मरकुस 13:26 - सत मारग पर चलन वारो किताब

²⁶ तबा लोक मानूस को टूरा ला मोठी ताकत अना महिमा को सँगा बादल मा आवता चोव्हेत।

मरकुस 13:26 ပူးပေါင်းရင်းမြစ်များ

मत्ती 16:17

यीसु न वोला जवाब देईस, हे समौन, योहन को टूरा तु धन्य सेस, काहेका मानूस को मन की गोस्टी नाहत, पर मोरो दाअजी परमेस्वर ना जोन सरग मा से, येनो गोस्टी ला तोरो मन मा डाखी सेस।

मत्ती 16:27

ता मानूस को टूरा अपरो सरगदूत को संग अपरो, बाप को गौरव मा आहेत, अना वोनो बेरा मा उ हर एक ला, उनको काम को अनुसार बदला देहे।

मत्ती 16:28

मी तुमला खरो सांगसेऊ का जो यहान उभो सेत, उनमा लक काही असो सेत का उ जब तकन, मानूस को टूरा ला राज मा आवता नही चोव लेहेत, तब तकन नही मरहेत।

मत्ती 24:30

तबा मानूस को टूरा को हिदान बादल मा चोहेत, अना सब धरती को लोकगीन आपरो, सीना ला पिटेहेत। अना मोठयो, ताकत अना महिमा को संग बादल मा मानूस को टूरा ला आवता दिसेत।

मत्ती 25:31

जबा मानूस को टूरा आपरो गौरव को सँग, सरगदूत को सँग आहेत, अना गौरव को सिघासन मा बसेत।

मरकुस 14:62

यीसु ना कहीस, “मि सेउ, अखीन तुमी मानूस को टूरा ला सब लक ताकत वर परमेस्वर को उज्जो कन बसा, अना बादल को बदली मा आवता चोवो।”

मरकुस 8:38

जो कोनी यो खोटो अना पापी पीढ़ी बेरा मा मोरो लक अना मोरो गोस्टी लक लजाहे ता मानूस को टूरा भी जबा आपरो पवीतर सरगदूत को सँग आपरो परमेस्वर बाबूजी को महिमा मा आहे, तबा उ भी उनला आपरो कव्हन लाय लजाहे।

मरकुस 9:1

अना यीसु जनता लक कव्हासे, मि तुमरो लक खरो कव्हुसू, का जोन यहान उभो सेत उनमा लक कोनी कोनी असो से, का जबा तकन परमेस्वर को राज ताकत लक आयो नही चोव लेहेत, तबा तकन वय नही मरहेत।

लूका 21:27

तबा उ मानूस को टूरा मोठो ताकत न महिमा को, संग बादल म आवत चोहेत।

पेरीत 1:11

अना उनको लक कहिन, अरे! गलीली लोक गीन, तुमी कायलाई, उभा होयके बादर कन चोवासेव जोन यीसु तुमरो, जवर लक सरग मा उचलीयो गयोसे, अना वोला जसोच तुमीना, सरग ला जात चोयीसेव, वसोच रिती लक अखीन वापस लौटहेत।

1 थिस्सलुनीकियो 4:16

काहेकी पिरभू खुदच ललकार अना मुखिया सरगदुत ला हाकलके अखीन परमेस्वर की तुर्रा की आवाज को संग मा सरग लक उतरेत अखीन जोन मसीह मा मर गई सेत, वय पुड़ा जित्तो होयेती।

2 पतरस 1:16

जबा आम्ही तुम्हिला पिरभु यीसु मसीह को सामरथ को बारेमा, अना वोको आवनो को बारेमा सांगिसेजन। त वोला आम्ही हुसारी लक कल्पित काल्पनिक गोस्टी करन्यात कोसीस नाही करयो। पर वोना बेरा वोकी महानता स्वता आमरो डोरा मा चोविसेत।

परकासित वाक्य 1:7

चोवो, बदली को संग मसीह आवा से। हरेक डोरा वोला चोवयेत। उनमा वय भी सेत जोनना वोला छेदयो होतिन। दुनिया मा सबा लोकहुन वोको कारन रड़ेत। असोच होवनो पाहिजे। आमीन!