लूका 9:41 - सत मारग पर चलन वारो किताब

⁴¹ तबा यीसु ना जवाब दियो, ओ अबिस्वासी अना केड मानूस, मि कबा तकन तुमरो संग मा रहु? वोला यहान आनो।

लूका 9:41 ပူးပေါင်းရင်းမြစ်များ

मत्ती 11:28

ओ! सब मेहनत करन वारा, बोझा को खालया दबो लोकगीन, मोरो कठा आओ मि तुमला चैन देहू।

मत्ती 12:39

एको जवाब मा यीसु ना कहीस “एना जुग को बुरो अना दुस्ट लोकगीन च अचरज निसान चोवनो चाव्हासेत पर योना भविस्यवक्ता को अचरज निसान ला सोड़ून अखिन कोनी अचरज निसान उनला नही भेटेत।”

मत्ती 12:45

मंग वा लवटा सेत, अखिन अपरो संग सात भूत-पलित आनासेत। जोन वोको लक जादा बुरी होवा सेती। मंग वय सबअ आयके जुमला भयी के रव्हसेती अना वोना मानूस को दसा पयले लक लगत बूरो भयी जावा सेत।

मत्ती 16:4

यो दिवस को बूरो अना परमेस्वर ला नही माननवारा लोक मोला एक चिन्हानी मांगासेत मंग योना को चिन्हानी ला सोड़ उनला अना कोनी चिन्हानी नही दियो जाहे। ऐतरो सांगके उ उनला छोडके चली गयो।

मत्ती 17:17

तबा यीसु ना जवाब दियो अरे भिरस्ट हुयो आबिस्वासी लोकहुन मी कितरो बेरा तुम्हरो संग अखिन रव्हिन? वोला मोरो जवर आनो।

मत्ती 23:36

मी तुमी लक खरो कव्हसू, यो बात वोना बेरा को लोकगीन पर आहेत।

मत्ती 3:7

जबा योहन न लगत सा मोसे को नियम को सिक्सक अना सदुकि फरिसी इनला बप्तिस्मा लेवन काजी आपरो जवर आवत चोविस, ता उनलक कहीस “हे सरप को अवलाद, तुमीला कोनी ना हेत दिलाइसेस, का आवन वालो कोप लक बचो”

मरकुस 10:14

यीसु ना यो चोयके गुस्सा लक उनलक कहीस, लेकराइन ला मोरो जवर आवन देव अना उनला मना नोको करो। काहे का परमेस्वर को राज असोच लोकगीन को से।

मरकुस 10:49

यीसु रुकयो अना कहीस, “ओला बुलाव,” लोकइन ना ओला बुलाइन अना कहीन की “हिम्मत राख, उभो होय! उ तोला हाकलासे”

मरकुस 9:19

यो आयक के ओना जवाब देइस तुम्ही अबिस्वासी काहे बनयो सेव? मि कब लक तुमरो सहुँ? बिमार ला मोरो कठा आनो।

लूका 8:25

तबा वोना उनला कहीस, “कसो, तुमरो भरोसा कहांन से?” अना वय डराय गयो होतीन, अना चकित होय के कव्हन लगीन “उ कोन आय जोकी हुकूम पानी अना आँधड़ भी मान सेती।”

लूका 9:40

मि ना तोरो चेला गीन, लक बिनती करीसेव, का वोला हेड़ देव, पर कोनी नही हेड सकिन।

लूका 9:42

जसो टूरा समोर मा आयो, बुरो आतमा वोला धर के ना मरोड़ दियो, पर यीसु ना वोला डटकार के वोला परान को हुकूम दियो, उ टूरा साजरो भय गयो, अखीन वोला वोको बाबूजी ला सोप देइस।

योहन 14:9

यीसु ना ओला कहीस, हे फिलिप्पुस, मि एतरो दिवस तकन तुमरो जवर रहयो, अना का तु मोला नही जानासे? एको लाई जोन ना मोला चोय लियो ओना बाबूजी ला चोय लेइसेस। तु कायलाय कव्हसेत की बाबूजी ला हमला चोवाय?

योहन 20:27

तबा ओना थोमा लक कहीस, आपरी बोट इता आनके मोरो हात ला चोय। अना आपरो हात आनके मोरो छेद मा डाक। अना अबिस्वासी नोको पर बिस्वास करन वालो बन।

पेरीत 13:18

उ कोनी चालीस बरस तकन जंगल मा उनको सव्हतो रहयो,

पेरीत 2:40

पतरस न अखिन लगतसा गोस्टी को लक हुसियार करीस अना बिनती को संग उनलक कहीस, यो भिरस्ट खानदानी लक अपरो आप ला बचायके राखो।

रोमियो 2:4

मंग तू वोको मोठो दया अना धिरज लक सहन करनो ला हीन मानतत। अना तु यो गोस्टी को कन धियान नही देवा सेत। का वोको दया तोला पाप सोड़न को लाय मौका देवा सेत।

इब्रानियो 3:19

तो एकोलाय आमी चोवसेजन का अबिस्वास होवन को कारन लक वय धसनो नही पाइन।

इब्रानियो 4:11

एकोलाय, आमी भी वोना बिसराम को जघा मा धसनो काजी भीड़यो रव्हो। कहि असो ना होहे की वसोच हुकूम नही मानन को कारन, कोनी मानूस गडढा मा पड जाय।

इब्रानियो 4:2

काहेका अमीला उनको च जसो साजरो बारता आयकु आय गयो सेत। पर जोन साजरा बारता उनना आयकयो वोको कोनी फायदा नही भयो। काहेका आयकन वालो बिस्वास नही करयो।

इब्रानियो 7:25

योच कारन सेत का जोन लोक गीन यीसु लक परमेस्वर को सरन लेवासेत वा उनला पूरो रित लक बचावनो को ताकत राखासेत। काहेका उ उनको कन लक बिनती करन काजी हमेसा लक जित्तो सेत।