गलातियो 4:5 - सत मारग पर चलन वारो किताब

⁵ जोन लक उ मोसे को नियम लक कब्जा मा रव्हनवालो ला सुड़ाय सकेह अना आमी परमेस्वर की गोद लिया सँतान बन जावबिन।

गलातियो 4:5 ပူးပေါင်းရင်းမြစ်များ

मत्ती 20:28

मी एको लाई नही आईसेव, का मोरो कोनी सेवा करे। पर मानूस को टूरा एकोलाय आईसेस क उ खुदच सेवा चाकरी करे। अना लगत लोकगीन को सूटकारा लाई आपरी जान देदेहेत।”

लूका 1:68

धन्य से इसरायल को परमेस्वर, वोना आपरो लोकगीन को सूधी लेवासे, अखीन उनको मोक्स करोसे।

योहन 1:12

पर जितरो ना वोला आपनाय लेइन, उनला वोना परमेस्वर को टूरा-टुरी होवन को हक देइस। मनजे जोन लोकगीन वोको नाव पर भरोसा राखासे।

पेरीत 20:28

एकोलाय अपरी, अना पूरो हेड की चोकसी करो, जिनमा पवीतर आतमा न तुमला कलिसीया को मुखिया ठायराइसेस। जोनलक तुमी परमेस्वर की कलीसिया की देख-रेख करो, जेनला वोना अपरो खून लक मोल लेई सेस।

रोमियो 10:4

काहे का यीसु मसीह सबच पिरकार लक कानून ला पूरो करासेत। अना हरेक भरोसा राखन वारा ला नेक रस्ता देवा सेत।

रोमियो 8:14

जोन आतमा को अनुसार जिंदगी बितावा सेत वा च परमेस्वर को सन्तान सेत।

रोमियो 8:15

परमेस्वर तुम्हिला आपरो आतमा को गुलाम नही बनावा सेत। यो काजी तुम्हीला परमेस्वर को सन्तान बननो मा भेव लगअ सेत। तरी आतमा तुम्हिला परमेस्वर को लेकरा बनावा सेत। अना वोनअ च आतमा को ताकत को कारन तुम्ही परमेस्वर ला दआजी कव्हा सेव।

रोमियो 8:19

परमेस्वर को सबच रचना, परमेस्वर को लेकरा गिनको जलम होवन को रस्ता लगत आस लक चोवअ सेत।

रोमियो 8:23

पर अकेलो दुनिया को रचना च नही कुन्हावअ सेत। मंग परमेस्वर को भेटयो लका एक आतमा भी सेत। वा भी आपरो भितर ढुकअ सेत, काहेका अमी यो काजी परमेस्वर को रस्ता चोवा सेजन। का वो अमिला आपरो लेकरा बनाय के आमरो पुरो जिंदगी को सूटकारा कर देवे।

रोमियो 9:4

वय परमेस्वर को लोख सेत। परमेस्वर ना उनला आपरो लेकरा बनायो। अना आपरो गौरव उनको समोर दिसायो। परमेस्वर ना उनको संग करार कियो अना उनला कानून दियो। उनको पूजा सच्चो सेत। उनला परमेस्वर को वादा भेटयो सेत।

गलातियो 3:13

मसीह ना हमला आन के मोसे को नियम को काम को सिराप लक छुड़ायीस अना खुदच आमरो साठी सिरापित बन गयो, काहेकि लिखीसे, “जोन कोनी लकड़ी को कूरूस मा लटकायो जावसे उ सिरापित से।”

गलातियो 3:26

काहे की तुमी सप्पा को सप्पा यीसु मसीह मा भरोसा करन को काजी परमेस्वर की संतान सेव।

गलातियो 4:21

तुमी जोन मोसे को नियम को बस मा रव्हन चाव्हसो, मोला यो साँगो, का तुमी यो नही आयको की कानुन तुमला का कव्हसे?

गलातियो 4:7

एकोलाय अब तुमी दास नही, सँतान सेव अना संतान होवन को नातो लक तुमी परमेस्वर की दया लक वारिस भी सेव।

इफिसियो 1:5

आमरो पुढ़ा ओको जो पिरेम से ओकोच काजी ओना यीसु मसीह को कन लक आमीला आपरो लेकरा को रुप मा आपनायो जान को लाई ठहरायीसेस। योच ओको मरजी होती अना योच ओको मकसद भी होतो।

इफिसियो 1:7

ओको चढ़ावा मिरतु को कन लक अब आमी आपरो पाप हुन लक सूटकारा को मजा ले रही सेजन। ओको भरपुर किरपा को काजी आमीला आपरो पापहुन को माफी मिलसेत। आपरो वोच पिरेम को जसो जेनला उ मसीह को कन लक आमी पर दिसान चाव्हत होतो।

इफिसियो 5:2

अना माया मा चलोह जसो मसीह ना भी आमी लक माया करीस अना आपरो खुदच ला परमेस्वर को कठा सुख देवनवारी खुसबुदार चढ़ावा बनके आमरो लाई परमेस्वर ला चढ़ाय देईसेस

तीतुस 2:14

जेने आपरो आप ला आमरो साठी दे देईसेस, की आमी ला हरेक परकार लक दुस्टपन लक छुड़ाय लेहे। अना आपरो बेचयोगयो लोकहुन को रुप मा आमीला पवितर करलेव, जोन लक नेक काम करन लाई आमी हरमेसा तैय्यार रव्हे।

इब्रानियो 1:3

उ ता टूरा परमेस्वर को गौरव को उजाड़ सेत। अना उ जनमन परमेस्वर जसोच सेत। अना सप्पा काही वोकोच सामरथ लक संभालासे। सर्वांना पाप पासुन मुक्त करायो अना असो करन को मंघा उ सरग मा महान गौरव लक परमेस्वर को उजो हातमा बस्यो।

इब्रानियो 9:12

अना बोकरा अना नाटा को रकत लक नही, पर आपरो च रकत लेके, एक च बार, पवीतर जघा मा धस गयो। अना अमरता को सूटकारा मिल गयो से।

इब्रानियो 9:15

मसीह पयलो करार को भितर, कियो गयो गुनाह, को छिमा को लाय मर गयो सेत। अना अबा उ एक नवा करार को बिचवई से। परमेस्वर जोन ला हाकल सेत, उनला अबा वोको करार लक अमर काल तकन सूटकारा को हक मिलासेत।

1 पतरस 3:18

एकोलाय मसीह ना भी जोन एक नेक मानूस होतो। एक च बेरात, पाप साठी दुख भोगयो। यासाठी क परमेस्वर कना अमी ला लेजाय। उ देह मा तो मारयो गयो, पर आत्मा मा, जित्तो भयो।

परकासित वाक्य 14:3

वय लोक सिघासन, च्यार जीव अना बुजरुक को समोर एक नवा गाना गावत होतिन। जोन एक लाख चवालीस हज़ार लोक ला धरती मा फिरौती देयकर बन्धन लक सोड़ा लियो होतो। उनला सोड़ कोनी मानूस वोना गाना नहीं सीक सकत होतिन।

परकासित वाक्य 5:9

वय लोकगीन यो नयो गाना गावन लगीन। तु ऐना पावती धरन अना येकी सिक्का खोलन को लायक से। येको एवज मा तुना बली होयके, आपरो रकत लक, हर एक कुल, अना भासा, अना लोक अना जात लक परमेस्वर को लाई लोक हिन ला मोल ले लेई सेस।