“अता जोनला बाबूजी ना चघावा ठयरायके जगत मा धाड़ीसेस, का तुमी एकोलाई ओला कव्हसो, तु परमेस्वर की निन्दा करासेस? एकोलाय मि ना कव्हयो, मि परमेस्वर को टूरा सेउ।
ऐतरो मा लोकहुन यीसु ला कव्हासेत, “तोरो अजी किता से?” यीसु ना कहीस, “तुमी नही जानासो, का मि कोन सेऊ? अना मोरो अजी ला भी नही जानासो, अदि तुमी जानतत, ता मोरो अजी ला भी जान लियो रव्हतत।”
होस मा आव! जसो नेक सेत, अना पाप करनो छोड़ देव। तुमरो लक काही मानूस सेत, जोन परमेस्वर को बारेमा काही नही जाना सेत। यो गोस्टी तुमीला लजान काजी सांगी सेऊ।
ता आमीला मुरत गीनको पुड़ा चघायो हुयो जेवन को बारेमा अमीला मालूम सेत, का मुरती दुनिया मा काही नाहती। अना एक परमेस्वर ला छोड़, कोनी दुसरो परमेस्वर नाहती।
लोक खुदच हमला सांग सेत का तुमरो कन हमरो कसो मान भाव भयो अखीन तुमी कोनो पिरकार देव-मुरती ला छोड़के परमेस्वर को कन फिरयो सेव जेनको लक तुमी खरो अना जित्तो परमेस्वर को सेवा मा बनीसेव।
परमेस्वर को ताकत अना वैभव मा अमिला भगती, जीवन साठी उ सप्पा जरुरी गोस्टी देइसेस। अना अमिला वोकोच गियान प्राप्त करन लाय साठी काबिल बनायो सेत। जोनना वैभव मा अना गौरव मा हमला बुलावले।
ओनो च जीवन को गियान आमीला करायो गयो। आमिना ओला चोया सेजन। आमी ओको गवाही सेजन अना अबा आमी तुमी लोकहुन ला ओना च अमर जिंदगी को एलान कर रही सेजन जोन बाबूजी को संग होतो अना आमी जेनको गियान करायो गयो।
जोन काही आमी ना दिसया अना आयको सेजन ओको खबर तुमला देसेजन, एकोलाय की तुमी भी आमरो संगा संगी सेजन, अना आमरो यो संगीपन बाबूजी को संगा अना ओको टूरा यीसु मसीह को संग से।
लेकिन आमी यो भी जानासेजन का परमेस्वर को टूरा आय गयो से अना ओना आमला उ गियान देइसेस, मनजे यो का आमी ओमाच रव्हसेजन, जोन खरो से, मोठयो परमेस्वर च खरो परमेस्वर से अना ओच अमर जिंदगी से।