याकूब 4:4 - सत मारग पर चलन वारो किताब

⁴ अरे पापी छिनालापन करन वालो मी तुमला नही जानासेउ का संसार लक मिताई जोड़न वारा परमेस्वर को सतरु बननोसे? अना जोन कोनी संसार को संगी होवनो चाव्हसे उ अपरो आप ला परमेस्वर को बैरी बनावासे।

याकूब 4:4 ပူးပေါင်းရင်းမြစ်များ

मत्ती 12:39

एको जवाब मा यीसु ना कहीस “एना जुग को बुरो अना दुस्ट लोकगीन च अचरज निसान चोवनो चाव्हासेत पर योना भविस्यवक्ता को अचरज निसान ला सोड़ून अखिन कोनी अचरज निसान उनला नही भेटेत।”

मत्ती 16:4

यो दिवस को बूरो अना परमेस्वर ला नही माननवारा लोक मोला एक चिन्हानी मांगासेत मंग योना को चिन्हानी ला सोड़ उनला अना कोनी चिन्हानी नही दियो जाहे। ऐतरो सांगके उ उनला छोडके चली गयो।

मत्ती 6:24

कोनी भी गुलाम मानूस दुई मालीक को सेवा नही कर सकासे। काहेका उ एक लक बइर अखीन दुसरो को संग माया राखेत। अना एक लक गाढोपन अना दुसरो ला नीच जानेत। तुमी परमेस्वर अना धन दुही की सेवा नही कर सकासो।

लूका 19:27

पर मोरो उन बैरी गीनला जोन नही चाव्हत, होतिन का मी राज करु, उनला आन केना मार डाखो।

योहन 15:19

अदी तुमी जगत का होतत, तो जगत तुमरो लक माया राखतो, पर एको काजी की तुमी जगत को नही सेव, काहेका मि ला जगत मा लक निवाड़ी सेव। एकोलाय जगत तुमी लक बइर राखासे।

योहन 17:14

मिना तोरो गोस्टी उनला पहुचा देईसेऊ। अना जगत ना उनलक बइर करीस, काहे की जसो मि जगत को नही, वसोच वय भी जगत का नहाति।

योहन 7:7

यो दुनिया तुमरो लक बैर नही करासे, पर मोरो लक बैर करासे, काहेका मी उनको बिरोध मा यो गवाही देवासू का उनको काम बुरो सेति।

रोमियो 5:10

आमी परमेस्वर को बैरी होतिन, पर जबा परमेस्वर को संग आमरो मेल, वोको टूरा को मरन लक भई गयो। तब परमेस्वर को सगं मेल हो जान को कारन लक, वोको टूरा को जीवन लक पक्को आमरो सूटकारा हो जाहेति।

रोमियो 8:7

काहेका तन मा मन लगावनो तो, परमेस्वर लक बैर करनो सेत। काहेका असो ता ना तो परमेस्वर को नियम को लक सेत, अना ना होय सका सेत।

1 कुरिन्थियो 1:20

कहान रहयो गियानीगिन? अना कहान रहयो मोसे को नियम को गुरू? कहान रहयो यो दुनिया को बकवासी? का परमेस्वर ना दुनिया को गियान ला, अठ्ठियागिरी नही ठहराईसेस?

1 कुरिन्थियो 1:21

काहेका जबा परमेस्वर को गियान को लक दुनिया, परमेस्वर ला नही जानिन, तबा परमेस्वर ला यो साजरा लगयो का परचार को मुरखता को लक, भरोसा करनवारा ला सूटकारा दे।

गलातियो 1:10

अता मि कोन को दया चाव्हसेउ? मानूस को या परमेस्वर को? अदी मि मानूसगिन ला राजी करन चाव्हतो तो, तो मि मसीह को दास बनन काबिल नही होतो।

याकूब 1:27

आमरो परमेस्वर अना अजी को नजर मा बिलकुल सफा अना निरदोस भगती यो से; मुसीबत मा पड़यो अनाथगिन अना बेवागिन को सुधि लेवनो, अना खुदच ला कोनी संसारिक बुराई लक बेदाग राखनो।