गलातियो 2:2 - सत मारग पर चलन वारो किताब

² मि परमेस्वर को सांगयो लक उता गयो। अना जोन साजरो बारता मि परजात गीन मा सांगिसेउ। वाच मिना उनला सांग दियो, पुड़ा पेस कियो। पर एकलो मा उनला जोन मोठो समजो जावत होतीन। की कहीं मोरी यो बेरा की या पिछलो दौड़ धुप अकारत न होय जाय।

गलातियो 2:2 ပူးပေါင်းရင်းမြစ်များ

मत्ती 10:16

“चोवो! मी तुमला मेढा जसो, बिघा गीन को बीच मा धाड़सू। एकोलाय सरप जसो चतूर, अना परेवा जसो भोलो बनने।”

पेरीत 15:12

तबा सारी भीड़ सान्त भई गइन। तबा बरनबास अना पौलुस लक यो बखान करन लगीन। का परमेस्वर ना उनको लक गैरयहुदी लोकगीन मा कसो-कसो हिदान दिखाइसेस। अना अचँभा काम करीसेस।

पेरीत 15:2

पौलुस अना बरनबास उनको लक सहमत नही होतिन। तो उनको सँग लगत बैस भयो। तबा पौलुस, बरनाबास अना उनमा लक काही संगीगिन ना ऐना समस्या को उपाय लाई पेरीतगिन अना मुखिया गिन को जवर येरुसलेम नगर धाड़न को इरादा करीन।

पेरीत 15:4

मंग जबा वय येरुसलेम पहुचीन, तो कलिसिया को पेरीतगिन ना, अना बुजरुग गिन ना उनको आव-भगत करीन। पौलुस अना बरनाबास ना उनको संग परमेस्वर ना जोन काही काम करीसेस सांगीस।

पेरीत 18:9

पिरभू न एक रात को दरसन देके पौलुस लक असो कहीस, नोको हार, पर बोलत जाय अना उगो-मुगो नोको रव्ह।

पेरीत 23:11

वोनाच रात पिरभू न पौलुस को जवर उभो होयके कहीस “हिम्मत राख, जसो तुना येरुसलेम नगर मा मोरो बिसय मा गवाही देईस वसोच तोला रोम देस मा गवाही देनो पडे।”

पेरीत 5:34

पर उन मा लक एक फरिसी जोनको नाव गमलीएल होतो। जोन मोसे को नियम को गुरू होतो, अना सब लोकगिन मा वोको मोठो मान होतो। सभा मा उभो भयो अना यो हुकूम दियो। का पेरीतगीन ला जरासो बेरा को लाई बाहेर हेड़ देव।

रोमियो 9:16

एकोलाय यो मानूस को इक्सा या वोको मेहनत पर नही, पर दया करनवारा परमेस्वर को इक्सा पर सेत।

1 कुरिन्थियो 1:23

पर आमी कूरूस मा चघायो, गयो मसीह को च परचार करीसेजन। यो यहूदिगीन काजी भरोसा, मा बाधा, सेत। अना गैर यहुदी लाय जाल सेत।

1 कुरिन्थियो 2:2

परा मी यो ठान के आयो होतो, का तुमरो बीच मा कूरूस मा चघायो गयो, यीसु मसीह को बारता को सिवाय कोनी गोस्टी नही करहीन।

1 कुरिन्थियो 9:24

का तुमला नही मालूम सेत, का धावन को मैदान मा सबच धावासे, पर कोनी एक ला ईनाम मीलासेत। मजे तुमी असो धावो का ईनाम तूमी ला भेटे।

1 कुरिन्थियो 9:26

एकोलाय मी एक “निसान साधके तीर चलावसू” मी अन्दाज लक तीर नही छोड़से

2 कुरिन्थियो 12:1

मँग गरब करनो मोरो काजी सजरा नाहती, मँग करनो पड़से। एकोलाय मी पिरभू ना जोन दरसन देइसेत वोको बारे मा तुमीला सांगसू,

गलातियो 1:12

मिना कोनी मानूस को मदद लक ओला नही अपनायो अना नही सिकयो , पर ओला खुदच यीसु मसीह ना मोरो पर दिसाईसेस।

गलातियो 1:16

परमेस्वर ना मोला आपरो टूरा ला दिसाईस अना मोला अलग कर देईस का मि यीसु को साजरो बारता ला परजात ला सांगु। एको मंघा मिना कोनी निरो मानूस खून को रिस्तेदार लक नही पुसयो।

गलातियो 1:6

मोला अचंभा होवासे की जेना तुमी लोकगीन ला मसीह को दया कन लक हाकलीस। ओला तुमी एतरो लहाकी लक सोड़ के कोनी दुजो साजरो बारता का मंघा होय गयत।

गलातियो 2:6

पर वय लोक जो मान महातम को समजो जावत होतिन, वय कसा होतीन मोला एकोलक काही काम नाहाति; परमेस्वर कोनी को पक्स नही करा-उनलक जोन काही समझो जावत होतीन, मोला काही भी नही मिलीसे।

गलातियो 2:9

जबा उनना ओना दया ला चिन्हिन जोन मोला मिली होतो ता याकूब, कैफा अना योहन ना जो कलीसिया को खम्बा समजो जावत होतीन, मोला अना बरनबास को संगती को उज्जो हात दियो की आमी परजात जातिगीन मा अना वय खतना करन वालो मा, काम करयेत।

गलातियो 5:7

तुमी लोक साजरो उन्नती कर रहया होतत। तुमी लोकगीन ला कोन ना पुढ़ा बढ़नो लक रोकिस की तुमी खरो गोस्टी ला नोको मानो?

फिलिप्पियो 2:16

की मसीह को दिवस मोला घमन्ड करन को काजी होय की न मोरो दौड़ अना मोरो मेहनत करनो बेकार भयो।

फिलिप्पियो 2:29

एकोलाई तुमी पिरभु मा ओला लगत खुसी को संग भेंट करने अना असोहुन को मान करने।

1 थिस्सलुनीकियो 3:5

एना कारन जबा मोरो लक अखीन न सहयो गयो त मीना तुमरो भरोसा की घटना जानन लाई धाड़ियो, काही असो नही होवा का परखन वालो न तुमरी परिक्सा करी रहेस अना हमारो महेनत बेकार भय जाहेत।

2 तीमुथियुस 4:7

मी साजरी कुस्ती लड़ चुकी सेउ मीना अपरी दौड पूरी कर लेई सेस मीना बिस्वास की देख-रेख करीसेस।

इब्रानियो 12:1

काहेका अमी गवाही को इतरो मोठ्यो गरदी लक घिरयो हुयो सेजन। जोन अमिला बिस्वास को मन्जे काय सेत? यो गोस्टी को पुरुप सेत। एकोलाय आओ बाधा पहुँचान वालो हरेक चीजला अना वोना पाप को जोन सरड़ मा अमिला उलझा लेवासेत। फटाक नारी फेंकके अना उ दौड़मा धावनो सेत, आओ अमी धीरज लक धावबिन।