इब्रानियो 13:9 - सत मारग पर चलन वारो किताब

⁹ हर प्रकार को अजब को सिक्सा मा नोको भरमो, तुम्हारो मन कोलाय यो साजरो सेत। का किरपा लक मजबूत बनयो रवहो, जेवनो पिवनो को नेम धरम लक नही। जोन लक कदिच कोनी को भलो नही भयो सेत। जोनना यो सब मानीसेत।

इब्रानियो 13:9 ပူးပေါင်းရင်းမြစ်များ

मत्ती 24:24

काहेका खोटो मसीहा अना खोटो भविस्यवक्ता उभो होयेती, अना मोठयो-मोठयो चमतकार करतब दिसाहेत। उनको मकसद निवाड़ो गयो मानूस गीन ला बहकानो से।

मत्ती 24:4

यीसु ना जवाब दियो, सतरक रव्हने तुमीला कोनी नोको बहकाय।

लूका 5:38

मंग नवा अंगूर को रस नवो छागल मा डाखनो खरो से।

पेरीत 20:30

असो बेरा आहेत का तुमरो बीच मा लक असो मानूस उठेत, अना लोकगीन ला अपरो मंघा खीचन लाई बचनला तोड़ मरोड़ के सांगेत।

पेरीत 20:32

अना अबा मी तुमला परमेस्वर को, अना वोको दया को वचन ला सौप देवासू। जोन तुमरी उन्नती कर सकसे, अना सब पवीतर किया गयो तुमरो लोकगीन ला वारसाना अधिकार दिलाय सकसेत।

रोमियो 14:17

काहेका परमेस्वर को राज खावन-पिवन लाय नही, पर उ न्याय सान्ती अना खुसि को बारे मा सेत। जो पवीतर आतमा लक भेटा सेत।

रोमियो 14:2

एक को भरोसा से का वा सब जेवन कर सका सेत, पर दुसरो मा भरोसा कमजोर सेत। उ बस हिवरो साग-भाजी च जेव सेत।

रोमियो 14:6

आपरो बिचार लक जोन कोनी दिवस ला माना सेत, उ परमेस्वर को लाय माना सेत। जो जेव सेत, उ पिरभू लाय जेवा सेत। अना जोन नही जेव सेत उ परमेस्वर को लाय नही जेव सेत। अना परमेस्वर को धनवाद करासे।

1 कुरिन्थियो 6:13

कोनी असो भी सांगेत पर जेवन पोटको लाय, अना पोट जेवन को लायसेत। पर परमेस्वर, यो दुई को अन्त कर देहेत। मंग देह छिंडरापन लाय नाहती, पर पिरभू काजी सेत, अना पिरभू देह काजी सेत।

1 कुरिन्थियो 8:8

जेवन अमीला परमेस्वर को कठा नही धाड़ा सेस। अदी आमी जेवन नही करबीन, तो काही नुकसान नाहती। अना जेवन करबीन, तो काही फायदा नाहती।

2 कुरिन्थियो 1:21

अबा जोन तुमरो संग हमी मसीह मा पक्को करासे अना जेना हमला निवाड़ी सेस। उ परमेस्वर से।

गलातियो 6:1

भाऊगीन अना बहिनगीन। अदी यो मालुम चलतो का कोनी ना कोनी गलत काम करीसेस तो तुमी लोक जोन आतमिक सेव, ओला नरम तरीका लक साजरो करबिन। तुमी खुदच सतरक रव्हने कहिं असो न होय की तुमी भी परिक्सा मा पड़ जाहो।

इफिसियो 4:14

एकोलाई हमी असो लेकराच न बनबिन जो हर कोनी असी नयी सिक्सा को हवा लक उछल जावबिन, जो आमरो रस्ता मा बव्हसे, लोकगीन को छल परन बेवहार लक, असी कपटता लक, जो ठगावन लक भरी योजना ला पेरीत करासे, इता-उता भटकाय दियो जावसे।

इफिसियो 5:6

तुमला कोनी कोरी गोस्टी लक नोको ठगेह, कायसेकि एनेच गोस्टी को कारन लक हुकूम ला नही मानन वालो पर परमेस्वर को गुस्सा कोप भई जासे।

कुलुस्सियो 2:4

यो मि एकोलाय कव्हसू की कोनी मानूस तुमला ललचानवारी गोस्टी लक धोखा नोको देहे।

2 थिस्सलुनीकियो 2:17

तुमरो मन ला सान्ती देहे। अना तुमला सबच साजरो काज अना गोस्टी मा पक्को राखेह।

2 थिस्सलुनीकियो 2:2

का कोनी आतमा लक या गोस्टी या चिठ्ठी लक जोन की मानो आमरो कनलक होवासे, यो आयक के का पिरभु को दिवस आय गई से, तुमरो मन एकदम बेचित्त नही होयहेत अना तुमरो मन नोको घबराहे।

1 तीमुथियुस 6:20

अरे तीमुथियुस एना धरोहर की राखवारी कर अना जेनको गियान ला गियान कव्हना च भुलसे उनकी बुरी बोली अना बिरोध की गोस्टी गीन लक दुहुर रव्हो।

1 योहन 4:1

ओ चहेतो, हरेक आतमा को भरोसा नोको करो पर आतमा ला परखो का वय परमेस्वर को कन लक सेत का नही; काहेका लगत सा खोटो भविस्यवक्ता संसार मा हिटके उभो होयी सेत।

यहूदा 1:12

यो लोकगीन तुमरी जेवनार मा उन छुपी हुयी चट्टानगीन को जसो सेत जो नुकसानदायक से। यो लोक बिना डर को संगा तुमरो संग खासेत पीसेत पर उनला केवल आपरो सुवारत को च चिंता रव्हसेत। वय बिना पानी को बादर सेत। वय पतझड़ को कसा झाड़ सेत जिन पर फर नही होवासे। वय जोड़ामरा हुया सेत। उनला उखाड़ो जा चकी से।

यहूदा 1:3

अगो चहेतो संगी हुन, अखिन भी मि लगत चाव्हत होतो का तुमला ओनो सूटकारा को बिसय मा लिखु, जोको आमी हिस्सेदार सेजन। मिना तुमीला लिखन की अना तुमला बढ़ावा देन की जरुरत सोचयो ताकि तुमी ओनो बिस्वास को लाई मेहनत करत रव्हो जेनला सब लक मोठो परमेस्वर ना संत मानूस हुन ला हमेसा को लाई दे दियो से।