योहन 15:5 - सत मारग पर चलन वारो किताब

⁵ मि अंगूर बेला सेव, तुमी डार सेव, जोन मोरो मा बनो रव्हासे, अना मि ओमा, उ लगत फर फरासे, काहेकि तुम्हि मोरो लक बेगरो भयके, तुम्हि काही नही कर सको।

योहन 15:5 ပူးပေါင်းရင်းမြစ်များ

मत्ती 13:21

मंग यो उनमा गहराई लक नही धसन को कारन लगत उसीर तकन नही रव्हासेत एकोलाय जबा साजरा वारता को कारन मुसिबत आवासेत ता वय एकच बारमा हार मान लेवासेत।

योहन 12:24

मि तुमी लक खरो सांगासेउ जबा तकन गँहु को बीज माती मा पड़के मर नही जासे तबा तकन उ एकलो रव्होसे, पर अदी उ मर जावासे ता लगत फर देवासे।

योहन 15:16

तुम लोकगीन ना मोला नही निवाड़ो सेव पर मिना तुमला निवाड़ी सेव अना तुमला ठहराई सेउ की तुमी जायके फर आनो अना तुमरो फर बनो रहे। की तुम्हि मोरो नाव लक जोन काही बाबूजी लक माँगो, उ तुमला देहे।

योहन 5:19

ऐना रिती यीसु ना उन लक साँगीस, मि तुमी लक खरो कव्हासेऊ, “टूरा खुदच काही नही कर सका, केवल परमेस्वर दाअजी जोन वोला करन ला कव्हासे, काहे का जोन काम ला दाअजी करासे, वसोच टूरा भी वोच रिती लक करासे।”

योहन 9:33

अदी यो मानूस परमेस्वर को कन लक नही होतो, ता यो काही भी नही कर सकतो।”

पेरीत 4:12

अना कोनी दुसरो मानूस लक बचाव नाहती से, काहेकी पूरो संसार मा मानूसगिन, ला कोनी दुसरो नाव नही देई सेस, जेनको लक आमरो, सूटकारा होय सके।

रोमियो 12:5

वसोच अमी भी लगत सेजन। मंग मसीह मा एक देह सेजन। अना देह को आंग होवन को कारन एक दुसरो लक जुड़यो सेजन।

रोमियो 6:22

पर अबा पाप को कब्जा लक सूटकारा पायके अना परमेस्वर को दास बनके तुमला फर मिल्यो से, जेनको लक तूमी पवीतर भई जावासो। अना वोको अन्त अमर जीवन सेत।

रोमियो 7:4

अगो मोरो भाऊ हुन असोच मसीह को देह को लक तुमी कानून को लाय मर गयो सेव। एकोलाय अबा तुमी कोनी दुसरो लक नातो जोड़ सका सेव। वोको लकजोन मरयो हुया लक मंग जित्तो भयो सेत। जोन लक अमी परमेस्वर को लाय साजरो काम कर सकत।

1 कुरिन्थियो 10:16

संगती मा उ धन्य वाद को बटकी जोन पर आमी धनवाद करासेत, का मसीह को खून को हिस्सादार नही। उ भाकर जोन ला आमी तोड़के जेवेसेजन का उ मसिहा को देह को हिस्सादार नाहती।

1 कुरिन्थियो 12:12

मानूस को देहे एकच सेत। पर वोमा गजब आंग होवासेत अना सब मिलके एक देह बन जासेत। मसीह को बारे मा भी असोच सेत।

1 कुरिन्थियो 12:27

असोच तुमी सबा मिलके मसीह को देह आव अना अलग-अलग वोको आंँग सेव।

2 कुरिन्थियो 13:8

काहेका हमी खराई को बिरोध मा काही नही कर सकत पर सच को काजी कर सका सेजन।

2 कुरिन्थियो 9:10

अता जोन बोनी करन वारा ला बीज अना जेवन को लाय पोडी देवसेत। उ तुमला बीज देहेत अना वोको मा फर आनहेत अना तुमरो धरम को फरला बढाहेत।

गलातियो 5:22

पर पवीतर आतमा को फर माया, उत्साह, सान्ती, धीरज, दयालुपन, भलाई अना भरोसा सेत।

इफिसियो 5:9

काहेकि उजियाड़ो को फर सब परकार को भलो काम अना धरमिपन अना सत्य से।

फिलिप्पियो 1:11

ओना धरमिपन को फर लक जोन यीसु मसीह को कन लक होवासेत, भरपुर होवत जावो जोको काजी परमेस्वर को महिमा अना बड़ाई होवती रह।

फिलिप्पियो 4:13

जो मोला ताकत देवासे ओको लक मि सबच काही कर सकासेउ।

फिलिप्पियो 4:17

यो गोस्टी नोहोय की मि धन चाव्हसेउ, पर असो फर चाव्हसेउ जोन तुमरो लाभ को लाई बड़तो जाये।

कुलुस्सियो 1:10

तब जब तुमी पिरभू को रुप मा जिंदगी बितान काबिल होवजोस अना हमेसा आपरो चाल चलन लक वोला खुस करजोस ता तुमरो जिंदगी मा सबा परकार को साजरो करम पैदा करबिन, अना तुमी परमेस्वर को गियान मा बढ़बिन।

कुलुस्सियो 1:6

साजरा बारता आसीरवाद आनासेत। अना पूरो दुनिया मा फर-फुल रहयो से। जसो का तुमीना पयलो बार परमेस्वर को किरपा को बारे मा आयकयासेव। अना खरो खर यो पता चलयो होतो।

याकूब 1:17

हरेक साजरो अना भरयो पुरयो दान-वरदान वरता लक भेटासेत। अना वय उजाड़ को मोठयो दआजी कन लक जेने सरग को उजाड़ ला जलम दियोसेस, खाल्या आनीयो जासे। जोनमा कोनी फेरबदल नाहती।

1 पतरस 2:4

यीसु मसीह को जवर आव। उ जित्तो गोटा से। वोला संसारी मानूस गीन न नकार दियो होतो। पर जोन परमेस्वर को लाय लगत किमती से। अना वा परमेस्वर लक बेचयो हुया सेत।

2 पतरस 3:18

तुमी लोक आमरो पिरभु अना तारनहार यीसु मसिहा, को किरपा अना गियान मा बड़त रव्हो, वोको अता अना अमर काल तकन वोको गौरव होवत रव्हे। आमेन।