योहन 5:19 - सत मारग पर चलन वारो किताब

¹⁹ ऐना रिती यीसु ना उन लक साँगीस, मि तुमी लक खरो कव्हासेऊ, “टूरा खुदच काही नही कर सका, केवल परमेस्वर दाअजी जोन वोला करन ला कव्हासे, काहे का जोन काम ला दाअजी करासे, वसोच टूरा भी वोच रिती लक करासे।”

योहन 5:19 ပူးပေါင်းရင်းမြစ်များ

मत्ती 26:39

मँग उ जरासो, पयले जायके, टोन्ड को बल पड़यो अना असो पिराथना करन लगयो। “ओ मोरो परमेस्वर बाबू, अदी भय सकासे ता या दुखको बटकी मोरो पुढा लक टल जाय, पर जसो मि चाव्हुसू, वसो नही, पर तु जसो चाव्हसेस वसोच तोरो मरजी ला पूरी कर।”

लूका 21:15

काहेका मि तुमीला असो बोल अना अक्ल देहू, का तुमारो विरोध करनवालो, काप नही सकेत।

योहन 10:18

मोरो जिंदगानी कोनी मोरो लक नही हीसक सकासे। पर मि ओला आपच देवसेउ, मोला ओला देवनो को भी हक से अना ओला मंग लेवन को हक से। यो हुकूम मोरो बाबूजी लक मोला मिलिसे।

योहन 12:49

काहे की मिना आपरो कन लक गोस्टी नही करिसेऊ, पर बाबूजी जोनना मोला धाड़िसेस ओना मोला हुकूम देईसेस, मि काजक कहुँ, अना मि काजक सांगीन?

योहन 12:50

अना मि जानासेऊ का ओको हुकूम अमर जिंदगी से, एकोलाय मि जेना गोस्टी ला सांगासु, बाबूजी ना मोला जसो सांगीसेस, वसोच सांगासु।”

योहन 14:10

का तोला भरोसा नहात? का मि बाबूजी मा सेव अना बाबूजी मोरो मा से, यो गोस्टी जोन तुमी लक कव्हसु आपरो आपच लक नही कव्हसू पर बाबूजी जोन मोरो मा से, आपरो काम करासे।

योहन 2:19

यीसु ना उनलक जवाब मा कव्हासे, “यो मंदिर ला पाड़ देव, अना मी एला तीन दिवस मा उभो कर देहू।”

योहन 3:3

यीसु ना खरो जवाब देइस, ओला साँगीस, की अदी कोनी मानूस नवतो रीती लक जलम नही लेवासे, तो उ परमेस्वर को राज कभी नही चोय सकेत।

योहन 5:21

जसो की दाअजी मरयो हुयो ला जित्तो उचलासे, अना जिंदगी भी देसे। वसोच टूरा भी जेनला उ चाव्हासे ओला जित्तो कर देसे।

योहन 6:38

काहे का मि आपरी मरजी ला नही पर परमेस्वर की मरजी पूरी करनलाय सरग लक आईसेऊ।

योहन 8:28

तबा यीसु न कहीस जबा तुमी मानूस को टूरा वरता मा चघावने, तो जान लेवने की मि वाच आऊ। अना मि आपरो आप लक काही नही करासू। पर जसो मोरो परमेस्वर दाअजी ना सिकाईसेस वसोच गोस्टी कव्हसू।

योहन 9:4

जोन मोला धाडिसेस आमीला ओको काम दिवस मा करनो से अना उ रात आनो पर से, जोनमा कोनी काम नही कर सका।

पेरीत 2:24

पर परमेस्वर न वोला मिरतु को यो उन लक सोड़ाय लियो अना वोला मंग जित्तो करीस। अना मिरतु मा इतरो ताकत नाहोती का वोला बन्धन मा राखे।

रोमियो 6:4

मंग आमरो बपतिस्मा लक अमी वोको संग दफनायो गयो अना वोको मौत मा साझा करयो, असो परकार लक जसो मसीह को दआजी, को सानदार ताकत लक मरनो लक जित्तो भयो। वसोच अमिला भि नवा जिंदगी भेटेत।

रोमियो 8:11

जोन ना यीसु ला मरयो हुयो मा लक जित्तो करयो। अना वोको आतमा तुम लोकगीन मा रव्हअ सेत। वा च तुमरो नासवान देह ला भी जीत्तो करा देहेत।

1 कुरिन्थियो 15:12

अबा अदी मसीह को परचार करयो जासे का उ मरनवालो लक जित्तो भई से। तो तुमी मा लक काही असो काहे कव्हसेत, का मरो हुवो जी नही सका सेत।

2 कुरिन्थियो 4:14

आमी जानासेजन का परमेस्वर जेने पिरभु यीसु ला जित्तो करिसेत, वाच आमीला यीसु को हिस्सादार समझके जित्तो करयेत। अना आमीला तुमरो सँगा आपरो हाजरी मा ले जाहे।

2 कुरिन्थियो 5:10

काहेकी हमी सबच को मसीह को नियाव आसन को पुढ़ा हजीर रव्हनो जरुरी से का हर एक ला अपरो साजरो अना वाइट काम को दन्ड मिलेत जोन वोना देह लक करयो से।

इफिसियो 2:5

ओनो बेरा जबकि आमी आपरो पापहुन को काजी आमी आत्मिक रुप लक अबा मरया हुया होता ओना आमीला मसीह को संग-संग ओना हमला भी जिंदगी देईसेस, परमेस्वर को किरपा लक तुमरो सूटकारा भयीसे।

इफिसियो 3:16

मि पिराथना करुसेउ की उ आपरी महिमा को आपरो धन लक आपरी आतमा को कनलक तुमरो भीतरी मानुसपन ला ताकत रुप लक सक्ती देहे।

फिलिप्पियो 3:21

उ आपरी ताकत को असर लक जेनको लक उ सबच चीजगीन ला आपरो बस मा कर सकासे, आमरो दुखी तन सुखी तन को रूप बदल के, आपरो महिमा वालो तन जसो बनाय देहे।

फिलिप्पियो 4:13

जो मोला ताकत देवासे ओको लक मि सबच काही कर सकासेउ।

कुलुस्सियो 1:11

ओको बड़ाई को ताकत को जसो सबच परकार की ताकत लक ताकतवर होत जावने, यहान तकन की खुसहाली को सँग हर परकार लक धीरज अना सहनसीलता दिसाय सकोह,

कुलुस्सियो 1:16

काहेका वोच मा सबा चीजगीन बनायो गयो सेत, चाहे वा सरग को होहे अना भूई को, चोवयो, अना बिनो चोवन वारा, का सिघासन, का सरकार, का राजा को अधिकार, सबचीज वोकोच लक वोको लाय बनायो गयो सेत।

1 थिस्सलुनीकियो 4:14

हमी भरोसा करासेजन का यीसु मारयो गयो अना जितो भयो। एकोलाय परमेस्वर उनला भी जोन यीसु मा सोय गईसेत वोको संग मा आनहेत।

1 पतरस 3:18

एकोलाय मसीह ना भी जोन एक नेक मानूस होतो। एक च बेरात, पाप साठी दुख भोगयो। यासाठी क परमेस्वर कना अमी ला लेजाय। उ देह मा तो मारयो गयो, पर आत्मा मा, जित्तो भयो।

परकासित वाक्य 2:23

मि ओको महामारी लक वोको लेकरा गिनला मारुँह अना सप्पा कलीसिया ला मालूम भय जाहे का मन ला अखीन आतमा ला जाँचन वालो मि च सेव। अना मि तुमी मा लक हरेक ला ओको कामगीन को अनुसार फर देहबिन।