योहन 1:18 - सत मारग पर चलन वारो किताब

¹⁸ कबच कोनी न परमेस्वर ला नही चोयोसेस, पर परमेस्वर को टूरा नाच परमेस्वर ला चोवयोसेस, काहेका जोन वोकोच कन लक आईसे, वोनाच परमेस्वर ला चोवायोसेस।

योहन 1:18 ပူးပေါင်းရင်းမြစ်များ

मत्ती 11:27

मोरो परमेस्वर बाबूजी मोला, सब काही भेटयो से, अना टूरा ला कोनी नही जानासे, बस परमेस्वर बाबूजी, अना परमेस्वर ला कोनी नही जानासे, बस टूरा! अना टूरा जोन पर परगट करवानो, चाव्हासे वा परमेस्वर लक भेट कर सकासे।

लूका 10:22

मोरो बाबूजी न मोला सबा कछु सोप देईसेस। अना कोनी नही जानासे, का टूरा कोन आय? केवल बाबूजी, अना बाबूजी, कोन सेत, कोनी नही जानासे, केवल टूरा? अखीन जोन पर टूरा उजागर करनो चाव्हासे, वोको पर उजागर करासे।

योहन 1:14

अना सबद देह मा आयो अना दया अखीन खराई लक आमरो बीच मा रहयो अना आमी ना उ परमेस्वर को टूरा को महिमा आपरो डोरा लक चोवयो सेजन।

योहन 12:41

यसायाह ना यो सबच एको लाई साँगीस, की उनना यीसु की महिमा ला चोयी होतो, अना वोको बारे मा सांगीस

योहन 13:23

उन चेला मा लक एक जोन यीसु लक माया करत होतो, ओको छाती कन नवके बसत होतो।

योहन 14:9

यीसु ना ओला कहीस, हे फिलिप्पुस, मि एतरो दिवस तकन तुमरो जवर रहयो, अना का तु मोला नही जानासे? एको लाई जोन ना मोला चोय लियो ओना बाबूजी ला चोय लेइसेस। तु कायलाय कव्हसेत की बाबूजी ला हमला चोवाय?

योहन 17:26

मिना तोरो नाव उन लोकगीन ला साँगयो, अना साँगतो रहुँ। की जोन माया तुना मोरो लक करीसेस, वोच माया उनमा रव्हे। अना मि उनमा रहुँ।

योहन 17:6

मिना तोरो नाव वोना मानूसगिन पर उजागर कियो से, जोन लोक गीनला तुना जगत मा मोला देइसेस, वय तोरी होतीन अना तुना उनला मोला देईसेस, अखीन उनना तोरो सबद ला मना लेईसेत।

योहन 3:11

मी तोरो लक खरो कव्हसू, “आमी जोन गोस्टी जानसेजन वोला कव्होसेजन, अना जोन आमी ना चोवोसेजन ओकी गवाही देवासेजन, अना तुमी आमरो गवाही पर भरोसा नही करासो।

योहन 6:46

एको अरथ यो नहोती का कोनी ना दाअजी ला चोयीसेस, पर वाच जोन परमेस्वर कन लक आयीसे ओनाच दाअजी ला चोयीसे।

2 कुरिन्थियो 4:4

काहेका अबिस्वासी गीन को डिमाक ला यो दुनिया को दुस्ट देव ना अंधार मा ठेविसेत। उ वोना पर उजाड़ होवन काजी रोकसेत। जो साजरा बारता लक मसीह को बारे मा आवासे, यीसु मसीह जनमन परमेस्वर को रुप जसो सेत।

कुलुस्सियो 1:15

मसीह नही चोवनवारा परमेस्वर को चोवनवारा रुप सेत। उ पहलोटा टूरा से। जोन सबा बनायो गयो चीज लक साजरा सेत।

1 तीमुथियुस 1:17

अबा अमर सनातन राजा अना कबच नास नही होवन वालो, जेनला चोवनो मा नही आयो, एकच परमेस्वर को मान अखिन महिमा जुग-जुग होवती रव्हे। आमेन।

1 तीमुथियुस 6:16

अखिन अमरता बल्कि वोकिच से अना उ मानूस को पहुच लक बहार मोठो उजाड़ मा रहवासे अना वोला कोनी मानूस न नही चोवीस अखिन कबच नही चोव सकासे वोकिच मान बढाई अना राज जुगाजुग रव्हे आमेन।

1 योहन 4:12

परमेस्वर ला कबा च कोनी ना नही चोयीसेस; अदि आपस मा माया राखबिन, ता परमेस्वर आमी मा बनयो रव्हसे अना ओको माया आमी मा सिध्द भयी गयो से।

1 योहन 4:20

अदि कोनी कव्हेत, “मि परमेस्वर लक माया राखासेऊ,” अना आपरो भाऊ लक ईरसा राखेह ता उ खोटो से; काहेका जोन आपरो भाऊ लक जेने ओला चोयीसेस माया नही राखा, ता उ परमेस्वर लक भी जेनला ओना नही चोयीसेस माया नही राख सकासे।

1 योहन 4:9

जोन माया परमेस्वर आमी लक राखासे, उ एकोच लक आयीसेस का परमेस्वर ना आपरो एकच टूरा ला संसार मा धाड़ीसेस का आमी ओको लक जिंदगी पावबिन।

1 योहन 5:20

लेकिन आमी यो भी जानासेजन का परमेस्वर को टूरा आय गयो से अना ओना आमला उ गियान देइसेस, मनजे यो का आमी ओमाच रव्हसेजन, जोन खरो से, मोठयो परमेस्वर च खरो परमेस्वर से अना ओच अमर जिंदगी से।