गलातियो 5:1 - सत मारग पर चलन वारो किताब

¹ मसीह ना छुट्टो रव्हन लाई हमरो सूटकारा करीसेस, एकोसाठी तुमी लोक पक्का रव्हो। अना मंग गुलामी को जुआड़ी मा नोको फंदहो।

गलातियो 5:1 ပူးပေါင်းရင်းမြစ်များ

मत्ती 23:4

वय असो बोझा ला जेनला उचलनो कठिन सेत बाँधके उन मानूस को खांद पर राखासेत, पर खुदच आपरी करंगी लक भी खिसकानो नही चाव्हत।

लूका 5:38

मंग नवा अंगूर को रस नवो छागल मा डाखनो खरो से।

पेरीत 15:10

अता चेला गीन की गरदन पर असो मजबूत जुमेदारी की जुआड़ी राखके जेनला न तो हमरो पुरखा, अना हमि उचल सकया सेजन, अता काहे परमेस्वर की परिक्सा करोसो?

रोमियो 6:14

तबा तुमरो पर पाप को राज नही होयेति। काहेका तुमी मोसे को नियम को दास नही पर किरपा को आधीन सेव।

रोमियो 6:18

अना पाप को कब्जा लक छुडायो जाके नेकपन को दास बन गयो सेत।

रोमियो 7:3

एकोलाय यदि कोनी बायका आपरो मरद को जित्तो जी वा कोनी दुसरो मरद को भई जाय। ता वोला छिनाल कव्हा सेत। तरी वोको मरद मर जाय तो वा मोसे को नियम अनुसार वा वोको लक वोको लक सूट गई, अना कोनी दुसरो मरद को भई जाय तो कोनी पाप नाहती।

रोमियो 7:6

तर अबा कानून लक सूटकारा भेटयो सेत। काहेका जोन कानून ना अमीला बांधयो होतो वोको काजी अमी मर गयो सेत। अना अबा, जूनो लिख्यो कानून लक नही, बल्कि आतमा को नवा रीत लक अमी आपरो मालिक को सेवा करा सेजन।

रोमियो 8:15

परमेस्वर तुम्हिला आपरो आतमा को गुलाम नही बनावा सेत। यो काजी तुम्हीला परमेस्वर को सन्तान बननो मा भेव लगअ सेत। तरी आतमा तुम्हिला परमेस्वर को लेकरा बनावा सेत। अना वोनअ च आतमा को ताकत को कारन तुम्ही परमेस्वर ला दआजी कव्हा सेव।

रोमियो 8:2

आत्मा को कानून, जोन अमिला मसीह यीसु मा जिंदगी देवा सेत। वा अमिला पाप अना मिरतु को कानून लक सूटकारा दे दियो सेत।

1 कुरिन्थियो 15:58

एकोलाय मोरो चहेतो, अगो भाऊ! अना अवो बहिन हुन! तुमी पक्को को सँगा जिलायो जावसे। अना अटल भई जावो। अना पिरभू को काम मा हमेसा बड़तो चलो। काहेका तुमी जानसो पिरभू मा तुमारो मेहनत बेकाम नाहती।

1 कुरिन्थियो 16:13

तुम लोक जगत रव्हो, भरोसा मा पक्को रव्हो, अना हिम्मत राखो, अना ताकत लक भरो रव्हो।

1 कुरिन्थियो 7:22

काहेका जोन दास को दसा मा पिरभू मा हाकलो गयो सेत, उ पिरभू को छुड़ायो गयो सेत, वसोच जोन छुट्टो सेत उ मसीह को दास सेत।

2 कुरिन्थियो 11:20

काहेका जबा कोनी तुमला गुलामी करावा सेत, खाय जावासेत, आपरो जालमा फसा लेवासेत। अना आपरो आप ला मोठयो साबीत करासेत, या तुमरो तोन्ड मा झापड़ मारासेत, अना तुमी सहन कर लेवासो,

2 कुरिन्थियो 3:17

अबा यो पिरभू तो आतमा सेत, अना जितानी पिरभू को आतमा सेत उता कोनी बन्धन नाहती।

गलातियो 2:4

यो उन दोगला भाऊगीन लक भयो। जोन चोरी लक धस आया होतीन की हमारो ओनो सुट की जोन यीसु मसीह मा हमला मिलीसे। भेद आन के ना हमला दास बनाऐत।

गलातियो 3:25

पर भरोसा आवनो लक आमी रखवालो का कब्जा मा नही रहया।

गलातियो 4:26

पर वरता को यरुसलेम आजाद से, अना वा आमरी माय से।

गलातियो 4:31

एको साठी हे भाऊ गीन, आमी दासी का नई सेजन पर खुल्लो बायको को लेकरा सेजन।

गलातियो 4:9

पर अबा तुमी परमेस्वर ला वोरख लियो सेव या असो कव्हबिन की परमेस्वर ना तुमला अपनाय लेइसेस, तो तुम्ही कसो मंग उन बेजोर अना बेसार उसुल गीन की आसरा ले सकासेव? का तुमी एक गन मंग उनकी सेवा अपनावन चाव्हसो?

गलातियो 5:13

ओ भाऊ गीन तुमी सूटकारा पावन को लाई हाकलो गयो सेव, यो सूटकारा आँग की मनसा पूरी करन लाई नही होइसे, पर माया लक एक दुजो की सेवा करो।

इफिसियो 6:14

ऐना रिती लक खराई लक नोको चुकने अना धरमी बनयो रव्हने,

फिलिप्पियो 1:27

एतरो करो का तुम्हारा चाल-चलन मसीह को साजरोबारता को काबिल होय का चाव्ह मि आयके तुमला चोऊ, चाव्ह नही आऊँ, तुमरो बारे मा योच आयकू का तुमी एकच आतमा मा पक्को सेव। अना एक चित्त भयके साजरो बारता को भरोसा को लाई मेहनत करत रव्हना।

1 थिस्सलुनीकियो 3:8

अदी तुमी पिरभू मा पक्को लक रव्हो त हमी सचमुच जित्तो सेजन।

2 थिस्सलुनीकियो 2:15

एकोसाठी अगो भाऊगीन तुमी अडिग रव्हने; जोन जोनसी सिक्सा तुमी ना गोस्टी या चिठ्ठी कन लक सीकायो सेव ओला धरो रव्हने।

इब्रानियो 10:23

आमी आपरो आस को गवाही देवन काजी पक्को अना अटल रहन को परन करिया सेत। काहेका जोन ना अमीला बचन देइसेस वा भरोसा काबिल सेत।

इब्रानियो 3:14

अदी आमी आपरो पयलो भरोसा पर आखीर तकन मजबूत बनो रव्हसेत तो आमी मसीह को हिस्सादार बनयो सेत।

इब्रानियो 3:6

पर मसिहा तो टूरा जसो परमेस्वर को घराना को वारिस सेत। अदी आमी आपरो भरोसा अना आस मा घमंड ला आखीर तकन मजबुति लक थाम सेजन त हमच वोको घराना सेजन।

इब्रानियो 4:14

परमेस्वर को टूरा यीसु आमरो मुखिया याजक से। जोन सरग लक आयो से, अना लवट गयो। एकोलाय अमी आपरो बिस्वास को बचन ला मजबूती लक धरयो रहबीन।

1 पतरस 2:16

आपरो आपला छुटटो समझो। पर आपरो आप को यो छूट ला बुरो करन काजी नोको बवजो पर आपरो आपला परमेस्वर को दास समझ के चलो।

2 पतरस 2:19

वय उनला मुक्त करन लाय साठी वचन दियो सेत। पर खुदच सड्या को गुलाम सेत, कारन जोन हारासे उ उनको गुलाम बनसेत।

यहूदा 1:3

अगो चहेतो संगी हुन, अखिन भी मि लगत चाव्हत होतो का तुमला ओनो सूटकारा को बिसय मा लिखु, जोको आमी हिस्सेदार सेजन। मिना तुमीला लिखन की अना तुमला बढ़ावा देन की जरुरत सोचयो ताकि तुमी ओनो बिस्वास को लाई मेहनत करत रव्हो जेनला सब लक मोठो परमेस्वर ना संत मानूस हुन ला हमेसा को लाई दे दियो से।

परकासित वाक्य 2:25

मंग जो भी काही तुमरो जवर सेत, ओला मोरो आवन तकन ताकत पुर्वक संभाल लेव।

परकासित वाक्य 3:3

एकोलाय तुना जोना सिक्सा ला आयकयो सेत वोला हेतकर अना ओमा च चल। आपरो मनला पाप लक हटाव। अदि तु जागत नोको रव्हजोस, ता मि एकाएक चोर जसो आहुं। मी तोला कब अचरज मा डाख देहू, तोला पता भी नही चलहेत।