योहन 17:5 - सत मारग पर चलन वारो किताब

⁵ अता हे बाबूजी! तु आपरो सँग मोरी महिमा वा महीमा लक कर जोन जगत को पैदा होवन लक पुढा, मोरो तोरो सँग होतो।”

योहन 17:5 ပူးပေါင်းရင်းမြစ်များ

मत्ती 25:34

तबा मि आपरो उज्जो कन वालो लक कहुँ, ओ मोरो बाबूजी को धन्य साबास लोक आव वो राज को अधिकरि भय जावो, जोन सारो जग बनन को पहिले तुमरो लाइ, राजा ना तैय्यार कियो होतो।

योहन 1:18

कबच कोनी न परमेस्वर ला नही चोयोसेस, पर परमेस्वर को टूरा नाच परमेस्वर ला चोवयोसेस, काहेका जोन वोकोच कन लक आईसे, वोनाच परमेस्वर ला चोवायोसेस।

योहन 10:30

मी अना मोरो अजी दूई एकच सेजन।

योहन 14:9

यीसु ना ओला कहीस, हे फिलिप्पुस, मि एतरो दिवस तकन तुमरो जवर रहयो, अना का तु मोला नही जानासे? एको लाई जोन ना मोला चोय लियो ओना बाबूजी ला चोय लेइसेस। तु कायलाय कव्हसेत की बाबूजी ला हमला चोवाय?

योहन 17:1

यीसु ना यो गोस्टी कहीस, अना आपरो डोरा सरग कन उचलके कहीस, अगो बाबूजी! वा बेरा आय गयोसे, आपरो टूरा को बड़ाई कर, की टूरा भी तोरो बडाई करहे,

योहन 17:24

हे बाबूजी मी चाव्हुसु की जिनला तुना मोला देईसेस, जिता मि सेव, उता वय भी मोरो सँग होहेत। की वय मोरी महिमा ला चोहेत जोन तुना मोला देइसेस। काहे की जगत को पैदा होवन को पुढा तुना मोरो लक माया राखयोस।

योहन 3:13

कोनी सरग मा नही चघयो से, पर उ चघयो से जोन सरग मा लक खाल्या उतरयो से। मजे “मानूस को टूरा” जोन सरग मा से।

योहन 8:58

यीसु ना उनला कहीस, “मि तुमी लक खरो कव्हसु, की पुढा अबराहम पैदा भयो, एको लक पुढा मि सेउ।”

फिलिप्पियो 2:6

जेना परमेस्वर को खुदच रूप मा होयके भी, परमेस्वर को बरोबर होवन को आपरो बस मा राखन को चीज नही समझीस।

इब्रानियो 1:10

अना मंग, “हे पिरभु सुरुच मा तुचना धरती को पाया डाकिस, अना बादल तोरोच हात को बनायो से।”

इब्रानियो 1:3

उ ता टूरा परमेस्वर को गौरव को उजाड़ सेत। अना उ जनमन परमेस्वर जसोच सेत। अना सप्पा काही वोकोच सामरथ लक संभालासे। सर्वांना पाप पासुन मुक्त करायो अना असो करन को मंघा उ सरग मा महान गौरव लक परमेस्वर को उजो हातमा बस्यो।

1 पतरस 1:20

यो जगत को सुरूवात लक पयले च वोला बिच लियो गयो होतो। पर अबा एना आखीर जुग मा तुमरो लाई परगट भयोसेत।

1 पतरस 1:21

वोना मसीह को कारन तुमी वोना परमेस्वर पर बिस्वास करासेव। जोनना वोला मरयो हुयो मा लक जित्तो कर दियो। अना महिमा देईस, असो लक तुमरो बिस्वास अखिन आस परमेस्वर पर थम जाय।

1 योहन 1:2

ओनो च जीवन को गियान आमीला करायो गयो। आमिना ओला चोया सेजन। आमी ओको गवाही सेजन अना अबा आमी तुमी लोकहुन ला ओना च अमर जिंदगी को एलान कर रही सेजन जोन बाबूजी को संग होतो अना आमी जेनको गियान करायो गयो।

परकासित वाक्य 13:8

धरती को हरेक मानूस जोन को नाव मारयो गयो पाठी को जिंदगी को किताब मा नाहती। वय लोक वा जनावर को पूजा करयेत।

परकासित वाक्य 3:21

जोन लोक जीत हासिल करहेत। उनला मी आपरो सिहासन मा बसन को हक देहिन जसो मि जित गयो सेऊ। अना अबा आपरो दआजी कनलक आपरो सिहासन मा बसो सेऊ।