योहन 2:10 - सत मारग पर चलन वारो किताब

¹⁰ “हर कोनी मानूस पुढा निट-नाट अंगूर को रस देवासे, अना जबा लोकगीन को जिव भर जासे तबा फिको देवासे, पर तुना अबा लक निट-नाट अंगूर रस बचाय राखिसेस।”

योहन 2:10 ပူးပေါင်းရင်းမြစ်များ

मत्ती 24:49

अना आपरो संगी नौकर गिनला मारन लगे। अना बेवडा को संग जेवन अना पीवन लगे।

लूका 12:45

पर उ दास असो मन मा सोचन लगे, का मोरो मालीक ला आवन ला उसीर सेत, अना नौकर बनिहारिन ला मारन पीटन लगे, अना नसा बाजी एसो अराम करन लगेत।

लूका 16:25

तबा अबराहम ना वोला सांगिस, हेतकर मोरो लाल, तोरो जीवन मा कसो-कसो सुख मिलिसेस, अखीन लाजर को जीवन मा कितरो मोठो-मोठो दुख होतो, अबा वोला चैन मिलि सेस, अना तोला दुख।

पेरीत 2:15

एना लोक गिन नसा मा नाहती, जसो का तुमी मा लक कितरो लोक समजा सेव, अबा तो दिवस को 9 बजयो सेत।

1 कुरिन्थियो 11:21

काहेका हरेक मानूस सटाकनारी आपरो-आपरो जेवन करन ला बस जावा सेत। असो कोनी खाली पोट अना कोनी भरपेट जेवन करा सेत। अना कोनी लगत पी डाकसेत।

इफिसियो 5:18

दारू ला पीवके बोलनवारा ना होवने, काहेकि एको लक लुच्चाई होवासे, पर एको उलट आतमा लक भरजाव।

1 थिस्सलुनीकियो 5:7

काहेकि जोन सोवासेत वय रात मा सोवासेत अना जोन नसा मा रहवसेत वय रात मा नसा मा होवासेत।

परकासित वाक्य 17:2

“धरती को राजागिन वा नगर मा खोटो काम करीन। अना वोना छिनाला पन को कारन धरती को निवासी मत गयीन।”

परकासित वाक्य 17:6

मीना चोवयो, का वा बायका संतगीन अना उन मानूस गिनको रकत पीवके मता गयी सेती। जोनना यीसु को लाय आपरो बिस्वास को गवाहि को कारन आपरो जियान दे दियो। वोला चोवके मोला लगत अचरज भयी।