योहन 6:42 - सत मारग पर चलन वारो किताब

⁴² अना उनको कव्हनो यो होतो, का यो यूसुफ को टूरा यीसु नहाती का, जोनको माय-अजी ला आमी जाना सेजन? ता उ कसो कव्हसे का, मि सरग लक आईसेऊ?

योहन 6:42 ပူးပေါင်းရင်းမြစ်များ

मरकुस 6:3

क उ बढ़ई को टूरा नहाय? जो मरियम लक पैदा भयो से अना जोन याकूब योसेस यहूदा अना सिमोन को भाऊ से। का ओकी बहिन गीन आमरो बीच मा नही सेत? लोकगीन ओको कारन लक ठोकर खाईन।

लूका 4:22

सब लोग गीन वोकी किरपा को बात आयक के चकीत भई गईन। अखीन आपस मा कव्हन लगीन। का यो सचमा यूसुफ को टूरा नहाय?

योहन 1:45

फिलिप्पुस नतनएल लक भेटयो अना वोको लक कव्हयो जेनको बारेमा भविस्यवक्ता मोसे ना, मोसे को नियम मा अना पवीतर भविस्यवक्ता गीनना पवीतर गिरंथ मा सांगिने, उ हमला मिल गयो से, उ यूसुफ को टूरा यीसु आय, जोन नासरत नगर मा रव्हासे।

योहन 3:13

कोनी सरग मा नही चघयो से, पर उ चघयो से जोन सरग मा लक खाल्या उतरयो से। मजे “मानूस को टूरा” जोन सरग मा से।

योहन 6:38

काहे का मि आपरी मरजी ला नही पर परमेस्वर की मरजी पूरी करनलाय सरग लक आईसेऊ।

योहन 6:43

यीसु उनला जवाब देसे, आपस मा नोको कुड़कुड़ाओ।

योहन 6:62

अदी तुमी मानूस को टूरा ला जिता उ पयले होतो, उता वरता जातो चोहो ता का होहे?

रोमियो 9:5

वय जाहीर हिबरू घराना को सेत। अना मसिहा भी उनको च घराना को से। परमेस्वर जोन सबा पर सासन करा सेत, वोको हरामेसा बड़ाई होवे!

1 कुरिन्थियो 15:47

पयलो मानूस धरती को से, दुसरो मानूस सरग को से।

गलातियो 4:4

पर बेरा पूरो भय जावन पर परमेस्वर ना मोसे को नियम लाई आपरो टूरा ला धाड़िसेस उ एक बायका लक पैदा भयो,