लूका 8:10 - सत मारग पर चलन वारो किताब

¹⁰ “तुम ला परमेस्वर को राज को, छुपयो गोस्टी को समझाय दियो गयो से। पर परायो ला, उदाहरन लक आयकवायो जासे। एकोलाय का वय चोवकेना बिना चोवो जसो भयी जाय, अखीन आयकनो पर भी नही समजेत।”

लूका 8:10 ပူးပေါင်းရင်းမြစ်များ

मत्ती 11:25

वोच बेरा यीसु ना कव्हयो परमेस्वर बाबूजी सरग, अना धरती को पिरभु, मी तोरो धनवाद करासू, का तूना यो गोस्टी ला अक्कलवर अना समजदार लोकगीन लक, लूकाईसेस अना लेकरागिन पर परगट करयो से।

मत्ती 16:17

यीसु न वोला जवाब देईस, हे समौन, योहन को टूरा तु धन्य सेस, काहेका मानूस को मन की गोस्टी नाहत, पर मोरो दाअजी परमेस्वर ना जोन सरग मा से, येनो गोस्टी ला तोरो मन मा डाखी सेस।

मरकुस 4:11

ओना उन लक साँगीस, “तुमला ता परमेस्वर राज को भेद को लुकयो गोस्टी सांगयो गई से, पर बाहेर वालो ला नही, एको लाई हाना देके आयकायो जाहेत।”

मरकुस 4:12

एकोलाय का “वय डोरा लक चोवयेत पर, उनला सुझाई नही पड़हेत, अना वय आयकेत, पर समझ मा नही आहेत, कही असो ना भई जात का वय परमेस्वर को कन मुड़ जाहेत, अना परमेस्वर उनला छिमा कर देहेत।”

योहन 12:40

मोठो परमेस्वर ना उनको डोरा ला अँधरा कर देइस अना उनको अक्कल ला सटया देइस। परमेस्वर ना कव्हयो, कहीं असो न होहे की वय डोरा ला चोयेत, अना अक्कल लक समजेत। अना मोरो मंघा भय जाहेत। अना मि उन ला साजरो कर देहुँ।

रोमियो 16:25

वोना अमर परमेस्वर को स्तुति हो, जोन तुमी लोकगीन ला मोरो साजरा बारता अना यीसु मसीह को बारता को लक मजबूत राखन मा ताकतवर सेत। यो साजरो बारता वोना राज को सुरुवात से, जोन जुग-जुग लक लुको सेत।

1 कुरिन्थियो 12:11

यो सब काम एकच आतमा को लक होवासेत। अना आपरो मन को लक, यो सबा दान भेटासेत।

कुलुस्सियो 2:2

जोन लक उनको मन मा सान्ती होवे अना आपस मा एक दुसरो लक पिरेम मा बंधके बढ़ते जाय। अना वय समझ के पूरो पक्को रुप लक वो पूरो धन ला पा जाय जोन को फर परमेस्वर को भेद मजे मसीह ला चिन्हनो सेत।

1 तीमुथियुस 3:16

एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।