योहन 3:3 - सत मारग पर चलन वारो किताब

³ यीसु ना खरो जवाब देइस, ओला साँगीस, की अदी कोनी मानूस नवतो रीती लक जलम नही लेवासे, तो उ परमेस्वर को राज कभी नही चोय सकेत।

योहन 3:3 ပူးပေါင်းရင်းမြစ်များ

मत्ती 16:17

यीसु न वोला जवाब देईस, हे समौन, योहन को टूरा तु धन्य सेस, काहेका मानूस को मन की गोस्टी नाहत, पर मोरो दाअजी परमेस्वर ना जोन सरग मा से, येनो गोस्टी ला तोरो मन मा डाखी सेस।

मत्ती 19:24

मि मंग तुमला कव्हसू, का परमेस्वर को राज मा धनी लोक को धसनो लक सरल ऊट को सुई, को छेद लक बाहेर सरल हिटनो से।

मत्ती 21:31

एना दुही मा लक कोन ना बाप की मरजी ला पूरो करीस?” उनना कहिन “पयलो ना!” यीसु ना उन लक कहीस, “मि तुमला खरो कव्हसु की जमा लेवन वारा अना बेसिया गीन भी तुम लक पुड़ा परमेस्वर को राज मा भीतर धसेत।”

मत्ती 5:18

काहे की मि तुमरो लक खरो कव्हसु, का जबा तकन सरग अना धरती टल न जाहेति। तबा तकन मोसे को नियम लक एक मातरा एक बिन्दु भी, बिना पूरो हुये नही टलेत।

मरकुस 10:14

यीसु ना यो चोयके गुस्सा लक उनलक कहीस, लेकराइन ला मोरो जवर आवन देव अना उनला मना नोको करो। काहे का परमेस्वर को राज असोच लोकगीन को से।

मरकुस 9:47

अखीन अदी तोरो डोरा तोला पाप को कारन बनासे ता ओला हेड़ दे, भोकना भयके परमेस्वर को राज मा धसनो तोरो लाई साजरो से दुई डोरा धरके नरक मा जानो लक।

योहन 1:13

की जसो रकत लक मानूस जलम होवासे, ओनो पिरकार लक वय जलम नही लेईन तरी उनको अजी स्वता परमेस्वर से।

योहन 1:5

अखीन उजाड़ो इंधारो मा चमकासे अना इँधारो वोला नही अपनाय सकयेव।

योहन 1:51

मंग वोको लक सांग्यो मी तूमी लक खरो-खर सांगसू का, “तुमी सरग ला उघड़ो हुयो अना परमेस्वर को सरगदूत गिनला वरता जातो अना मानूस को टूरा ला खाल्या उतरतो चोवने।”

योहन 12:40

मोठो परमेस्वर ना उनको डोरा ला अँधरा कर देइस अना उनको अक्कल ला सटया देइस। परमेस्वर ना कव्हयो, कहीं असो न होहे की वय डोरा ला चोयेत, अना अक्कल लक समजेत। अना मोरो मंघा भय जाहेत। अना मि उन ला साजरो कर देहुँ।

योहन 3:4

नीकुदेमुस न ओको लक कहीस मानूस जब बुड़गा भय गयो, तबा उ कसो जलम ले सकासे? का वा आपरी माय को कोख लक दुसरो बार जलम लेहेत।

2 कुरिन्थियो 4:4

काहेका अबिस्वासी गीन को डिमाक ला यो दुनिया को दुस्ट देव ना अंधार मा ठेविसेत। उ वोना पर उजाड़ होवन काजी रोकसेत। जो साजरा बारता लक मसीह को बारे मा आवासे, यीसु मसीह जनमन परमेस्वर को रुप जसो सेत।

2 कुरिन्थियो 5:17

एको लाई अदी कोनी मसीह मा से त उ नवी संसार से जुनी गोस्टी बीत गई देखो नवी गोस्टी आया गई से।

गलातियो 6:15

कोनी को खतना भयो अना नही येको कोनी मानता नही से, मानता यो गोस्टी को से की आमी पूरो रुप लक नयो संसार बन जाबोन।

इफिसियो 2:1

एक बेरा होतो जब तुमी लोक उन गुनाह हुन अना पापहुन को काजी आत्मिक रुप लक मरया हुयो होता।

तीतुस 3:5

तबा ओना आमला बचायो अना यो आमरो निरदोस ठहरानो को लाई कोनी नेक काम को कारन नही हुयो, लेकिन ओको किरपा लक हुयो। ओना आमरो रक्सा करके आँग धोवावनो लक आमला दुबारा जलम देयीसेस। अना पवितर आतमा लक नयो बनायो जावासे।

याकूब 3:17

पर जोन अक्ल वरता लक आवासे उ पहेल त पवीतर होवासे मंग मेल-मिलाप नरम अखीन भला सुभाव अना दया सान्ती अखीन साजरो फर गीन लक लदी हुई अना पक्स-पात को बगर अखीन निस्कपट होवासे।

1 पतरस 1:3

धन्य से, आमरो पिरभू यीसु मसीह को परमेस्वर! जेना यीसु मसीह को मरयो हुयो मा लक जित्तो होवनो को कारन, अपरी मोठी दया लक, हमरो जीवित आस को लाई, नवतो रीती लक जलम देईसेस।

1 योहन 2:29

अदि तुमी यो जानासेव, की उ न्यायी से, ता यो भी जानासेव का जोन कोनी नेकी को काम करासे उ परमेस्वर लक जन्मो से।

1 योहन 3:9

जोन कोनी परमेस्वर लक पैदा लेई सेस, उ पाप नही करासे; काहेकि ओको सुभाव ओमा बनयो रव्हसे, अना उ पाप कर च नही सका काहेका परमेस्वर लक पैदा लेई सेस।

1 योहन 5:1

जोन को यो भरोसा से का यीसु च मसीह से, अना परमेस्वर को टूरा से। जोन दाअजी ला माया करासे उ ओको टूरा ला भी माया करासे।

1 योहन 5:18

आमी जानासेजन, का जोन कोनी परमेस्वर को टूरा बन गयी से भयी, उ पाप नही करत रव्हा पर परमेस्वर को टूरा, ओकी रक्सा करत रव्हसे। उ दुस्ट ओला छुय नही सकासे।

1 योहन 5:4

काहेका जोन कोनि परमेस्वर को टूरा बन जासे, उ जग पर जीत पावसे। अना जग को वरता आमला जोको लक जीत मिलासे, उ आमरो भरोसा से।

परकासित वाक्य 3:14

“लौदीकिया को कलीसिया को दूत ला लिख।” जो आमीन, बिस्वास लायक अना खरो गवाह से, अना परमेस्वर को संसार को मुख कारन सेत, उ यो कव्हसे,