मंग यीसु उनला सिकावन लग्यो का “मानूस को टूरा” को लाय यो जरुरी सेत का उ लगत दुख उठाएत सयानो, मुखिया याजक, अना मोसे को नियम को गुरू लक नकारो जाय, अना मार डाको जाए। मंग तीन दिवस को मंघा जित्तो भय जाए।
काहेका उ केवल आपरो चेला गीन ला सिक्सा देवत अना कव्हत होतो। मानूस को टूरा मानूस गीन को हात धराय देहेत अना वोला मार दियो जाहेत, अना उ मरनको तीन दिवस मघा जित्तो भय जाहेत।
यीसु ना चेला गीन ला कहीस, मीना तुमरो संग रहतो बेरा कव्हयो होतो, की जो काही मोसे को नियम अना, भजन भविस्यवक्ता गिनको कीताब मा लिखयो, से सबा को पूरो होवना जरूरी से।
उन भविस्यवक्तागिन ना मसीह को आतमा लक यो जानकारी हासिल करीन। का यीसु मसीह पर कसो दुख आवन वालो सेत। अना उ महीमा जोन दुख उचलन को मंघा परगट होहेत उ कसो होहेत? अना यो गोस्टी दुनिया मा कब होहेत। अना तबयो दुनिया को काजक होहेत। यो सब जान कारी मसीह को आतमा उनमा परगट कर रहयो होतो।