योहन 17:25 - सत मारग पर चलन वारो किताब

²⁵ हे न्यायी बाबूजी जगत ना मोला नही जानिस पर मिना तोला जानीसेऊ, अना इनना भी जानिन का तुना मोला धाड़िसेस।

योहन 17:25 ပူးပေါင်းရင်းမြစ်များ

मत्ती 11:27

मोरो परमेस्वर बाबूजी मोला, सब काही भेटयो से, अना टूरा ला कोनी नही जानासे, बस परमेस्वर बाबूजी, अना परमेस्वर ला कोनी नही जानासे, बस टूरा! अना टूरा जोन पर परगट करवानो, चाव्हासे वा परमेस्वर लक भेट कर सकासे।

मत्ती 16:16

समौन पतरस न जवाब देईस, तु जित्तो परमेस्वर को टूरा मसीह आस।

लूका 10:22

मोरो बाबूजी न मोला सबा कछु सोप देईसेस। अना कोनी नही जानासे, का टूरा कोन आय? केवल बाबूजी, अना बाबूजी, कोन सेत, कोनी नही जानासे, केवल टूरा? अखीन जोन पर टूरा उजागर करनो चाव्हासे, वोको पर उजागर करासे।

योहन 1:18

कबच कोनी न परमेस्वर ला नही चोयोसेस, पर परमेस्वर को टूरा नाच परमेस्वर ला चोवयोसेस, काहेका जोन वोकोच कन लक आईसे, वोनाच परमेस्वर ला चोवायोसेस।

योहन 10:15

जसो बाबूजी मोला जानासे अना मि बाबूजी ला जानासु अना मि मेढा लाई आपरो जान देवासेउ।

योहन 15:21

पर यो सबच काही वय मोरो नाव को कारन तुमी लोक सँग करहेती। काहे की वय मोरो धाड़न वालो ला नही ओरखासेस।

योहन 16:27

काहे की परमेस्वर तो खुदच तुम्हिला माया करासे। काहेका तुम्हिना मोरो लक माया करयो से, अना यो भी भरोसा करासेव की मि बाबूजी को कनलक आईसेऊ।

योहन 16:3

असो वय एकोलाय करयेत, की उन बाबूजी ला नही जानासेत, अना मोला भी नही जानासेत।

योहन 16:30

अता हमि जान गई सेजन की तु सबच काही जानासेस, अता जरूरत नहात, की कोनी तोरो लक काही पुसेत, एकोलाय अमी भरोसा करासेजन की तु परमेस्वर को कन लक आईसेस।

योहन 17:11

मि दुनिया मा नही रहुँ, पर यो लोकगीन दुनिया मा रहेत, अना मि तोरी जवर आवासेऊ, हे पवीतर बाबूजी, आपरो उ नाव लक जोन तुना मोला देईसेस, उनकी रक्सा कर, वय आमरो जसो एक रहेत।

योहन 17:18

जसो तुना मोला जगत मा धाड़िसेस, वसो मिना मि उनला जगत मा धाड़िसेत।

योहन 17:21

की वय सबच एक होय जाहेत। जसो तु हे बाबूजी मोरो मा सेस, अना मि तोरो मा सेव, वसोच वय आमरो मा होहेत। जेना लक जगत भरोसा करहे की तुना मोला धाड़िसेस।

योहन 17:23

मि उन मा अना तु मोरो मा की वय सिध्द भयके एक जाहेत अना जगत जानहेत की तुना मोला धाडिसेस अना जसो तुना मोरो लक माया राखिसेस, वसोच उनलक भी माया राख।

योहन 17:3

अना अमर जिंदगी योसे की वय तोला एकच खरो परमेस्वर अना यीसु मसीह ला, जेनला तु ना धाड़ीसेस जानेत।

योहन 17:8

काहेकि जोन गोस्टी तुना देइसेस मिना उनला धाड़ीसेऊ, अना उनना ओनो गोस्टी ला भरोसा लक अपनाय लियो सेत अना खरो मा जान लेयीसेत, का मि तोरो मा लक हिटि सेऊ। ओन्हिसीन जान लियो सेत का तुना मोला धाड़ीसेस।

योहन 3:17

परमेस्वर ना आपरो टूरा ला दन्ड देवन ला नही, पर संसार ला सूटकारा देवन लाय धाड़ीसेस।

योहन 6:19

तबा वय डोंगा चलात-चलात सह किलोमीटर तकन निकल गईन। तबा उनना यीसु ला सागर पर चलता, अना नाव को कठा आवता चोयीन, तो डराय गईन।

योहन 7:29

मि ओला जानासू, काहेका मि ओको कन लक आयी सेऊ, अखीन ओने मोला धाड़िसेस।

योहन 8:19

ऐतरो मा लोकहुन यीसु ला कव्हासेत, “तोरो अजी किता से?” यीसु ना कहीस, “तुमी नही जानासो, का मि कोन सेऊ? अना मोरो अजी ला भी नही जानासो, अदि तुमी जानतत, ता मोरो अजी ला भी जान लियो रव्हतत।”

योहन 8:55

अना तुमी तो ओला नही जानो, पर मि ओला जानसेऊ, अना अदी मि कहुँ की ओला नही जानु तो मि तुमरो जसो झुठो ठहरू। पर मि ओला जानासेऊ, अना ओको सबद मा चलासेऊ।

पेरीत 17:23

जबा मी हिंडता-फिरता तुमरी उपासना को चीजगीन ला देख रही सेव, ता मोला एक होमनकुन्ड मिली जेनको पर यो लिख्यो से। “जोन ला आमी नही जानासेजन वा परमेस्वर काजी,” तुमी लोक उ परमेस्वर लक बेखबर सेव जेकी पुजा करासेव, “मी वोकी खबर तुमला आयकावसु।”

पेरीत 26:18

उनको डोरा उघाड़न, उनला इंधारो लक उजाड़ कन आनन लाय, अना सैतान को अधिकार लक परमेस्वर को कन मुरकान लाय, तोला धाड़ासेऊ। उनलक तोला बचावत रहिन। एकोलक वय उनला पाप की छिमा भेटेत। अखीन उन लोखगिन को बीचमा जघा पाहेती। “जोन मोरो मा बिस्वास को कारन पवितर भयो सेत।”

रोमियो 1:28

अना काहेका उनना परमेस्वर ला ओरखन लक मना कर देयिन। ता परमेस्वर ना उनला वसोच बेडिमाक रव्हन दियो। अना वय मन मरजी लक खोटो-खोटो काम करन लगयो। जोन करनो पायजे नाही।

रोमियो 3:11

कोनी अक्लवर नाहोति, जोन परमेस्वर को अराधना करतत।

रोमियो 3:26

पर परमेस्वर अबा को बेरामा पाप ला अनदेखयो नही करतत। पर उ पाप ला हटाय के आपरो धरमी पन दिसावा सेत। अना यीसु मा बिस्वास करन वालो ला साजरो राखा सेत।

1 कुरिन्थियो 1:21

काहेका जबा परमेस्वर को गियान को लक दुनिया, परमेस्वर ला नही जानिन, तबा परमेस्वर ला यो साजरा लगयो का परचार को मुरखता को लक, भरोसा करनवारा ला सूटकारा दे।

1 कुरिन्थियो 15:34

होस मा आव! जसो नेक सेत, अना पाप करनो छोड़ देव। तुमरो लक काही मानूस सेत, जोन परमेस्वर को बारेमा काही नही जाना सेत। यो गोस्टी तुमीला लजान काजी सांगी सेऊ।

2 कुरिन्थियो 4:4

काहेका अबिस्वासी गीन को डिमाक ला यो दुनिया को दुस्ट देव ना अंधार मा ठेविसेत। उ वोना पर उजाड़ होवन काजी रोकसेत। जो साजरा बारता लक मसीह को बारे मा आवासे, यीसु मसीह जनमन परमेस्वर को रुप जसो सेत।

2 थिस्सलुनीकियो 1:8

अना जोन परमेस्वर ला नही चिन्हसेत अना आमरो पिरभु यीसु को साजरो बारता ला नही मानासेत, उनलक बदला लेहे।

इब्रानियो 8:11

यो जरुरी नाहती का एक मानूस दुसरो ला सिक्सा देवे। मजे भाऊ एक दुजो ला सागेत “पिरभू को गियान ले लेव। काहेका लहान अना मोठो सबको सब ला मोरो बारे मा पता चल जाहेति।”

1 योहन 1:9

अदी आमी आपरो पाप ला मान लेबिन, ता उ आमरो पाप गीन ला छिमा करनो को लाई अना अमीला सप्पा अन्याय लक सुद्ध करन लाय भरोसा लायक अना न्यायी से।

परकासित वाक्य 13:8

धरती को हरेक मानूस जोन को नाव मारयो गयो पाठी को जिंदगी को किताब मा नाहती। वय लोक वा जनावर को पूजा करयेत।

परकासित वाक्य 16:5

तबा मिना सप्पा पानी को हकदार सरगदूत ला यो कव्हत हुयो आयकियो: “तुमी जो सेव, जो होतीन, धरमी अना सब लक पवीतर! बेस सेत तोरो न्याय!”