गलातियो 1:1 - सत मारग पर चलन वारो किताब

¹ यो चिठ्ठी मि पौलुस को कन लक लिख्यो गयी से। जोन ला खुदच यीसु मसीह अना परमेस्वर बाबूजी ना मोला पेरीत ठहराईसेस। जेने ओला मरयो हुवो मा लक मंग लक जित्तो करीसेस जोन ना तो मानूस को कन लक अना ना कोनी मानूस कन लक पेरीत ठहरायो गयो सेव।

गलातियो 1:1 ပူးပေါင်းရင်းမြစ်များ

योहन 10:30

मी अना मोरो अजी दूई एकच सेजन।

योहन 20:21

यीसु ना मँग उनलक कहीस, “तुमला सान्ती मिलहे। जसो बाबूजी ना मोला धाड़ीसेस, वसो ही मि भी तुमला धाड़िसेउ।”

योहन 5:19

ऐना रिती यीसु ना उन लक साँगीस, मि तुमी लक खरो कव्हासेऊ, “टूरा खुदच काही नही कर सका, केवल परमेस्वर दाअजी जोन वोला करन ला कव्हासे, काहे का जोन काम ला दाअजी करासे, वसोच टूरा भी वोच रिती लक करासे।”

पेरीत 22:10

तबा मी न कहेयो, “अरे पिरभू मी का करु?” पिरभू न मोरो लक कहीस “उभो होयके दमिसक मा जाय अना जोन काही तोरो करन को लाई राखीसेऊ उ तोला ला सब सांग दियो जाहे।”

पेरीत 3:15

तुमीना जिंदगानी को रास्ता चोवन वारा ला मार डाकयात। पर परमेस्वर न वोला मरयो हुयो मा लक जित्तो करीस। हमी वोको पुरुप सेजन।

पेरीत 9:6

उभो होय अना सहेर मा जाय तोला जेव करनो से उ तोला सांगयो जाहे।”

रोमियो 1:1

पौलुस को यो चिठ्ठी से। जोनला यीसु मसीह ना सेवक अना पेरीत को नाता लक निवड़ले आहेत। अना परमेस्वर को साजरा बारता सांगन लाय बुलायो सेत।

रोमियो 10:9

यदि तुमी असो स्विकार करा सेव, का यीसु च पिरभू सेत। अना बिस्वास करो का परमेस्वर ना वोला मरयो हुयो लक जित्तो करयो सेत, तो तुम्हि बच जाहो।

रोमियो 14:9

काहेका यीसु मसीह यो काजी मरयो अना जित्तो भई गयो, काहेका उ मरो हुवो अना जितो दुई को पिरभू बन जाये।

1 कुरिन्थियो 1:1

धाड़न वालो, पौलुस! जोन ला परमेस्वर को मरजी लक यीसु मसीह को पेरीत कह्यो जावत होतो, अना आमरो भाऊ सेस्थिनेस,

2 कुरिन्थियो 1:1

अखया कुरिन्थुस नगर मा परमेस्वर यीसु मसीह को कलीसिया अना सबा युनान देस को रहवासी सबा पवीतर संतहुन को नाव पौलुस जोन परमेस्वर को मनसा को कन लक पेरीत सेत, अना भाऊ तीमुथियुस को चिठ्ठी।

गलातियो 1:15

पर परमेस्वर ना मोला माय को गरभ लक बेगरोच कर लेई होतीस अना मोरो पर दया करके ना मोला हाकलीस।

गलातियो 1:17

अना मी यरुसलेम को पेरीत गीन ला भी नही पुसयो। पर मि एकदम लक अरब देस ला चली गयो, अना मि दमिसक नगर वापिस आय गयो।

इफिसियो 3:8

अदि अखिन सभच संतहुन मा मि नहानो लक भी नहानो सेउ पर मसीह को अमर धन रुपी साजरो बारता को गैरयहुदी मा पिरचार करन को यो दया मोला दियो गयो।

2 तीमुथियुस 1:1

पौलुस को कन लक जोन, जिंदगी की परन को जसो जोन मसीह यीसु मा से। परमेस्वर की आस लक मसीह यीसु को पेरीत से।

तीतुस 1:3

अबा सही बेरा मा, वोना आपरो मतलब की गोस्टी वोना सन्देसा लक साप कर दियो। जोन को परचार आमरो बचावन वालो परमेस्वर को हुकूम अना भरोसा लक मोला सोपो गयो सेत।

इब्रानियो 13:20

जोनना मेढा गीन को महान रखवालो, आमरो पिरभु यीसु को रकत लक वोना अमर सांती करार मा मोहर लगाके परमेस्वर मरयो हुयो लक जित्तो कर देइस।

1 पतरस 1:21

वोना मसीह को कारन तुमी वोना परमेस्वर पर बिस्वास करासेव। जोनना वोला मरयो हुयो मा लक जित्तो कर दियो। अना महिमा देईस, असो लक तुमरो बिस्वास अखिन आस परमेस्वर पर थम जाय।

परकासित वाक्य 1:18

मि मर गयो होतो अता मि सदा लक जित्तो सेव। मिरतु अना नरक को कुन्जी मोरो जवर से।

परकासित वाक्य 1:5

अना यीसु मसीह कन लक जो भरोसा लायक गवाह, मरयो हुयो मा लक जी उचलनो मा पयलो, अना सारो जगत को राजा गीन को मुखिया से। तुमला किरपा अना सान्ती मिलत रव्हे। उ आमरो लक माया राखासेत, अखिन आपरो रकत लक अमिला पाप लक छुड़ायो से।

परकासित वाक्य 2:8

स्मुरना को कलीसिया को सरगदूत ला असो लिख, “उ जोन पयलो अना आखीर से। जिन मर गयो होतो अबा जोन दुबारा जित्तो भयो से। उ असो कव्हसेत।”