरोसा नही करेहत, वोको पर दन्ड को हुकूम ठहरेत।

मरकुस 16:16 ပူးပေါင်းရင်းမြစ်များ

मत्ती 28:19

यो काजी तुमी जाओ, अना सब गैर यहुदी लोक गीन ला चेला बनाओ। अना उनला, परमेस्वर बाबूजी अना टूरा यीसु मसीह, अना पवीतर आतमा को नाव लक, पानी मा बप्तिस्मा देवो।

मरकुस 1:15

अना कव्हयो “बेरा भई गई से, परमेस्वर को राज कठा आय गई से पाप ला छोड़ो अना साजरा बारता पर भरोसा राखो।”

लूका 8:12

“रास्ता को किनार का बीज वय सेती। जोना आयकीस, तबा बालजबूल उनको मन लक, गोस्टी उचल ले जासे। कही असो नाहती की भरोसा राखेत, अना साजरो बिस्वास लक सूटकारा मिल जाये।

योहन 20:31

पर एको कारन लक लिखी गई से की तुमी लोकगीन भरोसा करो, की यीसु जोन से उ परमेस्वर को धाड़ो गयो से। अना कव्हनो मा मसीह से। अना ओको नाव मा भरोसा करनो लक जीवन मिलासे।

योहन 3:36

जो टूरा पर भरोसा करासे, उ अमर जीवन पाहे। पर जो टूरा ला नही मानासे, उ जीवन ला नही चोय सके। पर परमेस्वर को गुस्सा वोको पर रव्होसे।

योहन 3:5

यीसु ना खरो जवाब ओला देईस, “मी तुमी लक कव्हसू, जब तकन कोनी मानूस, पानी अना आतमा लक नही जलम लेहेत, ता उ परमेस्वर को राज मा धस नही सकासे।

योहन 5:24

मि तुमी लक खरो सांगिसेउ,“ जोन मोरी गोस्टी आयक के मोरो धाड़नवालो पर भरोसा करासे, वोको जवर अमर जीवन से अना ओको पर सजा की हुकूम नही होवासे। पर उ मिरतु लक पार भयके जीवन मा धसेत।”

योहन 6:29

यीसु ना जवाब देइस, परमेस्वर का काम यो से की तुमी मोरो भरोसा पर करो काहेकी परमेस्वर ना मोला धाड़िसेस।

योहन 6:35

यीसु ना उनला कहीस, “जिंदगी की भाकर मि सेव, जो मोर कगर आवासे, ओला कभ्भु भुख नही लगेत, अना जोन मोरो पर भरोसा ठेवासे, ओला कभ्भु तहान नही लगेत।”

योहन 6:40

काहेकी परमेस्वर की मरजी यो से की जोन कोनी मोला चोहे, अना मोरो पर भरोसा ठेये उ अमर जिंदगी पाहेत।

योहन 8:24

एको लाई मिना तुमला कव्हयो, की तुमी पाप मा मरोह। काहे की तुमी भरोसा नही ठेवो, की मि वाच सेऊ।

पेरीत 10:43

सबच भविस्यवक्ता गीन वोको गवाही देई सेत, का वोको पर भरोसा करन वारा हरेक मानूस, वोको नाव लक पाप की छिमा पावा सेत।

पेरीत 13:39

अना येकोच लक हरेक जोन बिस्वासी सेत। उ पापगिन लक सूटकारा पा सकासेत। जोन लक तुमीला मोसे को नियम नही दिला सकासेत।

पेरीत 13:46

तबा पौलुस अना बरनबास न हिम्मत लक कहीन, “यो तय होतो का परमेस्वर को गोस्टी पुड़ा तुमला आयकायो जाय, पर जबा तुमी वोला नही मानयत अना अपरो आपला ला अमर जीवन को काबिल नही ठैयराय सेव, ता देखो हमी गैर यहुदी कन जाबिन।”

पेरीत 2:38

पतरस न उनला कहीस, मन मुरकाओ, अना आपरो पापगिन की छिमा पावन लाई तुम मा लक हरेक ला यीसु मसीह को नाव लक बप्तिस्मा लेवनो पड़हेत। अना तुमला परमेस्वर को उपहार पवितर आतमा मिलहेत।

पेरीत 2:41

उनमा लक लगतसा लोकगिन ना ओको सन्देस ला आयक के बिस्वास करीन, उनला बपतिस्मा दियो गयो, असो परकार वोना दिवस उनको समूह मा, लगभग तीन हजार मानूस अखिन जूड़ गइन।

पेरीत 22:16

अबा का देर करासेस? उभो होय अना बप्तिस्मा ले अखीन वोको नाव ला अपना अना अपरो पाप ला धोय डाक।”

रोमियो 3:6

असो पुसनो सुभाविक सवाल सेत। तरी यो सवाल को कोनी मतलब नाहोती। यदि परमेस्वर अन्यायी होतो, तो उ जग को न्याय कसो कर सकेत।

रोमियो 4:24

बल्कि आमरो लक भी सम्बन्ध राखासे। यदि आमी परमेस्वर पर भरोसा राखा सेजन। पिरभू यीसु ला मरयो हुयो मा लक जित्तो करिसेत, तो हमी असोच भरोसा को कारन नेक मानूस मानो जाबिन।

2 थिस्सलुनीकियो 1:8

अना जोन परमेस्वर ला नही चिन्हसेत अना आमरो पिरभु यीसु को साजरो बारता ला नही मानासेत, उनलक बदला लेहे।

2 थिस्सलुनीकियो 2:12

जेनको लक जेतरा लोक खराई लक भरोसा नही राखेहेत वरन अधरम लक खुस रहेत, वय सबच दन्ड भोग हेत।

1 पतरस 1:21

वोना मसीह को कारन तुमी वोना परमेस्वर पर बिस्वास करासेव। जोनना वोला मरयो हुयो मा लक जित्तो कर दियो। अना महिमा देईस, असो लक तुमरो बिस्वास अखिन आस परमेस्वर पर थम जाय।

1 पतरस 3:21

यो बपतिस्मा को पयलो इसारा सेत। जेनको मतलब तन को मैल ला धोवनो नाहती। पर साजरो मन लक परमेस्वर को अधीन होवनो सेत। अबा तो बपतिस्मा तुमला यीसु मसीह को जित्तो होवनो लक बचावनो सेत।

परकासित वाक्य 20:15

ओला जोको नाव जीवन को किताब मा नही पायो गयो से, स्तो को झील मा फैक दियो गयो।

परकासित वाक्य 21:8

“पर डरपोकगीन, अबिस्वासी, निन्दक, हत्यारागीन, छिनाल अना छिंडरागीन, टोन्हा, मुरत पुजा करनवारा, अना सबच झूठो को जघा ओना झील मा होहे, जो स्तो अना गन्धक लक पेटा से। योच से दुसरी मिरतु।”