योहन 4:38 - सत मारग पर चलन वारो किताब

³⁸ मिना तुमला वा खेत कापन लाय धाड़िसेउ, जिनमा तुमी ना मेहनत नही करयत। दुजा ऐमा मेहनत करीसेत अना तुमला वोको मेहनत को फर मिलिसे।

योहन 4:38 ပူးပေါင်းရင်းမြစ်များ

मत्ती 4:23

यीसु सारो गलील मा हिंडत-हिंडत उनको पिराथना घर मा सिक्सा देवन लगयो होतो। अना राज को साजरो बारता को बारे मा सांगत होतो। अखीन लोक गीन की हर बीमारी, अना कमजोरी, ला साजरो करत होतो।

योहन 1:7

उ सच्चो उजाड़ो को बारे मा सबला गवाही देन आयेव होतो, का सब वोको गोस्टी ला मानके भरोसा करेत।

योहन 17:18

जसो तुना मोला जगत मा धाड़िसेस, वसो मिना मि उनला जगत मा धाड़िसेत।

योहन 4:37

काहे का यो हाना खरो बससे, एक से ता बोवासे अना दुजो से तो कापसे।

योहन 4:39

ता उ यहुदिया ला सोड़के मंग लवटके गलील ला चली गयो। ओनो बायको को गवाही ला जो यीसु ना ओको बारे मा सब काही कही होतीस यो गवाही ला आयक के ओनो नगर को लगत सो सामरीहुन ना यीसु मा भरोसा कर लेइन।

पेरीत 2:41

उनमा लक लगतसा लोकगिन ना ओको सन्देस ला आयक के बिस्वास करीन, उनला बपतिस्मा दियो गयो, असो परकार वोना दिवस उनको समूह मा, लगभग तीन हजार मानूस अखिन जूड़ गइन।

पेरीत 4:32

भरोसा करन वालो गीन को समुदाय एक चित अना एक मन होती, उनमा कोनी भी आपरी जायदाद ला आपरी नही मानासेत, जोन काही उनको जवर होतो वोमा सबको हिस्सा एक मा से।

पेरीत 4:4

पर जिनना उ संदेस ला आयकीन होतीन उन मा लक लगत लोकगीन वोको भरोसा करीन, अना उनको गिनती लग-भग लगभग पाँच हजार, तकन पुहुची होतीन।

पेरीत 5:14

पिरभू मा भरोसा करन वालो मानूस अना बायका लगत-लगत बड़त होतिन।

पेरीत 6:7

असो परमेस्वर को गोस्टी लगातार याजक गिनको एक मोठो समहु भरोसा मानन लगीन। अना येरुसलेम नगर मा चेला गीन की गिनती लगत बढगइ।

2 कुरिन्थियो 10:15

हमी सिव मेंढो लक बाहेर दुसरो की मेहनत पर घमंड नही करेत पर हमला आस से का जसो-जसो तुमरो भरोसा बड़तो जाहे वसो-वसो हमी अपरी सिव मेंढो को जसो तुमरो कारन अखीन भी बढता जाबीन