39 यीसु ना यो गोस्टी पवीतर आतमा को बारे मा साँगयो होतो, जेनला ओको पर भरोसा ठेवन वालो पावन वालो होतीन। काहे की पवीतर आतमा अबा तकन नही उतरयो होतो। काहे की यीसु आपरो महिमा अबा तकन नही भेटयो होतो।
चोवो! जोनको वादा मोरो बाबूजी ना कियो से, मी वोला तुमरो पर उतारीन, अखीन जब तकन सरग लक सक्ती नही भेटेत तुम्ही येरुसलेम-नगर मा रव्हने काहेका, जबा उ वरदान आहेत, तबा तुम्ही परमेस्वर को ताकत लक, भरपूर होय जाने।
यो काजी योहन कहीस, तुम्ही अपरो-आपरो मनमा काजक सोचसो, कही मी मसीह सेऊ? सच-मूच मा मी मसीह नही सेव। काहे का मि, तो तुम्ही ला पानी मा बप्तिस्मा देवासू, पर उ आवन वालो मसीहा, मोरो ले जादा ताकतवर से। मी वोको जूता को दोरी, खोलन को काबील नही सेव, उ तुम्हीला, पवीतर आतमा, अखीन स्तो लक बप्तिस्मा देहेत।
यो चोवके सबा डराय गईन, अउर वय, परमेस्वर को बड़ाई करके कव्हन लगीन, का हमारो बिच मा एक मोठयो भविस्यवक्ता आईसे, अखीन परमेस्वर आपरो लोक-बाग गीन पर किरपा करीसेस।
यीसु को चेलागीन यो गोस्टी नही समजयो होतीन, पर यीसु को महिमा मिलन को मंघा उनला हेत आयी, का यो वोको बारे मा लिखीसे अना लोक गीनना वोको संग असोच कियो होतो।
ता भी मि तुम्हि ला खरो सांगासू, का मोरो जावनो तुमरो लाय साजरो से, काहेकी अदी मि नही जाऊ तो उ सहायक तुमरो जवर नही आहेत, पर अदी मि जाउ तबा ओला तुमरो जवर धाड़ू।
परमेस्वर कव्होसे, का आखीर को दिवस मा असो होयेत का मी सबा मानूसगिन पर आपरो आतमा उबड़ा देहूँ, मग तुमरो टूरा अना टूरी भविस्यवानी सागेत। अना तुमरा जवान दरसन देखेत, अखीन तुमरा सायनो सपना देखेत।
परमेस्वर को उजो हात कन सब लक वरता पद पायके यीसु ना परम अजी को वादा को अनुसार पवितर आतमा पायके अना मग वोने यो आतमा ला आमरो पर उबडाय देईस जोनला तुमी अबा देखासेव अना आयकसेव।
पतरस न उनला कहीस, मन मुरकाओ, अना आपरो पापगिन की छिमा पावन लाई तुम मा लक हरेक ला यीसु मसीह को नाव लक बप्तिस्मा लेवनो पड़हेत। अना तुमला परमेस्वर को उपहार पवितर आतमा मिलहेत।
अबराहम इसहाक अना याकूब को परमेस्वर, आमरो आजा पुरखा परमेस्वर न आपरो दास यीसु ला अपरो महिमा देइसेस पर तुमीना वोला अधिकारी गीन ला सोप दियो अना तुमीना पेन्तुस-पीलातुस को पुढा नकार दियो जबकि पिलातुस न वोला छोड़ देनो को मनसा राखीयो होतीस।