याकूब 4:8 - सत मारग पर चलन वारो किताब

⁸ परमेस्वर को जवर आव त उ भी तुमरो जवर आहे। अरे पापी गीन अपरो हात सुध्द करो; अखीन अरे भटकया हुया लोक गीन अपरो मन ला पवीतर करो।

याकूब 4:8 ပူးပေါင်းရင်းမြစ်များ

मत्ती 12:33

“तुम्ही लोक ला मालुम सेत का साजरो फर आनन लाय साजरो झाड़ लगानो पाहिजे अना बुरो झाड़ लक बुरो च फर मिलासेत। काय की झाड़ आपरो फर लक चीन्हो जासे।”

मत्ती 15:2

“तोरो चेलागिन अमरो आजा पुरखा को नेम-धरम को पालन काहे नहीं करासेत? वय बिना हात जेवन करासेत।” .

मत्ती 27:24

जब पिलातुस ना चोवयो, का यीसु ला बचावन को लाय कोनी, चांस नाहती। तबा उ उदास भई गयो, अना वोना पानी बुलवायके, ना हात धोवके सांगीस, “मी यो मानूस को खून को, दोसी नही सेव, तुमच जानो।”

पेरीत 15:9

येने परकार बिस्वास लक उनको पाप ला छिमा करके अना उनको मनला पवितर करयो अना उनको अना आमरो बिच कोनी भेद-भाव नही करयो।

2 कुरिन्थियो 7:1

एकोलाय ओ मोरो चहेतो भाऊ अना बहिन हुन, यो सब वायदा आमरो च लाय कियो गयो सेत। तो आव आमी आपरो आप ला उन सब लक जोन आमीला असुध्द करासेत वोको लक सुध्द करबिन, या जोन अमरो देह ला आतमा ला असुध्द बनावसेत। काहेका अमीला परमेस्वर को भेव मा जीवन काजी पूरो पवीतर होवनो पाईजे।

1 तीमुथियुस 2:8

एकोलाई मी चाहव सेऊ का हर जगह मानूस बिगर गुस्सा अना झगड़ा को, पवीतर हात ला उचलके पिराथना करो।

इब्रानियो 10:22

एकोलाय आव आमी आपरो दोसी मन ला खरो करन काजी दिलमा छिड़काव करबीन अना आपरो देह ला सफा पानी लक धोवके बेकपट दिल लक पूरो भरोसा लक परमेस्वर को कठा जाबिन।

इब्रानियो 7:19

काहेका नियम काही पूरो नही कर सकयो। सब को सब अधुरो सेत, तब अमीला एको लक साजरा आस दियो गयो सेत। अना एको कन लक आमी परमेस्वर को कठा पहुच सकासेजन।

याकूब 1:8

असो मानूस जोन को मन दुविधा लक घेरीयो हुयो सेत, अना उ आपरो सब सुभाव मा अटल नाहती।

याकूब 3:17

पर जोन अक्ल वरता लक आवासे उ पहेल त पवीतर होवासे मंग मेल-मिलाप नरम अखीन भला सुभाव अना दया सान्ती अखीन साजरो फर गीन लक लदी हुई अना पक्स-पात को बगर अखीन निस्कपट होवासे।

1 पतरस 1:22

अबा चोवो जबा तुमी ना सच्चाई ला मानत-मानत, सच्चौ भाऊचारा लक निस्कपट माया ला चोवान काजी आपरो आतमा ला पवितर कर लियो सेत। ता पवितर मन लक तेजी लक एक दुजो लक माया करन को आपरो निसान बनालेव।

1 पतरस 3:21

यो बपतिस्मा को पयलो इसारा सेत। जेनको मतलब तन को मैल ला धोवनो नाहती। पर साजरो मन लक परमेस्वर को अधीन होवनो सेत। अबा तो बपतिस्मा तुमला यीसु मसीह को जित्तो होवनो लक बचावनो सेत।

1 योहन 3:3

हरेक कोनी जोन ओनो पर असी आस राखासे, उ आपरो आपला वसोच पवितर करासे जसो मसीह पवितर से।