लूका 11:1 - सत मारग पर चलन वारो किताब

¹ यीसु कोनी जघा मा, पिराथना करत होतो। जबा पिराथना पूरो भयो, तो वोको चेला गीन मा, एक ना कव्हयो, पिरभू योहन गुरूजि ना, आपरो चेला गिनला, जसो पिराथना सिकाइसेस, वसोच अमीला पिराथना करनो सिकाव।

लूका 11:1 ပူးပေါင်းရင်းမြစ်များ

लूका 10:42

मरियम ना मोरो कठा, बसके संसार को सबा लक, साजरो हिस्सा निवाड़ो सेस, ऊ कभी नही सुड़ायो जाहेत।

लूका 11:2

वोना कव्हयो जबा तु पिराथना करने, तो असो कव्हने, हे, आमरो बाबूजी तोरो नाव पवीतर मानो जाहेत, तोरो राज आहेत।

लूका 6:12

यीसु वोना दिवस मा पहाड़ी मा पिराथना करन गयो, अना परमेस्वर लक पिराथना करनो मा पूरी रात बिताइस।

लूका 7:13

वोला चोवके यीसु पिरभू दया लक भर गयो, अखीन वोको लक काहीस, रड़स नोको

लूका 7:19

तबा योहन आपरो चेला मा लक दोन ला, यीसु पिरभू को कठा, यो पूसन ला धाड़िस, का आवनवालो तू च आस? का दुसरो सेत, हमि वोको बाट चोयबीन।

लूका 9:18

जबा उ एकांत मा, पिराथना कर रहयो होतो। अखीन चेला वोको संग मा होतीन। ता वोना उनको लक पुसीस, लोकगीन मोला का कव्हसे?

लूका 9:28

यो गोस्टी को हपता भर बाद मा, यीसु पतरस योहन अना याकूब ला, आपरो सगंमा, पहाड़ मा ले गयो। अना वहान परमेस्वर लक पिराथना करन लगीन।

इब्रानियो 5:7

यीसु आपरी देह मा रव्हत बेरा, हकल-हकल के अना आसू बोहा-बोहा के परमेस्वर लक पिराथना अना बिनती करीस, अना बिनती, भगती को कारन वोको आयको गई।

यहूदा 1:20

यो वय लोक सेत, जोन मा आतमा नाहती पर अगा चहेतो संगी, तुमी एक दुसरो ला आत्मिक रुप लक आपरो लगत पवितर भरोसा मा पिक्को करत रव्हो। पवितर आतमा को संगा पिरातना करने।