इब्रानियो 3:1 - सत मारग पर चलन वारो किताब

¹ एकोलाय पवीतर भाऊ अना बहिन हुन! तुमी सरग मा हाकलो जान को हिस्सादार सेव। यीसु पर धियान लगाव जोन आमी ला पेरीत अना मुखिया याजक मानिसेजन।

इब्रानियो 3:1 ပူးပေါင်းရင်းမြစ်များ

योहन 17:3

अना अमर जिंदगी योसे की वय तोला एकच खरो परमेस्वर अना यीसु मसीह ला, जेनला तु ना धाड़ीसेस जानेत।

योहन 20:21

यीसु ना मँग उनलक कहीस, “तुमला सान्ती मिलहे। जसो बाबूजी ना मोला धाड़ीसेस, वसो ही मि भी तुमला धाड़िसेउ।”

योहन 20:27

तबा ओना थोमा लक कहीस, आपरी बोट इता आनके मोरो हात ला चोय। अना आपरो हात आनके मोरो छेद मा डाक। अना अबिस्वासी नोको पर बिस्वास करन वालो बन।

पेरीत 1:15

काही दिवस मघा बिस्वासी भाऊ गिन को सभा मा जोन एक सम्बर बीस लोक गीन होतिन। पतरस उभो होयके कव्हन लगयो।

रोमियो 11:17

यदि काही डगाली तोडके बेगरो कर दियो गयो सेत। अना तुमी गैरयहुदिगिन! जो बन जैतून सेव उनको जघा मा कलम लगायो गयो से अना जैतून को जड़ अना वोको चिकनाई को भागीदार बने।

रोमियो 15:27

उनला साजरा तो लग्यो, परअ वय उनको करजदार भी सेत, काहेका गैर यहुदी उनको आतमिक बात मा हिस्सादार बनिन, तो उनको यो फरज सेत। का देह को बारेमा उनको सेवा करे।

रोमियो 15:8

मि यो कव्हनो चव्हासू का यीसु मसीह खतना वालो लोक गीनको दास एकोलाय बनयो, का उ बाप दादा लक कियो गयो परन पूरो कर सकेत। अना यो पुरुप कर दे, का परमेस्वर सच्चो वादा करा सेत।

रोमियो 9:24

असो दया को भान्डो आमी सेजन। जोनला परमेस्वर ना सिरप यहूदी लक नही, पर गैरयहूदी लक भी हाकलिसेत।

1 कुरिन्थियो 1:2

कुरिन्थुस नगर को परमेस्वर को वोना कलीसिया को नाव, जोन यीसु मसीह मा पवितर कियो गयो सेत। अना जोनला परमेस्वर ना पवितर लोक बनन को लाय उनको संग निवाड़ो सेत। जोन हर जघा पिरभू यीसु को नाव ला हाकल सेत।

1 कुरिन्थियो 10:17

एकोलाय एकच भाकर सेत अना आमी भी लगत मानूस सेत। एकच देह से, काहेका आमी सबा वोच भाकर को हिस्सादार सेजन।

1 कुरिन्थियो 9:23

मि यो सब साजरो बारता को लाई कर रही सेव, जेनको लक मी दुसरो को संग यीसु को दया को हिस्सादार बन जाऊ।

2 कुरिन्थियो 1:7

तुमरो बारेमा अमिला पुरो आस सेत काहेका अमीला मालुम सेत का जसो आमरो दुख ला बाटा करा सो, वसोच आमरो खुसी मा भी तुमरो बाटा सेत।

2 कुरिन्थियो 9:13

काहेका एना सेवा को परिनाम स्वीकार करके वय परमेस्वर की महिमा परगट करासेत का तुमी मसीह की साजरा बारता ला मानके वोको कन रहवा सेत अना वोकी अखीन सब पवीतर लोकगीन को सेवा करनो मा दयालूपन परगट करता रहवत होत्यो।

इफिसियो 3:6

यो भेद से का यहुदीहुन को संगा गैरयहुदी भी संग वारिस सेत, एकच देह को आंग सेत अना मसीह यीसु मा जोन बचन आमला दियो गयी से, ओमा संग हिस्सादार सेत।

इफिसियो 4:1

एकोलाय मि जोन पिरभु को होवन को काजी बन्दी बनो हुयो सेव, तुमी लक बिनती करुसेउ का तुमला आपरो जिंदगी वसोच जीवनो चाहिसे जसो का संतहुन को से।

इफिसियो 4:4

एकच बदन अना एकच आतमा से: असोच तुमला भी जबा हाकलया गयत ता एकच आसा मा भागीदार होवन को लाई हाकलयो गयो।

फिलिप्पियो 3:14

निसाना कना धाव रहीसेऊ का उ ईनाम पाहुँ जोको लाई परमेस्वर ना मोला मसीह यीसु मा वरता हाकलीसेस।

कुलुस्सियो 1:12

अना खुसी-खुसी परमेस्वर बाबजी को धन्यवाद, जेना आमला यो काबिल बनायीसेस की जोनना तुमिला उजाड़ को राज मा आपरो पवीतर लोक गीन काजी राखिसेत, वोमा आपरो वारसाना हिस्सादारी राखन काजी साजरा बना दियो सेत।

कुलुस्सियो 1:22

पर अब, आपरो टूरा की देह को मरनो लक, परमेस्वर ना तुमला, पवीतर, सूद्ध अखीन बेकसूर होवन लाय अपरो पुढ़ा आनन काजी, तुमला मेल मिलाप कर आपरो संगी बना लियो सेत।

कुलुस्सियो 3:12

एको लाई परमेस्वर को बेचयो जसो जोन पवीतर अना पिरेम को से। मोठी दया ना भलाई अना दीनता अना दयालू पन अना सहनसिलता धारन कर लेव

1 थिस्सलुनीकियो 2:12

मी बढावा देके कव्हन लगयो का तुमरो चाल चलन परमेस्वर को काबिल होहे, जोन तुमला अपरो राज अना महिमा मा हाकलासे।

1 थिस्सलुनीकियो 5:27

मी पिरभू की किरया देवसु का एना चिठ्ठी ला सब भाऊ गीन ला वाच के आयकावो जाहे।

2 थिस्सलुनीकियो 1:11

आमरो परमेस्वर तुमला यो बुलाहट काजी काबिल समझसे, अना भलाई को मनसा अना भरोसा को काज-काम ला ताकत सकट पूरो करेत एकोसाठी आमी तुमरो लाई पिराथना भी करसेजन।

2 थिस्सलुनीकियो 2:14

जोन को साठी ओने तुमला आमरो साजरो बारता कन लक हाकलीसेस, की तुमी आमरो पिरभु यीसु मसीह को महिमा ला पाहो।

1 तीमुथियुस 6:12

बिस्वास की साजरी कुस्ती लड अना वोना अमर जीवन ला धर लेवो जेनको लाई तु बुलावोयो गईसे अना लगतसा गवाह गीन को पुढा साजरो अंगीकार करयो गयो।

1 तीमुथियुस 6:2

जिनको मालिक बिस्वासी से वोला वय भाऊ होवनो को कारन बुरो नही जानेत, वरन वोकी अखिन सेवा करीन काहेकी एको लक लाभ उचलन वालो बिस्वासी अना माया लक एना गोस्टी गीन को सिक्सा लियो करो अना आदर समेत समझावता रव्हो।

2 तीमुथियुस 1:9

जेना आमरो सुटकारा करीस, अना पवीतर बुलावा लक हाकलीस अना यो हमरो काम गीन को लक नाहती, पर वोको मकसद अना वोनो किरपा को लक सेत, जोन मसीह यीसु मा हरामेसा लक भयो सेत।

2 तीमुथियुस 2:7

जेव मी कव्हसू वोको पर ध्यान देवो अना पिरभू तोला सबरी गोस्टी की समझ देहे।

इब्रानियो 10:19

अगो भाऊ अना अवो बहिनहुन, अबा अमीला पूरो भरोसा भई गयो सेत का आमी यीसु को रकत लक पवीतर जघा मा धस सकसेत।

इब्रानियो 10:21

अबा आमरो कठा एक महान याजक सेत जो परमेस्वर को घर मा ठहरायो गयो सेत

इब्रानियो 10:23

आमी आपरो आस को गवाही देवन काजी पक्को अना अटल रहन को परन करिया सेत। काहेका जोन ना अमीला बचन देइसेस वा भरोसा काबिल सेत।

इब्रानियो 13:22

अगो भाऊहुन मी तुमी लक बिनती करासू, का एना सिक्सा ला तुमी धियान धरके आयको, काहेका मी एला बिस्तार लक नही पर सार-सार लिखिसेव।

इब्रानियो 2:11

परमेस्वर ना उनला पाप पासुन सुद्ध करासे। अना जोन सुद्ध सेत, उ सबको एकच अजी सेत। एकोलाय यीसु ला उनला कुटुंब माननो मा कोनी लाज नही लगासेत।

इब्रानियो 2:17

यो कारन खुद सप्पा गोस्टी को बिच मा उ उनको भाऊ सरिसो होवनो पाहिजे। एको लाय का लोकगिन को पाप को लाय को बदला मा बली देवन साठी परमेस्वर को संबंधित असो गोस्टी तो दयालू अना बिस्वासी असो परमुख याजक सेत।

इब्रानियो 3:12

अगो भाऊ अना बहिनहुन होसियार रव्हो कदि असो नोको होये का तुमरो लक कोनी को मन दुस्ट स अना अबिस्वासी भई जाय अना तुम जित्तो परमेस्वर लक दुहुर भई जावो।

इब्रानियो 3:14

अदी आमी आपरो पयलो भरोसा पर आखीर तकन मजबूत बनो रव्हसेत तो आमी मसीह को हिस्सादार बनयो सेत।

इब्रानियो 6:20

जहान यीसु आमरो सब लक पयलो दूत को रुप मा धस चुकयो सेत। काहेका उ मलिकिसिदक को जसो सदा को काजी महायाजक बन गयो सेत।

इब्रानियो 7:26

अबा अमीला असो महायाजक मिलयो सेत। जोन एक पवीतर, निरदोस, बेदाग, पापगिन लक बेगरो, अना सरग लक वरता होयेत। यो गोस्टी सहीच होत्यो।

इब्रानियो 7:28

काहेका मोसे को नियम तो कमजोर मानूस ला महायाजक ठैयरावा सेत। पर नियम खतम होवन को मघा, परमेस्वर को करार लक उ टूरा महायाजक ठैयरावो जावासेत, जोन सदा को लाय पूरो सिध्ध बना दियो गयो सेत।

इब्रानियो 9:11

पर जबा मसिहा आवनवारा साजरो-साजरो चीज को महायाजक बनके आयो। अखीन मोठो अना सिध्द तम्बु लक होयके आयो। जोन हात को बनयो यो दुनिया को नाहती।

इब्रानियो 9:15

मसीह पयलो करार को भितर, कियो गयो गुनाह, को छिमा को लाय मर गयो सेत। अना अबा उ एक नवा करार को बिचवई से। परमेस्वर जोन ला हाकल सेत, उनला अबा वोको करार लक अमर काल तकन सूटकारा को हक मिलासेत।

1 पतरस 2:9

पर तुमी एक बेचयो हुयो लोख सेव। याजकगिन को एक राज सेव, अना खुद परमेस्वर को परजा सेव। एक पवितर परजा, खुद परमेस्वर एक असो जन समूह मजे परजा सेव। तुमिला परमेस्वर ना इंधार लक उजाड़ मा आपरो अद्भुत गुन परगट करन लाय हाकली सेत।

1 पतरस 3:5

काहेकी जूनो जमाना मा पवीतर आई-माई गीन भी जोन परमेस्वर मा आस राखा सेति। अपरा-अपरा नवरा गीन को अधीन रहके अपरो रिती-रिवाज को जसो सज्जत सवरत होतीन।

1 पतरस 5:1

जोन तुमरो मा बुजरुक सेत। वोला मी यो निवेदन करसेऊ, का मी भी एक बुजरुक सेऊ अना मसीह को दुख को पुरुप देवासू, अना वोको गौरव मा सह भागी होवके तुम्हीला समझावसू,

1 पतरस 5:10

अता परमेस्वर, जोन सब पर किरपा करा सेत, जोना तुम्हिला मसीह को बीच मा अमर बेरा को गौरव काजी बुलायो सेत। तुम्ही काही काल सहन करनो को बाद तुम्हीला सिद्ध अना सामरथवान करहेत।

1 योहन 1:3

जोन काही आमी ना दिसया अना आयको सेजन ओको खबर तुमला देसेजन, एकोलाय की तुमी भी आमरो संगा संगी सेजन, अना आमरो यो संगीपन बाबूजी को संगा अना ओको टूरा यीसु मसीह को संग से।

यहूदा 1:1

यो चिठ्ठी यीसु मसीह को दास अना याकूब को भाऊ यहूदा को कन लक, उन हाक्लियो लोकगीन को नाव लाई से जोन परमेस्वर बाबूजी मा चहेतो, अना यीसु मसीह को आवन को लाई सुरक्सित सेत।

परकासित वाक्य 17:14

वय पाठी को बिरोध मा लड़ाई करहेत, पर पाठी आपरो हाकलो गयो, अना निवाड़ो गयो, चेला गिनको संग उनला हरा देहेत। काहेका उ राजा गिनको राजा अना पिरभू गिनको पिरभू आय।”

परकासित वाक्य 18:20

ओ सरग अना पवीतर लोकगीन, पेरीत गीन, अना भविस्यवक्ता गीन, ओको पर खुसी मनाव, काहेकि परमेस्वर ना तुमरो पक्स मा अना ओको विरोध मा न्याय करीसेस।