इब्रानियो 12:3 - सत मारग पर चलन वारो किताब

³ वोको धियान करो! जोनना जिसने पापीहुन को असो बिरोध एकोलाय सहयो। जोन लक थक हार के तुमरो मन नोको बस जाय।

इब्रानियो 12:3 ပူးပေါင်းရင်းမြစ်များ

मत्ती 11:19

“मंग मानूस को टूरा आयो, जोन सबको जसो जेवन करा सेत, तरी वय लोक कव्हासेत। चोवो! यो अघोरी गजब खावन-पीवन वारा मानूस, अना बरगन लेवन वारा, अना पापी गीन को संगी सेत।” तरी काम लक अक्ल सहीमा कसो सेत पता चलासेत।

मत्ती 12:24

जबा फरीसि गिन यो आयकिन तबा कव्हन लगीन “यो ता बुरो आतमा को मुखिया, बालजबूल की मदद लक भूत-पलित ला हेड़से।”

मत्ती 15:2

“तोरो चेलागिन अमरो आजा पुरखा को नेम-धरम को पालन काहे नहीं करासेत? वय बिना हात जेवन करासेत।” .

मत्ती 21:23

यीसु मंदिर मा जायके सिक्सा, देवत ही होतो, ता मुखिया याजक अना सायनो लोक गीनना ओको जवर आयके पुसिन, “तु यो काम कोनतो अधीकार लक करासेस? अना असो अधिकारी तोला कोन बनाइसेस?”

मत्ती 21:46

अना ओन्हीसिन ओला पकड़नो चाहीन, पर लोकगीन लक डराय गईन काहे, की वय ओला परमेस्वर को मोठो भविस्यवक्ता मानत होतीन।

मत्ती 22:15

तबा फरिसी न जायके आपस मा विचारन लगीन का वोला कसो रिती लक फसावबिन।

लूका 14:1

यीसु पवीतर दिवस मा कोनी, मोसे को नियम को गुरू को यहान जेवनार मा गयो होतो, लोग वोला फसावन को ताक मा होतिन।

लूका 15:2

पर सास्तरी अखीन मोसे को नियम को गुरू मोसे को नियम को गुरुगीन, कुडकूडान लगीन, अना कव्हन लगीन यो तो पापी लोक गीन, संग मिलसे उनको च संग जेवन करासे।

लूका 16:14

मोसे को नियम को गुरू गिन धन-दौलत लक माया करत होतीन एकोलाय, यीसु को गोस्टी आयक के मजाक उड़ावत होतीन,

लूका 2:34

सिमोन ना उनला, अखीन आसीस दियो। अना लेकरा को माय मरियम ला कहीस। अवो यो लेकरा, एक असो निसान से, जोन को लोकईन विरोध करयेत, यो कारन लक इसरायल मा बहुत लोकगीन को पड़नो, अखीन जी उचलनो होयहेत।

लूका 5:21

एको पर मोसे को नियम को गुरू लेखक, अना पुरोहित एक दुसरो ला, जवाब करन लगीन। का यो परमेस्वर को निन्दा करन वारा कोन से? परमेस्वर को सिवाय कोन, पाप छिमा कर सकासे?

योहन 10:20

उनमा लक लगत कव्हन लगीन, ओमा भुत से, अना उ बैताड़ से, ओकी कायलाई आयकासेव?

योहन 18:22

जबा ओना यो कहीस, तो सिपाही मा लक एक ना जो जवर उभो होतो, यीसु ला चाटा मारके कव्हन लग्यो, का तु मोठो मुखिया याजक ला यो रिती लक जवाब देईसेस?

योहन 5:16

काहेकि यीसु ना बिसराम दिवस मा साजरो करन को काम करीसे, एकोलाई यहुदीहुन ओला सतावन लगीन।

योहन 7:12

लोकगीन ओको बारे मा चुप्पई लक लगत पिरकार को गोस्टी कर रही होतीन, काही कव्हत होतिन, का उ साजरो मानूस से, अना काही कव्हत होतीन, नही उ लोकगीन ला भरमावासे।

योहन 8:13

एतरो पर मोसे को नियम को गुरू यीसु लक कव्हासेत, “तु आपरी गवाही खुदच देसेस, एकोलाई तोरी गवाही खरी नहात।”

योहन 8:52

एतरो पर यहुदी अगूवा गीनना ओला कहिन, “अता आमला मालुम भय गयो से का तोरो मा कोनी भूत से। अबराहम अना भविस्यवक्ता गीन मर गयो सेत। अना तु कव्हसेस अदि कोनी मोरी गोस्टी ला आपनाहे ता ओकी मिरतु कभ्भू नही होयेत।

योहन 8:59

तबा ओन्हीसीन ओला मारन लाई गोटा उचलीन पर यीसु हिटके मंदिर लक चलो गयो।

योहन 9:40

जोन मोसे को नियम को गुरू ओको सँग होतिन, “उनना यो गोस्टी आयक के ओको लक कहिन, का हमि अँधरा सेजन?”

1 कुरिन्थियो 15:58

एकोलाय मोरो चहेतो, अगो भाऊ! अना अवो बहिन हुन! तुमी पक्को को सँगा जिलायो जावसे। अना अटल भई जावो। अना पिरभू को काम मा हमेसा बड़तो चलो। काहेका तुमी जानसो पिरभू मा तुमारो मेहनत बेकाम नाहती।

2 कुरिन्थियो 4:1

यीसु को दया लक परमेस्वर ना अमीला यो सेवा करन काजी देइसेस, अना एकोलाय आमी बेआस नको होहे सेजन।

2 कुरिन्थियो 4:16

एकोलाय आमी कबच निरास नही हुया, भलो ही आमरो नासवान सरीर धीरे-धीरे नास होवासे, मंग भी आमरो आतमिक देह दिवस को मंघा नयो रुप कियो जाहे।

गलातियो 6:9

आमी भलाई करत-करत हिम्मत न हारबिन काहेकि अदी आमी पक्को बनी रहबिन तो बेरा आवनो पर जरुर फसल कापबिन।

2 थिस्सलुनीकियो 3:13

तुमी अगो भाऊ साजरो करनो मा हिम्मत नोको छोड़ने।

इब्रानियो 12:2

आमरो बिस्वास को नेता अना वोला पुरो लक उसे सिद्ध करन वालो यीसु पर नजर लगावो। जोनला आपरो समोर हाजिर आँनद को लाय कूरूस मा दुख झेलयो, वोको लाजको कोनी चिंता नहीं होतयो। अना परमेस्वर को सिंघासन को उजो हातमा बस गयो।

इब्रानियो 12:5

तुमी वोना हिम्मत को बचन ला बिसार दियो सेव। जोन तुमीला टूरा होवन को नातोलक कह्यो गयो सेत। “ओ मोरो टूरा पिरभू को अनुसासन ला नोको टालजोस, वोको डाट को कभीच बुरो नको मानजोस,

इब्रानियो 3:1

एकोलाय पवीतर भाऊ अना बहिन हुन! तुमी सरग मा हाकलो जान को हिस्सादार सेव। यीसु पर धियान लगाव जोन आमी ला पेरीत अना मुखिया याजक मानिसेजन।

1 पतरस 2:23

जबा वोला गारी दियो गयो। ता वोना जवाब मा गारी नही दियो। दुख सहतो गयो, धमकी नही दियो। पर अपरो आप ला वोको हात सोप दियो। जोन न्याय लक बिचार करा सेत।

परकासित वाक्य 2:3

मोला मालूम सेत का तोरो मा धीरज से, अना मोरो नाव को कारन तु दुख उठात-उठात थकयो नही सेत।