योहन 2:11 - सत मारग पर चलन वारो किताब

¹¹ यीसु ना गलील को काना नगर मा आपरो यो पयलो निसान दिसाय के आपरी महिमा ला दिसाइस। अना ओको चेला ना वोको पर भरोसा ठेइन।

योहन 2:11 ပူးပေါင်းရင်းမြစ်များ

योहन 1:14

अना सबद देह मा आयो अना दया अखीन खराई लक आमरो बीच मा रहयो अना आमी ना उ परमेस्वर को टूरा को महिमा आपरो डोरा लक चोवयो सेजन।

योहन 1:17

एको लाय का मोसे को नियम ता मोसे ना दियो से। पर खराई अना दया यीसु मसीह सूटकारा देवन वालो लक धाड़ियो गयो से।

योहन 1:43

दुसरो दिवस यीसु ना गलील जानो को निरनय लेवो,। उ फिलिप्पुस लक भेटयो अना ओको लक कव्हयो “मोरो मंघ होय लेव।”

योहन 1:50

यीसु ना उनला जवाब दियो, “मीना जो तोरो लक कव्हयो का मिना तोला अँजीर को झाड़ को खाल्या चोवयो सेव का तू एकोलाय भरोसा राखासे? तू एको लक मोठो-मोठो काम चोवजोस।”

योहन 10:41

तबा लगत लोक ओको कठा आयके कव्हन लगीन, योहन ना तो कोनी निसान नही दिसाइस, पर जोन काही योहन ना येको बारे मा सांगी होतीस, उ सब खरो से।

योहन 11:15

अखीन मि खुस सेव का आमी उता नही होता, का तुमी भरोसा करहो। पर आव, आमी ओको कठा जाबिन।”

योहन 11:47

एतरो पर मुखिया याजक अना मोसे को नियम को गुरू ना मोठी सभा बुलाईन अना कहिन, हमि का करबीन, यो मानूस तो लगत निसान चोवायोसे?

योहन 12:18

एको लाई लगत लोक गीन यीसु को आवभगत करन लाई हिटीन। ओन्हीसीन आयकीन का यीसु ना यो निसान चोवाइसेस।

योहन 12:37

मंग यीसु ना उनको पुढ एतरो निसान चोवाइस, मंग उनना भरोसा नही करीन।

योहन 12:41

यसायाह ना यो सबच एको लाई साँगीस, की उनना यीसु की महिमा ला चोयी होतो, अना वोको बारे मा सांगीस

योहन 14:13

मि तुम्हि लोकगीन लक खरोखर कव्हसू-अना जोन काही तुम्हि मोरो नाव लक माँगने ता वा पूरो होहेत। जोनलक मोरो लक बाबूजी की महिमा होहे।

योहन 16:27

काहे की परमेस्वर तो खुदच तुम्हिला माया करासे। काहेका तुम्हिना मोरो लक माया करयो से, अना यो भी भरोसा करासेव की मि बाबूजी को कनलक आईसेऊ।

योहन 16:30

अता हमि जान गई सेजन की तु सबच काही जानासेस, अता जरूरत नहात, की कोनी तोरो लक काही पुसेत, एकोलाय अमी भरोसा करासेजन की तु परमेस्वर को कन लक आईसेस।

योहन 2:1

मंग परो को दिवस गलील छेतर को काना नगर मा कोनी को बिहाव होतो, अना यीसु की माय भी उता होती।

योहन 2:23

यीसु यरुसलेम नगर मा फसह को तिहार मा होतो, अना उ जोन निसान दिसावत होतो, ओला चोवके लोकगीन यीसु नाव पर भरोसा ठेइन।

योहन 3:2

वोना रात मा यीसु को जवर आयके वोको लक कहीस, “हे पिरभू तू परमेस्वर कन लक गुरू होयके आईसेस, काहे की जो निसान तु दिसावासेस, अदी परमेस्वर वोको संग नही सेत तो उ नही दिसा सकासे।”

योहन 4:3

तबा यीसु यहुदिया छेतर ला छोड़के मंग गलील छेतर ला चलो गयो।

योहन 4:46

यीसु मंग गलील छेतर को काना नगर मा आयो, जिता वोने पानी ला अंगूर को रस बनायी होतीस। उता एक करमचारी होतो, जोन कफरनहुम नगर को रव्होन वालो होतो, वोको टूरा बीमार होतो।

योहन 4:54

यो यीसु को दुसरो निसान होतो। जो वोने यहुदिया छेतर लक आयके गलील छेतर मा दिसाईस।

योहन 5:23

मनजे कोनी टुआ को मान करहेत वसोच दाअजी को मान करहेत। जोन टूरा को मान नही करासे, उ दाअजी को जोने वोला धाडीसेस, मान नही करासे।

योहन 6:14

यीसु को यो चमत्कार चोयके लोकहुन ना कहयो, “पिक्को मा यो भविस्यवक्ता से जोन संसार मा आवन वारो होतो।”

योहन 6:2

अना ओको मंघा एक मोठी भीड़ वोको मंघा भय गई, काहे का उनना रोगीहुन ला साजरो करन लाय अदभुत हिदान चोवायो होता।

योहन 6:26

यीसु उनला कव्हासे। खरो-खर तुमी मोला एकोलाय नही पुसासेव, की तुम्हिना अचंभा वालो निसान चोयोसेव, पर भाकर जेयके अघाइसो।

योहन 6:30

तब ओन्हीसीन कहिन, मंग तु कोनतो निसान दिसावासेस की आमी चोवके तोरो भरोसा पर करबिन।

योहन 7:31

मंग भीड़ मा लक लगत सा लोक ओको पर भरोसा कर लेईन। अना कव्हन लगीन, “मसीह जबा आहे तबा का येको लक लगत निसान करेत जोन एना चोवायीसेस।”

योहन 9:16

एतरो पर काही मोसे को नियम को गुरू कव्हन लगीन, यो मानूस परमेस्वर को कन लक नहात, काहेकि उ बिसराम दिवस को पालन नही करासे। ओतरो पर दुसरो ना कहीन, “कोनी पापी मानूस भला असो निसान कसो दिसाय सकासे?” असो परकार लक उनमा आपसी मा फूटफैर भय गई।

2 कुरिन्थियो 3:18

पर आमी सबा उघाडो तोन्ड लक पिरभू को तेज जसो आरसा मा चोवतो हुया पिरभू मजे आतमा लक आमी वोको तेजपन को रुप मा जरा-जरा करके बदलत जावासेत।

2 कुरिन्थियो 4:17

काहेकि आमरो जरासो देर को दुख आमरो लाई लगतच काम की अना अमर महिमा परगट करत जावसे,

2 कुरिन्थियो 4:6

परमेस्वर ना कव्हयो “अँधार मा उजाड भई जाहेत” जोन आमरो दिल मा उजाडो करासेत। ताकी अमीला यीसु मसीह को तोंड मा चमकत हुया परमेस्वर को महिमा को गियान भेटेत।

1 योहन 5:13

परमेस्वर को टूरा मा भरोसा राखन वालो, तुमला यो गोस्टी मी एकोलाई लिख रही सेऊ जेनको लक तुमी यो जान लेव का अमर जिंदगी तुमरो जवर से।