योहन 1:34 - सत मारग पर चलन वारो किताब

³⁴ अखीन मीना चोवयो अना मि सांगुसू, का योच परमेस्वर को टूरा आय।

योहन 1:34 ပူးပေါင်းရင်းမြစ်များ

मत्ती 11:27

मोरो परमेस्वर बाबूजी मोला, सब काही भेटयो से, अना टूरा ला कोनी नही जानासे, बस परमेस्वर बाबूजी, अना परमेस्वर ला कोनी नही जानासे, बस टूरा! अना टूरा जोन पर परगट करवानो, चाव्हासे वा परमेस्वर लक भेट कर सकासे।

मत्ती 16:16

समौन पतरस न जवाब देईस, तु जित्तो परमेस्वर को टूरा मसीह आस।

मत्ती 17:5

जबा उ असो कव्हच रहयो होतो, तबा एक पाँढरो, बादर न उनला ढाक लियो, अना उ बादल लक एक आवाज आयी यो मोरो एकच चहेतो, टूरा से, जेनको लक मी गजब खुसी सेव “एकी आयको!”

मत्ती 26:63

पर यीसु उगो-मुगो रहयो। मुखिया पुजारी ना ओको लक कहीस, “मि तोला जित्तो परमेस्वर की किरया देवासू, की अदी तु परमेस्वर को टूरा मसीह सेस, ता आमी ला कव्ह दे।”

मत्ती 27:40

यो कव्हत होतीन, यो मंदिर ला गीरावन वारा, अना तीन दिवस मा, मंग बनान वालो, यदि तु परमेस्वर को टूरा आस, तो आपरो आप ला बचा। अना, कूरूस लक खाल्या आव।

मत्ती 27:43

यो परमेस्वर पर बिस्वास राखासेत। यदि सचमा परमेस्वर एको लक खुस सेत तो अबा एको बचाव कर लेहत। काहेका यो ना साग्यो होतो, का मी परमेस्वर को टूरा सेव।”

मत्ती 27:54

सेना को मुखिया, अना पहरादार, सैनीक गीन भुईडोल अना, यो सब गोस्टी चोयके गजब डराय गइन। अना बोलन लगीन, खरो खर पक्को मा यीसु च परमेस्वर को टूरा आय।

मत्ती 3:17

अना सरग लक आवाज आयकु आई “यो मोरो चहेतो टूरा से, जेना लक मि सब लक ज्यादा खुस सेव।”

मत्ती 4:3

तबा परखन वालो ना ओको जवर आयके कहीस “अदी तु परमेस्वर को टूरा सेस ता कव्हका यो गोटा भाखरी बन जाए।”

मत्ती 4:6

अना ओला कहीस “अदी तु परमेस्वर को टूरा आस, ता खाल्या कुद जाय, काहे का पवीतर गीरंथ मा लिख्यो से, उ तोरो बारे मा आपरो सरगदूत गिनला हुकूम देहे, अना वय तोला हातो-हात उचल लेहेत। कहीं असी ना होय का तोरो पाय मा ठोकर लगे।”

मत्ती 8:29

वय हाकल के कहिन, ओ परमेस्वर को टूरा, आमरो लक तोरो काजक काम से? का तु बेरा को पयले, अमीला, दुख देवन आईसेस?

मरकुस 1:1

यो परमेस्वर को टूरा यीसु मसीह को साजरा बारता से।

मरकुस 1:11

अना बादल लक आवाज भई “की तु मोरो चहेतो टूरा आस, तोरो लक मि बेहद खुस सेउ।”

लूका 1:35

सरगदूत ना वोला साँगिस, पवीतर आतमा को ताकत तोरो पर आहेत, अखीन मोठो परमेस्वर तोरी, रक्सा करहे। एको लाई उ पवीतर, जो जनम लेवन-वालो से, परमेस्वर को टूरा कहलाहे।

लूका 3:22

अखीन परेवा को देह जसो, पवीतर आतमा वोको पर उतर गयो, अखीन सरग लक यो आवाज आयो, तू मोरो चहेतो टूरा आस, मी तोरो लक गजब खुसी सेव।

योहन 1:18

कबच कोनी न परमेस्वर ला नही चोयोसेस, पर परमेस्वर को टूरा नाच परमेस्वर ला चोवयोसेस, काहेका जोन वोकोच कन लक आईसे, वोनाच परमेस्वर ला चोवायोसेस।

योहन 1:49

नतनएल ना वोला जवाब दियो, “हे गुरू तू परमेस्वर को टूरा, अना इसरायल जाती को महा राजा आस।”

योहन 10:30

मी अना मोरो अजी दूई एकच सेजन।

योहन 10:36

“अता जोनला बाबूजी ना चघावा ठयरायके जगत मा धाड़ीसेस, का तुमी एकोलाई ओला कव्हसो, तु परमेस्वर की निन्दा करासेस? एकोलाय मि ना कव्हयो, मि परमेस्वर को टूरा सेउ।

योहन 11:27

ओना ओला कहीस, हव पिरभू, मि भरोसा करुसेउ, की तुच परमेस्वर को टूरा मसीह आस, जोन जगत मा आवनवालो होतो।

योहन 19:7

यहूदी गीनना ओला जवाब देइन, “हमारो भी मोसे को नियम को लक, उ जरुर मार डाकन को काबील से, काहेकी ओना आपरो आपच परमेस्वर को टूरा बनाईसेस।”

योहन 20:28

यो आयक के थोमा ना जवाब देइस। हे मोरो, पिरभू हे मोरो परमेस्वर।

योहन 20:31

पर एको कारन लक लिखी गई से की तुमी लोकगीन भरोसा करो, की यीसु जोन से उ परमेस्वर को धाड़ो गयो से। अना कव्हनो मा मसीह से। अना ओको नाव मा भरोसा करनो लक जीवन मिलासे।

योहन 6:69

अना आमी ना भरोसा कर लिया अना जान लिया का परमेस्वर को पवीतर जन तु ही सेस।

रोमियो 1:4

परंतु मोठ्या सामरथ लक मरनो लक जित्तो होवन को कारन। अना वोको पवितरपन को कारन उ परमेस्वर को टूरा से, असो दरसायो जासे।

2 कुरिन्थियो 1:19

काहेकी परमेस्वर को टूरा यीसु मसीह मा जोको परचार तुमरो बीच हमरो अना सिलवानुस, तीमुथियुस अखीन मीना करयो, वोको कबच हव अना कबच नही से वरन उनमा सिरप हव से।

इब्रानियो 7:3

उ राजा को न तो अजी सेत, ना माय सेत, अना कोनी खानदान सेत। वोको जिंदगी को नातो सुरुवात से, ना आखीर सेत। उ परमेस्वर को टूरा जसो सेत। अना उ हमेसा लक याजक बनो रव्हासेत।

1 योहन 2:23

जोन कोनी टूरा लक मुकर जावसे ओको जवर बाबूजी भी नही: पर जोन टूरा ला मान लेवासे, उ बाबूजी ला भी मानासे।

1 योहन 3:8

जोन कोनी पाप करासे उ सैतान को कन लक से, काहेकि सैतान सुरुवात लक पाप करतो आयोसे। परमेस्वर को टूरा एकोलाई आयो का सैतान को काम ला नास करेत।

1 योहन 4:9

जोन माया परमेस्वर आमी लक राखासे, उ एकोच लक आयीसेस का परमेस्वर ना आपरो एकच टूरा ला संसार मा धाड़ीसेस का आमी ओको लक जिंदगी पावबिन।

1 योहन 5:20

लेकिन आमी यो भी जानासेजन का परमेस्वर को टूरा आय गयो से अना ओना आमला उ गियान देइसेस, मनजे यो का आमी ओमाच रव्हसेजन, जोन खरो से, मोठयो परमेस्वर च खरो परमेस्वर से अना ओच अमर जिंदगी से।

2 योहन 1:9

जोन कोनी लगत दुर भटक जावासे अना मसीह को बारे मा दियो गयो खरो सिक्सा मा टिकयो नही रव्हा, उ परमेस्वर ला नही पाय सका अना जोन ओको सिक्सा मा बनयो रव्हसे, मोठयो दआजी अना टूरा दुही च ओको जवर सेत।

परकासित वाक्य 2:18

थुआतीरा को कलीसिया को सरगदूत ला लिख, परमेस्वर को टूरा, जेकी डोरा स्तो को धगाड़ी जसो अना जेनको पाय चमचमातो सुध्द काँसो जसो सेत, यो कव्हसेत,