योहन 14:26 - सत मारग पर चलन वारो किताब

²⁶ पर जबा उ सहायक मजे पवीतर आतमा आहेत, जोनला बाबूजी मोरो नाव लक धाडे़त, उ तुम लोकगीन ला सबच गोस्टी सिखाहे। अना सब काही हेत कराहे, जोनला मिना कहीसेउ।

योहन 14:26 ပူးပေါင်းရင်းမြစ်များ

मत्ती 1:18

यीसु मसीह को जलम असो भयो। जबा वोकी माय मरियम की पक्की, युसुफ को संग भई। तबा उनको मिलन को पूढा, वा पवीतर आतमा कन लक, पोट ले भई गई।

मत्ती 1:20

जबा उ असो बिचारत होतो, तबच सपना मा पिरभु को सरगदूत आयो, अना वोला कव्हन लग्यो “अगा युसुफ! दाऊद को टूरा, नोको डराय, तु आपरी बायको मरियम संग लगन कर, काहेका वोको पोट मा जोन लेकरा सेत, उ परमेस्वर को पवितर आतमा कन लक सेत।

मत्ती 28:19

यो काजी तुमी जाओ, अना सब गैर यहुदी लोक गीन ला चेला बनाओ। अना उनला, परमेस्वर बाबूजी अना टूरा यीसु मसीह, अना पवीतर आतमा को नाव लक, पानी मा बप्तिस्मा देवो।

मत्ती 3:11

मि ता तुमी ला पानी लक “पाप लक मन हटाव को बप्तिस्मा देवासेउ, पर जोन मोरो मंघा आवन वालो से, उ मोरो लक ताकतवर से, मि ओको सेन्डिल उचलन को लाईक नही सेऊ। उ तुमला पवीतर आतमा अना स्तो लक बप्तिस्मा देहे।

मरकुस 12:36

दाऊद ना खुदच पवीतर आतमा मा होयके कहिसेस, पिरभु ना मोरो पिरभु ला कव्हासे, मोरो उज्जो बस जबा तकन मि तोरो जरन वालो बैरी ला तोरो पाय को पीढो नोको कर देहुँ।

मरकुस 13:11

जबा वय तुमला ले जायके कचहरी मा सोपेत, ता पयले लक चिन्ता नोको करने की आमी काजक कव्हबिन पर जोन काही तुमला ओना बेरा सांगोसे वोच कव्हने। काहेकि बोलन वारा तुमी नही सेव, पर पवीतर आतमा से।

लूका 1:15

काहे का उ पिरभु को पुढ़ा, मा महान होयेत। अखीन अंगूर को रस, अर दारु, कभी नही पिहेत। अखीन उ आपरो माय को पोट लक, पवीतर आतमा लक भरो होयेत।

लूका 1:35

सरगदूत ना वोला साँगिस, पवीतर आतमा को ताकत तोरो पर आहेत, अखीन मोठो परमेस्वर तोरी, रक्सा करहे। एको लाई उ पवीतर, जो जनम लेवन-वालो से, परमेस्वर को टूरा कहलाहे।

लूका 1:41

जेंधावर एलीसीबा ना, मरियम को नमस्कार आयकिस, तसोच, वोको लेकरा पोट मा उचलो, अना उ पवीतर आतमा लक भर गई।

लूका 1:67

योहन को दादजी जकरयाह, पवीतर आतमा लक भर गयो। अखीन असो कव्हत, आवन वारो गोस्टी साँगन लग्यो।

लूका 11:13

अता जबा तुम्ही बुरो होयके, आपरो लेकरा बारो-ला, साजरो चीज देवनो जानासो, तो सरग को बाबूजी, परमेस्वर आपरो मांगन वालो ला, पवीतर आतमा काहे नही देहेत।

लूका 2:25

ओना बेरा येरुसलेम नगर मा, सिमोन नाव को, एक नेक मानूस रव्हत होतो। उ इसरायल को सान्ती को बाट चोवत होतो। पवीतर आतमा ओको पर होतो।

लूका 24:49

चोवो! जोनको वादा मोरो बाबूजी ना कियो से, मी वोला तुमरो पर उतारीन, अखीन जब तकन सरग लक सक्ती नही भेटेत तुम्ही येरुसलेम-नगर मा रव्हने काहेका, जबा उ वरदान आहेत, तबा तुम्ही परमेस्वर को ताकत लक, भरपूर होय जाने।

लूका 3:22

अखीन परेवा को देह जसो, पवीतर आतमा वोको पर उतर गयो, अखीन सरग लक यो आवाज आयो, तू मोरो चहेतो टूरा आस, मी तोरो लक गजब खुसी सेव।

योहन 1:33

अना मी ता वोला चिन्हत नही होतो। पर जोन परमेस्वर ना मोला पानी लक बप्तिस्मा देवन लाय धाड़िसेस, वोना मोला सांगीस, का तुमी जोको वरता आतमा ला उतरतो अना रुकतो चोवजोस वोच पवितर आतमा लक बप्तिस्मा देवनवारा से।

योहन 12:16

यीसु को चेलागीन यो गोस्टी नही समजयो होतीन, पर यीसु को महिमा मिलन को मंघा उनला हेत आयी, का यो वोको बारे मा लिखीसे अना लोक गीनना वोको संग असोच कियो होतो।

योहन 14:16

मि बाबूजी लक बिनती करुहुँ अना उ तुमला एक अखीन सहारा देहे की उ सदा तुमरो सँग रहे

योहन 14:25

यो गोस्टी मिना तुमरो सँग रहतो बखत कव्हसू।

योहन 15:26

पर जबा उ सहायक आहे मजे खराई को आतमा जेनला मि तुमरो जवर बाबूजी को कन लक धाड़हु मजे सत को आतमा, जोन अजी को कनलक हीटासेत वो मोरो गवाही देहेत।

योहन 16:7

ता भी मि तुम्हि ला खरो सांगासू, का मोरो जावनो तुमरो लाय साजरो से, काहेकी अदी मि नही जाऊ तो उ सहायक तुमरो जवर नही आहेत, पर अदी मि जाउ तबा ओला तुमरो जवर धाड़ू।

योहन 2:22

अना जबा उ मरो मा लक जित्तो भयो, तबा ओको चेला गीनला हेत आई, का वोने उनलक यो कव्हयो होतो, अना उनना परमेस्वर को पवितर गिरंथ अना उ परमेस्वर की गोस्टी पर, जोन यीसु ना साँगयो होतो भरोसा राखीन।

योहन 20:22

यो साँगके ओना उन पर फुकिस। अना उन लक कहीस, “पवीतर आतमा लेव।

योहन 6:45

भविस्यवक्ता गीनको लेख मा यो लिखयो से। वय सब परमेस्वर को कन लक सिकायो होयेति। जोन कोनी ना दाअजी लक आयकिया अना सिकाया होयेत, उ मोर कठा आहेति।

योहन 7:39

यीसु ना यो गोस्टी पवीतर आतमा को बारे मा साँगयो होतो, जेनला ओको पर भरोसा ठेवन वालो पावन वालो होतीन। काहे की पवीतर आतमा अबा तकन नही उतरयो होतो। काहे की यीसु आपरो महिमा अबा तकन नही भेटयो होतो।

पेरीत 1:2

वोना दिवस तकन पवितर आतमा लक आपरो बेचयो गयो चेला गिनला हुकूम दियो जोन दिवस लक उ सरग नही उचल लियो गयो।

पेरीत 1:4

मग जबा वय यीसु को संग जमा होतिन, “ता ओना उनला हुकूम देईस।” येरुसलेम नगर नोको तजजोस, बल्की जोन पवितर आतमा भेटन को बारे मा तुमीना मोरो लक आयकिसेव, बाबूजी को ओनो वायदा को पुरो होवन को रास्ता ताको।

पेरीत 1:8

पर जबा पवीतर आतमा तुमी पर आहे तबा तुमी ताकत पावने, अना येरुसलेम, सप्पा यहुदिया अना सामरिया मा, यहान तकन का धरती को छोर तकन तुमी मोरो गवाह ठहरने।”

पेरीत 11:16

तबा मोला पिरभू को उ गोस्टी आयकू आयो जोन वोना कही होतीस। योहन ना ता पानी लक बप्तिस्मा देयो होतो, पर तुमी पवीतर आतमा लक बप्तिस्मा पाहो।

पेरीत 13:2

जबा वय उपवास अना पिरभू की उपासना कर रहेयो होतो, ता पवीतर आतमा न कहीस “मोरो लाई बरनबास अना साऊल ला वोनो काम लाई अलग करो जेनको लाई मीना उनला हाकली सेऊ।”

पेरीत 13:4

अना पवीतर आतमा लक धाडके उ सिलूकिया गयो अना वहान लक जहाज लक साइप्रस गईन।

पेरीत 15:28

काहेकि पवीतर आतमा अना हमला यो ठीक जान पडयो की ऐना जरुरी गोस्टी ला छोड़ तुमी पर अना कोनी बोझ न डाके।

पेरीत 15:8

अना दिल की गोस्टी को जानकार परमेस्वर ना आमरो च जसो उनला भी पवीतर आतमा देयके उनको पक्स ला पिक्को करीसेस।

पेरीत 16:6

वय फ्रुगिया अखीन गलातिया परदेस मा लक होयके हिटीन, काहेकी पवीतर आतमा न उनला आसिया मा साजरो बारता आयकावनो लक मना कर देयि होतो।

पेरीत 2:33

परमेस्वर को उजो हात कन सब लक वरता पद पायके यीसु ना परम अजी को वादा को अनुसार पवितर आतमा पायके अना मग वोने यो आतमा ला आमरो पर उबडाय देईस जोनला तुमी अबा देखासेव अना आयकसेव।

पेरीत 2:4

अना वय सबच पवीतर आतमा लक भर गईन अना जेनो तरह लक आतमा, न उनला बोलन की ताकत देईस ता वय अलग-अलग बोली बोलन लगीन।

पेरीत 20:28

एकोलाय अपरी, अना पूरो हेड की चोकसी करो, जिनमा पवीतर आतमा न तुमला कलिसीया को मुखिया ठायराइसेस। जोनलक तुमी परमेस्वर की कलीसिया की देख-रेख करो, जेनला वोना अपरो खून लक मोल लेई सेस।

पेरीत 20:35

मी न आपरो हरेक काम लक बतलायो। का महेनत करतो हुयो कमजोर गीन ला सम्भालनो। अना पिरभू यीसु को बचन ला हेत राखनो जरुरी सेत जसो वोना खुदच कहिसेत “लेवनो लक देवनो धन्य से।”

पेरीत 28:25

मंग वय अपसी मा एक दुसरो बेगरो मन होयके वहाँ लक जवान लगीन। तबा पौलुस न यो गोस्टी अखिन सांगयो, यसायाह भविस्यवक्ता को कन लक तुमरो पुरखा गीन लक खरो कहीस का।

पेरीत 5:3

ऐको पर पतरस न कहीस, अरे हनन्याह; सैतान ला तुना आपरो मनमा यो गोस्टी कायलाई डाखन दियो? का तुना पवितर आतमा लक खोटो सांगे, अना बोकी जमीन को रकम लक काही बचाय के राख लियो।

पेरीत 7:51

अना स्तिफनुस अवर कव्हसे, तुमी कितरो हटिलो लोक सेव, तुम आपरो दिल लक परमेस्वर को हुकूम नही मानसो, अना आयको भी नही। तुमी आपरो पुरखागिन को जसो तमिना हरामेसा पवितर आतमा को बिरोध कियो सेत।

पेरीत 7:55

पर पवीतर आतमा लक पूरो भरके स्तिफनुस सरग कन चोवत रहयो, वोना चोवयो का परमेस्वर की महिमा ला अना परमेस्वर को उजो कन उभो यीसु ला।

रोमियो 14:17

काहेका परमेस्वर को राज खावन-पिवन लाय नही, पर उ न्याय सान्ती अना खुसि को बारे मा सेत। जो पवीतर आतमा लक भेटा सेत।

रोमियो 15:13

अबा आस को परमेस्वर, तुमला भरोसा करन मा पूरो खुसि अना सान्ती लक भरदे। जेनको लक पवीतर आतमा को ताकत लक तुमरो आसा बढत जाय।

रोमियो 15:16

का मी गैरयहुदी गिनको लाय यीसु मसीह को दास बनू, अना परमेस्वर को साजरो बारता को सेवा याजक को जसो करू, का गैरयहुदी रुपी मोरि भेंट पवीतर आतमा लक पवीतर होयके चढ़ायो जाय।

रोमियो 5:5

अना आस अमिला निरास नहीं होन देवा सेत। काहेका पवितर आतमा कन लका जोन अमिला दियो गयो सेत। परमेस्वर को पिरेम आमरो हिरदय मा, उबड़ायो गयो सेत।

1 कुरिन्थियो 12:3

एकोलाय मी तुमी लोकगीन ला सांगा सेऊ का कोनी मानूस परमेस्वर को आतमा लक असो नही कव्ह सका सेत, का यीसु सिरापित सेत। अना कोनी मानूस पवीतर आतमा को बिना असो नही कव्ह सका सेत, का “यीसु च पिरभू सेत।”

1 कुरिन्थियो 6:19

का तुमिला मालुम नही सेत? का तुम लक हरेक को देह पवीतर आतमा को मंदिर सेत। जोन तुममा सेत, अना वा तुमिला परमेस्वर लक भेटयो सेत। तुमी आपरो नही सेव।

2 कुरिन्थियो 13:14

पिरभू यीसु मसीह को किरपा अना परमेस्वर को पिरेम अना पवीतर आतमा को संगति तुम सक्कडया लोक को सग होत्यो रव्हे आमीन!

2 कुरिन्थियो 6:6

पवीतर लक अक्ल लक धीरज लक किरपा लक पवीतर आतमा लक। सच्चो पिरेम लक

इफिसियो 1:13

जबा तुमना ओनो सत्य को खबर ला आयकियात जो तुमरो मोक्स को साजरो बारता होतो, अना जेने मसीह पर तुमना बिस्वास करिया होता, ता जेने पवितर आतमा को बचन दियो होतो, मसीह को जरीया लक ओको छाप परमेस्वर को कन लक तुमी लोकहून पर लगायी गयी होती।

इफिसियो 1:17

मि पिराथना कियो करुसेउ की हमरो पिरभु यीसु मसीह को परमेस्वर तुमला विवेक अना दैवीय दरसन की असी आतमा को ताकत देवासे जेकोलक तुमी ओनो महिमा वान मोठो बाबूजी ला जान सको।

इफिसियो 4:30

परमेस्वर की पवीतर आतमा ला दुखाने नोको, कहेका परमेस्वर को धन को रुप मा जोको लक तुमी पर सूटकारा को दिवस को साठी आतमा को संगा छाप लगय दियो गईसे।

1 थिस्सलुनीकियो 4:8

एको कारन जसो जोन एला बेकार जानासे, उ मानूस ला नही पर परमेस्वर ला बेकार जानासे, जोन तुमला अपरी पवीतर आतमा देवासे।

2 तीमुथियुस 1:14

अना पवीतर आतमा को कन लक जोन अमी मा बसीयो हुयोसे एना साजरी पुंजी की देख-रेख कर।

तीतुस 3:5

तबा ओना आमला बचायो अना यो आमरो निरदोस ठहरानो को लाई कोनी नेक काम को कारन नही हुयो, लेकिन ओको किरपा लक हुयो। ओना आमरो रक्सा करके आँग धोवावनो लक आमला दुबारा जलम देयीसेस। अना पवितर आतमा लक नयो बनायो जावासे।

इब्रानियो 10:15

एको बारेमा पवीतर आतमा को गवाही आमरो कठा सेत काहेका पवीतर गिरथ मा पिरभू असो कव्हसेत

इब्रानियो 2:4

वोच बेरा परमेस्वर ना सप्पा परकार को चिमत्कार अना अद्भुत गोस्टी करयो, अना पवितर आतमा भेटी वोको इक्सा अनुसार बाटयो। उ ना वोकी गवाही ला बड़ायो।

इब्रानियो 3:7

एकोलाय जसो पवीतर आतमा कव्हसेत अदी आज तुम वोको हाकलनो आयको

इब्रानियो 9:8

एकोलक पवीतर आतमा, तम्बु मा यो दिसानो चाव्हसेत, का जबा तकन वोको पुड़ा पवीतर जघा उभो सेत। तब तकन दुसरो खोली को रस्ता बंद सेत।

1 पतरस 1:12

का वय इन गोस्टी ला, आपरो लाय नही, पर वय तुमरो बारेमा सागत होतिन। जेनको खबर तुमला उन लोकगिन को लक मिलयो। उ गोस्टी सरग को कन लक भेजयो गयो। पवितर आतमा को उकसायो जावनो पर तुमिला आयकवायो गयो सेत। अना इन गोस्टी ला चोवनलाय सरगदूत गिन भी मनसा राखत होतिन।

2 पतरस 1:21

कारन कोनती च भविस्यवानी मानूस को इक्सा अनुसार नाही करयो सेत। परंतु पवितर आतमा लक पेरीत होवके परमेस्वर को कन लक बोलत होतिन।

1 योहन 2:20

पर तुमरो ता ओना पवीतर लक अभिसेक हुयो से। एकोलाई तुमी सब सत्य ला जानासेव।

1 योहन 2:27

पर तुमरो उ अभिसेक जोन ओको कन लक करयो गयो, तुमी मा बनयो रव्हसे; अना तुमला ऐको मकसद नही का कोनी तुमला सिखाहे वरन जसो उ अभिसेक जोन ओको कन लक करयो गयो तुमला सबच गोस्टी सिकावासे, अना यो खरो से अना खोटो नहाती; अना जसो ओना तुमला सिकायो से वसोच तुमी ओमा बनयो रव्हसो।

1 योहन 5:7

ओको तीन गवाह सेत।

यहूदा 1:20

यो वय लोक सेत, जोन मा आतमा नाहती पर अगा चहेतो संगी, तुमी एक दुसरो ला आत्मिक रुप लक आपरो लगत पवितर भरोसा मा पिक्को करत रव्हो। पवितर आतमा को संगा पिरातना करने।

परकासित वाक्य 2:11

“जोन आयक सका सेत वा आयके आतमा कलीसिया लक काजक कव्हसेत? जोनला जीत मिल्हेत वोला दुबारा मरन को हान नही होयेत।