गलातियो 2:9 - सत मारग पर चलन वारो किताब

⁹ जबा उनना ओना दया ला चिन्हिन जोन मोला मिली होतो ता याकूब, कैफा अना योहन ना जो कलीसिया को खम्बा समजो जावत होतीन, मोला अना बरनबास को संगती को उज्जो हात दियो की आमी परजात जातिगीन मा अना वय खतना करन वालो मा, काम करयेत।

गलातियो 2:9 ပူးပေါင်းရင်းမြစ်များ

मत्ती 16:18

अना मी तोला कव्हसू का तु पतरस सेस, अना मी येनो गोटा पर अपरी कलीसिया बनाऊ अना मिरतु वोको, पर ताकतवर नही होहेत।

लूका 22:8

यीसु पतरस अना योहन ला यो सांगके धाड़िस, “जाओ बलिदान तिहार को तैयारी करो, का अपन सबा संग-संग जेवन करबीन।”

योहन 1:42

तबा अंद्रियास ना समौन ला यीसु को जवर आनिस। तबा वोना टकटकी लगायके ओला चोयके कहीस, “तु योहन को टूरा समौन आस, तू पतरस कहलाजोस।”

पेरीत 12:17

तबा ओने उनला चुप्पी रव्हन लाई हात लक ईसारा करयो, अना साँगीस का पिरभू ना कोन रिति लक मोला बन्दीघर लक बाहेर हेड़ीसेस, मंग उनलक कहीस, “याकूब अना अखिन भाऊ गीन ला यो खबर देव।” तबा उ वहान लक हिटके कोनी दुजो जघा ला चली गयो।

पेरीत 15:13

जबा वय बोल चुकिन ता येरुसलेम कलिसिया को मुखिया याकूब ना साँगीस। भाऊ मोरी आयको,

पेरीत 15:7

एक लम्बो-चौवड़ो बैस को मघा पतरस ना उभा होयके उनलक कहीस, “मोरो भाऊ गीन, लगत दिवस पुढ़ा तुमरो मा लक परमेस्वर ना निवाड़ी होतो। का मोरो लक गैरयहुदी गिन साजरा बारता आयकेत, अना बिस्वास करहेत।”

पेरीत 4:36

उदाहरन को लाई यूसुफ, नाव को एक मानूस होतो, वय लेवी खानदान, को होतो। वोको जन्म साइप्रस, दीप मा भयो होतो। चेलागीन, न वोको छाप को नाव बरनबास, मन्जे हिम्मत को टूरा राखी होतिन।

रोमियो 1:5

वोच यीसु को खासम-खास चेला होवन को मौका मोला भेटयो सेत। जोन लक मी सबा देस को लोकगिन ला यीसु मा बिस्वास करन अना वोला मानन मा मदद करबिन।

रोमियो 12:3

अना मी परमेस्वर को किरपा को वजा लक हरेक ला कव्हसेऊ। अपरो आप ला जरुरत लक जादा हुसियार नोको समजो। आपरो बिचार मा सयंम बरतो। अना परमेस्वर ना तुम्हिला जोन बिस्वास देयि सेत, वोको अनुसार खुद को बरोबरी करो।

रोमियो 15:15

तोभी मि ना काही-काही हेत दिलावन काजी तुमीला लगत हिम्मत जुटाय के लिखी सेउ। यो वोना किरपा को कारन भयो, जोना परमेस्वर ना मोला दियो सेत।

1 कुरिन्थियो 15:10

मि जोन काही सेउ, परमेस्वर को किरपा लक सेउ, अना जोन किरपा मोला मिलिसे उ बेकार नही भई। मी उन सब लक जादा महेनत करिसेऊ।

2 कुरिन्थियो 11:5

मी त समजाय सेऊ का मी कोनी गोस्टी मा मोठो पेरीत गीन लक कम नही सेव।

2 कुरिन्थियो 12:11

मी मुरख तो बन गयो, पर तुमी ना मोला मुरख बनन काजी बेबस करीसेव। तुमला तो मोरी बडाई करनो होत्यो, काहेकि अदी मी काही भी नही सेव, ताभि मी उन मोठो लक मोठो पेरीत गीन लक काही गोस्टी मा कम नही सेव।

2 कुरिन्थियो 8:4

उनना आमरो लक बिनती करीन अना यहूदिया देसमा परमेस्वर को पवीतर लोकगीन को सेवा करनलाय अमीला भी मौका देव असो कव्हन लगीन।

गलातियो 1:16

परमेस्वर ना मोला आपरो टूरा ला दिसाईस अना मोला अलग कर देईस का मि यीसु को साजरो बारता ला परजात ला सांगु। एको मंघा मिना कोनी निरो मानूस खून को रिस्तेदार लक नही पुसयो।

गलातियो 1:18

पर तीन बरस मंघा, पतरस लक खबर लेवन साठी यरुसलेम नगर गयो। अना उनको संगा एक पँदरवाड़ी रहयो।

गलातियो 2:1

चौदह बरस बीतन को मंगा मि बरनबास को संगा यरुसलेम गयो। अना तीतुस ला संगा ले गयो।

गलातियो 2:2

मि परमेस्वर को सांगयो लक उता गयो। अना जोन साजरो बारता मि परजात गीन मा सांगिसेउ। वाच मिना उनला सांग दियो, पुड़ा पेस कियो। पर एकलो मा उनला जोन मोठो समजो जावत होतीन। की कहीं मोरी यो बेरा की या पिछलो दौड़ धुप अकारत न होय जाय।

गलातियो 6:3

काहेकि अदी कोनी समझसे की मि काही सेव। जबकि काही नही से तो उ आपरो आप ला ठगसे।

इफिसियो 2:20

तुमी एक असा घर सेव जोन पेरीतहुन अना भविस्यवक्ता हुन को नीव पर उभो से, अना खुदच मसीह यीसु जेनको लगत महत्तम को कोनटा को गोटा से।

इफिसियो 3:8

अदि अखिन सभच संतहुन मा मि नहानो लक भी नहानो सेउ पर मसीह को अमर धन रुपी साजरो बारता को गैरयहुदी मा पिरचार करन को यो दया मोला दियो गयो।

कुलुस्सियो 1:29

असो करन काजी, मी मसीह यीसु को ताकतवर ताकत ला काम मा आनके अखीन जोन काम करासू। वोको लाय मी मेहनत भी करासू।

1 तीमुथियुस 3:15

अदी मोरो आवनो मा उसीर होहे त तु जान लेवजोस का परमेस्वर को घर मा जोन जित्तो परमेस्वर की कलीसिया से अना जोन खराई को खम्बा अखिन नीव से कसो बरताव करनो पाहिजे।

1 योहन 1:3

जोन काही आमी ना दिसया अना आयको सेजन ओको खबर तुमला देसेजन, एकोलाय की तुमी भी आमरो संगा संगी सेजन, अना आमरो यो संगीपन बाबूजी को संगा अना ओको टूरा यीसु मसीह को संग से।

परकासित वाक्य 3:12

जोन जिते वोला मी आपरो परमेस्वर को मंदिर को खम्बा बनाहिन। मंग कदी उ यो मंदिर लक बाहेर नहीं हीटेयेत। अना मी आपरो परमेस्वर को नगर को नवा यरूसलेम को नाव वको मा लिखूँ। जोन मोरो परमेस्वर को कनलक सरग लक खाल्या उतरन वालो सेत। वोमा मी अपरो नवा नाव लिखिन।