योहन 1:14 - सत मारग पर चलन वारो किताब

¹⁴ अना सबद देह मा आयो अना दया अखीन खराई लक आमरो बीच मा रहयो अना आमी ना उ परमेस्वर को टूरा को महिमा आपरो डोरा लक चोवयो सेजन।

योहन 1:14 ပူးပေါင်းရင်းမြစ်များ

मत्ती 1:16

अना याकूब लक युसुफ जलम लेईस, जो मरियम को नवरा होतो। अना मरियम लक यीसु, जोन यीसु मसीह कहलावसे जलम लेईस।

लूका 2:11

आज दाऊद को नगर मा तुमरो लाय एक पाप मोचक जन्म लेईसे योच मसीह पिरभू से।

लूका 2:7

उनको रुकन को लाय सराय मा, जघा नही होतो। यो काजी वय गाई-बईल को कोठा मा रुकिन। अखीन वोको पयलो टूरा वहांच भयो, अखीन वोला कपरा मा लपेट केना, गव्हान मा राखीस।

लूका 9:32

पतरस अखीन वोको सगीं जपमा होतिन, मंग वय जप लक जाग गयो होतिन। ता वोना यीसु अखीन वय दुई ला तेज समेत चोईन।

योहन 1:1

सबमा सूरू मा सबद होतो। अना सबद परमेस्वर को संगा होतो। अखीन सबद परमेस्वर होतो।

योहन 11:40

यीसु ना वोला कहीस, का मिना तोला नही कव्हयो होतो? की अदी तु भरोसा करजोस ता परमेस्वर की महिमा ला चोवजोस।

योहन 14:6

यीसु ना ओला कहीस, रास्ता, खराई अना जीवन मिच आव। मोरो बगर कोनी बाबूजी को जवर नही जाय सका।

योहन 14:9

यीसु ना ओला कहीस, हे फिलिप्पुस, मि एतरो दिवस तकन तुमरो जवर रहयो, अना का तु मोला नही जानासे? एको लाई जोन ना मोला चोय लियो ओना बाबूजी ला चोय लेइसेस। तु कायलाय कव्हसेत की बाबूजी ला हमला चोवाय?

योहन 17:22

उ महिमा जेनला तुना मोला देईसेस मिना उनला देईसेऊ, की वसोच एक होहेत। जसो की हमी एक सेजन।

योहन 17:24

हे बाबूजी मी चाव्हुसु की जिनला तुना मोला देईसेस, जिता मि सेव, उता वय भी मोरो सँग होहेत। की वय मोरी महिमा ला चोहेत जोन तुना मोला देइसेस। काहे की जगत को पैदा होवन को पुढा तुना मोरो लक माया राखयोस।

योहन 18:37

पीलातुस ना ओला कहीस, तो का तु यहुदीगीन को राजा आस? यीसु ना जवाब देइस, तु कव्होसेस की मि राजा सेउ, मिना एकोलाय जन्म लेइसेउ अना जगत मा आयीसेऊ, की खराई को गवाही देऊ। जो कोनी भी खराई को से, उ मोरो आवाज ला आयकासे।

योहन 2:11

यीसु ना गलील को काना नगर मा आपरो यो पयलो निसान दिसाय के आपरी महिमा ला दिसाइस। अना ओको चेला ना वोको पर भरोसा ठेइन।

योहन 3:16

काहेका परमेस्वर ना संसार लक एतरो माया राखियो, का वोना आपरो चहतो एकच टूरा ला दे देईस। एकोलाय जोन कोनी वोको पर भरोसा राखेत, उ नास नही होहेत पर अमर जीवन पाहेत।

योहन 3:18

“ जोन कोनी ओको पर भरोसा राखेत, वो दन्ड नही पाहेत, पर जो लोकगीन भरोसा नही करयेत, वो खोटो मानो जाहेती। ऐको मायना असो से का उनना, परमेस्वर को एकलो चहेतो टूरा को नाव पर भरोसा नही राखिन।

योहन 6:51

जीवन की भाकर जोन सरग लक उतरी से, मि सेव। जोन यो भाकर मा लक खाये उ सदा जित्तो रहेत, अना जोन भाकर मि संसार को जिन्दगी को लाय देहुँ, उ मोरो देह से।

योहन 8:32

अना खराई ला जान लेवने तो खराई तुमला सूटकारा देहेत।

पेरीत 13:33

यीसु को मर जावन को मघा वोला दुबारा जित्तो करके उनको सन्तान गिन को लाय परमेस्वर ना वाच वायदा ला हमरो लाई पूरी करयो। जसो की भजन मा लिख्यो से, “तु मोरो टूरा आस, आज मीना तोला जलमायो सेउ।”

रोमियो 8:3

यो काम ला कानून नहीं कर सकयो, तबा परमेस्वर ना आपरो स्वता को टूरा लक यो काम करायो। जसो कमजोर देह लक अमी पाप करा सेजन, वसोच देह मा परमेस्वर ना आपरो टूरा ला धाड़ीस। जोन लक पाप ला निरस्त कर देवे।

रोमियो 9:5

वय जाहीर हिबरू घराना को सेत। अना मसिहा भी उनको च घराना को से। परमेस्वर जोन सबा पर सासन करा सेत, वोको हरामेसा बड़ाई होवे!

1 कुरिन्थियो 15:47

पयलो मानूस धरती को से, दुसरो मानूस सरग को से।

2 कुरिन्थियो 12:9

पर वोना मोरो लक सँगीस, “मोरो किरपा तोरो लाय गजब सेत, काहेका मोरो ताकत कमजोरी मा च चोवासेत यो काजी मी खुसी-खुसी लक आपरो कमजोरी पर गरब करबिन का मसीह को ताकत मरो पर सवली करत रव्हे।”

गलातियो 4:4

पर बेरा पूरो भय जावन पर परमेस्वर ना मोसे को नियम लाई आपरो टूरा ला धाड़िसेस उ एक बायका लक पैदा भयो,

इफिसियो 3:8

अदि अखिन सभच संतहुन मा मि नहानो लक भी नहानो सेउ पर मसीह को अमर धन रुपी साजरो बारता को गैरयहुदी मा पिरचार करन को यो दया मोला दियो गयो।

कुलुस्सियो 1:19

काहेका यो परमेस्वर को खुद को फैसला होतो, का टूरा खुद पूरो जनमन परमेस्वर सेत।

कुलुस्सियो 2:3

जिनमा बुध्दि अना गियान को सप्पा धन छुपयो रव्हसेति।

कुलुस्सियो 2:9

काहेकि ओमा परमेस्वर की सप्पाच सिध्दता सप्पा देह लक रव्हसे।

1 तीमुथियुस 3:16

एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।

इब्रानियो 1:3

उ ता टूरा परमेस्वर को गौरव को उजाड़ सेत। अना उ जनमन परमेस्वर जसोच सेत। अना सप्पा काही वोकोच सामरथ लक संभालासे। सर्वांना पाप पासुन मुक्त करायो अना असो करन को मंघा उ सरग मा महान गौरव लक परमेस्वर को उजो हातमा बस्यो।

इब्रानियो 1:5

“का परमेस्वर ना कदी कोनी सरगदुत लक असो नही कव्हयो?” “तु मोरो टूरा आस! आज मि तोला जलमायो सेउ।” अना मी वोको लाय, अजी बनयो सेऊ, “अना उ मोरो टूरा होयेत।”

इब्रानियो 10:5

योच कारन दुनिया मा आवन को बेरा असो कव्हसेत। बली अना चढावा तू नही चाव्हसेत पर मोरो काजी एक देह तैय्यार कियो गयो सेत।

इब्रानियो 2:11

परमेस्वर ना उनला पाप पासुन सुद्ध करासे। अना जोन सुद्ध सेत, उ सबको एकच अजी सेत। एकोलाय यीसु ला उनला कुटुंब माननो मा कोनी लाज नही लगासेत।

इब्रानियो 5:5

असोच मसीह ना भी महायाजक बनन को गौरव स्वता नही लियो। बल्कि परमेस्वर ना वोको लक कहयो, “तू मोरो टूरा आस आज मीना तोला जलमायो सेउ ।”

1 योहन 4:14

आमिना चोय भी लियासेजन अना गवाही देसेजन का बाबूजी ना टूरा ला संसार को सुटकारा देवनवालो करके धाड़ीसेस।

1 योहन 4:9

जोन माया परमेस्वर आमी लक राखासे, उ एकोच लक आयीसेस का परमेस्वर ना आपरो एकच टूरा ला संसार मा धाड़ीसेस का आमी ओको लक जिंदगी पावबिन।

2 योहन 1:7

संसार मा लगत सा भटकानवारा सेति। असा मानूस जोन यो नही मानासेत का ऐना धरती पर मानूस को रुप मा यीसु मसीह आयो से, याच ता छली सेत अना मसीह को बैरी सेत।

परकासित वाक्य 19:13

वोना खून मा डुबायो होय कपरा डाकयो हुयो से। अना वोला नाव दीयो गयो होतो। “परमेस्वर को सबद”

परकासित वाक्य 21:3

तबा मिना सिघासन लक एक उचो सबद मा यो कव्हतो आयकियो, “चोवो! मानूसगिन को बीच मा परमेस्वर को रव्हनो!” अब परमेस्वर उनको बीच रव्हे। वय उनको जनता होहेत अना खुदच परमेस्वर उनको बीच अमर निवास करहेत।