याकूब 1:12 - सत मारग पर चलन वारो किताब

¹² धन्य सेत उ मानूस, जोन परिक्सा मा उभो रव्हसेत। काहेका परिक्सा मा खरा साबीत होवासे उ जीवन को मुकुट पावन को काबील सेत। असो परमेस्वर ना उनको लाय वायदा करीसेस जोन वोको लक माया राखासेत।

याकूब 1:12 ပူးပေါင်းရင်းမြစ်များ

मत्ती 10:22

“मोरो नाव को कारन सबच लोक गीन, तुमरो लक बैरी करेत। पर जो आखरी तकन धीरज धरेत, वोच बचायो जाहेत।

मत्ती 25:34

तबा मि आपरो उज्जो कन वालो लक कहुँ, ओ मोरो बाबूजी को धन्य साबास लोक आव वो राज को अधिकरि भय जावो, जोन सारो जग बनन को पहिले तुमरो लाइ, राजा ना तैय्यार कियो होतो।

लूका 6:22

धन्य सेव तुमी जबा मानूस को टूरा को कारन लक लोक तुमरो लक बुराई करे, अना तुम ला हेड देहेत, आना तुमरो निंदा करते, अखीन तुमरो नाव ला बुरो जानके काप देहेत।

रोमियो 5:4

धीरज परमेस्वर को मंजूरी अना सेत। अना वोको मन्जूरी उम्मीद पैदा करतत।

रोमियो 8:28

अमिला मालूम सेत, का परमेस्वर जोनको लक पिरेम राखअ सेत, उनको सबा चीजमा साजरा काम करा सेत। अना उनला आपरो उद्देस्य को अनुसार हकलयो सेत।

1 कुरिन्थियो 2:9

परा गीरंथ मा असो लिख्यो सेत, “जोनला डोरा लक नही चोव सकत, अना कान लक नही आयकयो, जहाँन मानूस को अक्कल तकन नही पहोच सका सेत। असो गोस्टी परमेस्वर को चहेतो लोक गिन लाय राख्यो सेत।”

1 कुरिन्थियो 8:3

पर अदी कोनी परमेस्वर लक माया राखासेत, ता परमेस्वर वोला चिन्हअ सेत।

1 कुरिन्थियो 9:25

सबा धावन वारा धिरज यो काजी राखासेत, का वोला जीत को मुकुट मिलनो सेत। पर आमी तो कदी नास नही होवन वारा अमर मुकुट काजी मेहनत करसेजन।

2 तीमुथियुस 2:15

अपरो आप ला परमेस्वर ला पावनो काबील अना असो काम करन वालो ठहरानो को जतन कर जोन लज्जित होवन नही पाहे अना जोन खरो बचन ला सही रीती लक काम मा आनासेत।

2 तीमुथियुस 4:8

अबा मोरो लाई धरम को उ मुकुट सजायके राखयो गयो से जोन पिरभू नेक अना न्याय करन वालो सेव मोला वोना दिवस देहे अना मोला च नही वरन वय सब ला जोन पिरेम को संग वोको परगट होवन को बाट चोविसेत। निजि सूचना

इब्रानियो 10:32

पर तुमी वोना मघा को गोस्टी ला हेत करो। जोन मा तुमी उजाड पाय के दुख अना मोठो विपदा मा पक्को रहयो होतो।

इब्रानियो 11:17

बिस्वास को कारन च अबराहम ना, जब परमेस्वर वोला परखत होतो। इसहाक को बलि चघायो। वोच जोन लक करार कियो होतो। अपरो एकठिया टूरा को जबा बलि देवन वालो होतो।

इब्रानियो 12:5

तुमी वोना हिम्मत को बचन ला बिसार दियो सेव। जोन तुमीला टूरा होवन को नातोलक कह्यो गयो सेत। “ओ मोरो टूरा पिरभू को अनुसासन ला नोको टालजोस, वोको डाट को कभीच बुरो नको मानजोस,

इब्रानियो 6:15

अबराहम ना लगत बेरा तकन धिरज धरन को मघा वायदा को फर पाइस।

याकूब 2:5

ओ मोरो चहेतो भाऊगीन, आयको। का परमेस्वर न संसार को नजर मा ओना गरीबहून ला भरौसा मा धनी अना ओना राज को वारसाना को रूप मा नही निवड़ीसेस, जेनला परमेस्वर ना, जोन ओला माया करासेत, देवनो को बचन देयीसेस।

याकूब 5:11

दिसो हमी धीरज धरन वारा ला धन्य कव्हसेजन। तुमी न अय्युब को धीरज को बिसय मा त आयकासेव अना पिरभू को कन लक जोन उनको प्रतिफर भयो वोला भी जानलेइसेव। जोको लक मालुम होवासेत का पिरभू कितरो दयालु सेत। अना उ लगत करुना करासेत।

1 पतरस 3:14

अदी तुम्ही नीति मत साठी दुख भोगी सेव ता तुम्ही धन्य सेव। परंतु एना साठी घाबरू नका। अना भेव करू नका।

1 पतरस 4:13

अदी तुमी लोक गिन पर अत्याचार होवासेत। तर तुम्ही मसीह को दुखमा भागीदार होवनो को आनंद मनाव। जोन दिवस मसीह को गौरव परगट होयेत, उ दिवस तुम्ही खूब आनंद करयेती।

1 पतरस 4:14

अदी मसीह को नाव मा तुमरो बेइज्‍ती होवासे। तर तुम्ही खुदला धन्य मानू सकत, कारन परमेस्वर को गौरवसाली आतमा तुम मा सावली करा सेत।

1 पतरस 5:10

अता परमेस्वर, जोन सब पर किरपा करा सेत, जोना तुम्हिला मसीह को बीच मा अमर बेरा को गौरव काजी बुलायो सेत। तुम्ही काही काल सहन करनो को बाद तुम्हीला सिद्ध अना सामरथवान करहेत।

1 पतरस 5:4

अना जबा मुख्य संरक्षक परगट होयेत। ता उ तुम्हाला महीमा को मुकुट देवन आहेत। जो मुरझात नाही।

1 योहन 4:19

आमी एकोलाई माया करासेजन, का पयले ओना आमिलक माया करीसेस।

परकासित वाक्य 2:10

उन दुख तकलीफ लक तू नोको डराय जोन तोला झेलनो सेत। आयको सैतान तुम लोक मा काही ला जेलमा डाखेत जोनलक तुमरो परिक्सा लेहेत। अना तुमला यो दुख दहा दिवस तकन भोगनो सेत। चाहे तोला मौत आ जाय, पर सच्चो बनेयो रव्जोस। अना मि तोला अमर जीवन को जीत को मुकुट देहिन।

परकासित वाक्य 3:19

मि जोनलक माया करासू उनला डाटा सेऊ, अना सरको रस्ता मा आना सेऊ। एको लाई कठिन जतन करो अना पाप लक मन ला हटाव।

परकासित वाक्य 3:21

जोन लोक जीत हासिल करहेत। उनला मी आपरो सिहासन मा बसन को हक देहिन जसो मि जित गयो सेऊ। अना अबा आपरो दआजी कनलक आपरो सिहासन मा बसो सेऊ।